بنات والله قاعدةة ابجي بجي محد حاس فيني والله تعبت من الهموم والتفكير

[روح مغليهاM]

حبوبه عمررك مرا صغغيره 24 حسستيني انك 34 نصيحححه استمتعي بحياااتك بكل لححظه وانتي عزوبيه لاحقه ع التعب وعوار الراااس
الله يوفقك خيتو ويرزقك بالزوج الصاالح عاجلا غير اجلا

 

[حلاتي ابتسامتي]

ان شاء الله تتزوجين بأقرب وقت ^^

 

[اسرار الحب]

حبيبتي هاذي قسمة ونصيب والله في ناس يتزوجون وعمرهم اكبر منج ف 30
وانتي توج24 سنة الله يرزقج بولد الحلال انشاء الله

 

[مس مونتريال]

حبيبتي ..... والله مادري شاكتب لج !!!! في البدايه زعلت وانا اقرا كلامج ... ولما شفت العمر مت من الضحك
حياتي تو الناس ... وش ذا الهم الي وانتي بهالعمر بتشيلينه بقلبج ... بعدج صغيره على هالتفكير
انتي فاكره الزواج زي الدراسه مرحله وبتخلص , واثبات وجود ,اكون او لااكون
لا حبيبتي ... انا اشوف اختج اكثرعقلانيه منج .... تدرين ليش ؟؟؟
هي اول شي ماخافت وهي ترفض المتقدمين لها إنها توصل لعمرج وتعقد عمرها
لكن العكس .. هي ترفض وعارفه قدراتها انها بهالعمر ماتبي تشيل مسوؤلية زوج وبيت وعيال
وبعدين اختك نظرتها لج غير عن نظرتج لها ... تدرين ليش لانها ودها تستانس وتفرح بحياتها
مثلج ... ليش تستعجل وجدامها العمر كله
وماتشوف انج كبرتي بالعكس هي تشوف انج راح تحسنين اختيار زوج المستقبل وانتي بهالعمر
احسن منها وهي ب 18 ... انتي قدوتها
أنتي صغيره وتفكيرج محدود حبيبتي .... انا اشوف بعدج على الزواج دام هذا تفكيرج
وينج وين الزواج ومسؤلياته اذا هذا تفكيرج ماراح اتحملينه ... شيلي الفكره من بالج
وادعي ربج وعيشي حياتج هالعمر مايتفوت من غير مسوؤليه حرة نفسج
والله يوفقج ...... وتقبلي ردي وتحياتي​

 

[شرغوفة]

حبيبتي انتي والله انا حاسة فيج صح كلامج انج ودج اتصيرين ام وعندج بيبي الله يرزقج بالزوج الصالح الي يقدرج ويحترمج والسامع يقوول امين

 

[كويتيه=)]

آخر كلامه بقول ان محد راح يحس الا اللي مجرب هالاحساس

ومشكورين يزاكم الله الف خير

 

[beren saat]

والله عبااااااااااالي وانا اقرأ الموووووووووووضووع عمرج 30 \ 35\40

تووووووووج صغيرررررررره العمررر جداامج < حدي انصدمت

والله صغيره 24

ماتدرين عساها خيررره تآخرج عن الزواااج

والله يرزقج الزوج الصااااااااالح يارب

 

[Shy6ooNaa]

السلام عليكم

ممكن اكلمج ضروري
ضيفيني عالايميل
[email protected]


واذا ماعندج ايميل دايم طرشيلي رقمج خاص نتكلم واتساب او البن اذا عندج بلاك بيري

وانشالله تفرحين

 

[الغريقه]

شدعوه خلي ثقتج بنفسج قويه لاتهتزين من حركات امج او نظرة الناس !


انتي موقفه حياتج كلها على الزواج لا مو صح

خذيها نصيحه مني

يمعي فلوس وسويلج بزنس واشتغلي بالعقارات والاسهم ماراح تكونين فاضيه اصلا عشان تفكرين بالزواج


وثاني شي شنو الشهاده ماسوت لج شي
امبله سوت لج حبيبتي تخيلي انتي الحين بس عندج ثنويه شنو بيكون حالج على الاقل انتي موظفه لا صار شي ولا شيات
عندج راتب وتقدرين تعتمدين على نفسج
قطي الهم وراج وشوفي حياتج ولاتقارنين روحج بغيرج صدقيني انتي جذي تدمرين روحج بدون لاتدرين
اثبتيلهم انج شخص ناجح ومو شرط انج تتزوجين عشان تكونين ناجحه في الحياة اثبتيلهم هالشي بشغلج وبدراستج
وثاني شي لا تقولين انا بنات خلاتي كلهم اتزوجو الا انا حبيبتي هذا رزقج ربي موزع الارزاق بالتساوي
هذي عندها ريل بس بخيل وهذي متزوجها ولدها معاق وهذي تزوجت خوش ريال ومات مبجر كله واحد ورزقه ..

 

[مها لبنان]

عزيزتي قال احد الحكماء اذا صبرت جرى عليك القضاء وانت ماجور واذا جزعت جرى عليك القضاء وانت مازور.اختي انت في ريعان شبابك وقد انهيت دراستك وتوظفت وهذه نعم اغدقها الله عليك يتمناها الكثيرون فضلا عن انسك مع اهلك .لقد مررت بنفس تجربتك وزوجت كل اخواتي قبلي وحتى ان اختي زوجت ابنتها قبل ان اتزوج..فلم اقنط من رحمة الله واحببت الحياة وتفوقت في عملي ولاانكر بانني كنت اتحسر وتملاني الغصة في كل عيد عندما يجتمع الاهل والازواج او كلما مررت امام الجيران واسمعهم يقولون يا لحظها القليل انها مسكينة وكانت هذه العبارات تلازمني وتمنعني من النوم ولكنني كنت استعين بالصلاة والدعاء والتقرب الى الله حتى رزقني بزوج رائع عوضني تلك المعاناة.استفيدي من ايامك الحلوة وعيشي الحياة بكل جمالها وربك كريم ولا ينسى عباده.

 

[غـيوم]

حبيبتي عادي توج شابه والخير بويهج وبطريقج ان شاء الله

انتي ادعي ربج والله يوفقج ويرزقج

 

[miss.one]

تعوذي من ابليس حبيبتي .. تو الناس عليج تحسسيني عمرج مليون .. كل شي بهالدنيا قسمه و نصيب و الله العظيم لو كل واحد بهالدنيا عرف شنو نصيبه و شنو مصيره والله جان لقيتي كل الناس كفرت .. الله قال بكاتبه العظيم عسى ان تكرهوا شيئا فهو خير لكم .. ذكري ربج و قوي ايمانج بربج لان ماكو شي عن رب العالمين مستحيل حتى لو تصكين التسعين .. عليج بالدعاء يا قلبي و صبري .. كل تاخيره و فيها خيره .. الله يعين الجميع يا حياتي انتي

 

[Memote]

السلام عليكم اختي والله حبيبتي ماله داعي تبجين و تحرين نفسح والله ماكو فايده ولحنا كلنا حاسين بشعورج كل وحده بهالمنتدى تتمنى الزوج و الستر و الاستقرار والذرية الصالحة والله أنا اعرف بنات وايد نفس عمرج للحين ما تزوجوا حبيبتي هذا نصيب لا تحاتين والله يوم من الايام انشالله بتفرحين لدرجة انج بدال ما تبجين حره و قهر بتبجين وماسة وفرح بحالة وحده اذا تقربتي من ربح و استغفري وادعي والله ربج كريم ويحب عبده الي يلح عليه ويتذلله وتقربي منه و شوفي شلون راح يعطيك وانتي للحين صغيرونه لا توسوسين وايد و استعيني بربج واشكيله محد راح يفيدك غير ربج والله

 

[dalo0oa121]

انتي مب اول وحده ولا اخر وحده يصير فيها هالشي

انتي مصيبتج بالنسبة لي صغيرة لو تعرفين شلي فيني بس انا ماعندي لا وظيفة ولا شهادة
وحالتي الصحية تعبانة من بيقبل فيني احمدي ربج على كل شي وصدقيني هاي اختبار من الله يبيج
ترفعين يدج وتدعين له وتوسلي له واستغفري كثير يمكن ذنوبج هي اللي ماخره رزقج
مثل الغيبة والحش والاغاني ابتعدي عن هالاممور وامورج بتتيسر باذن الله
واذا حسيتي بيأس شديد كلمي خطابة وتزوجي

 

[cnn79]

حبيبتي توج صغيرة انه تزوجت عمري 29 والحمذلله عندي 4 اعيال

 

[شوبارد قطر]

توج صغيره ليش مستعيله لاحقه على الزواج والارتباط والتحكم و الحمل
عيشي حياتج واستانسب والنصيب بيجيج لاتخافين

 

[بنات حواء2]

و الله من كلامج عبالي عمرج 40
تبين الصج انتي مكبره السالفه حبيبتي بعدج في عمر الزهور
بالعكس احسنلج انج تتزوجين بهلعمر و اكبر
انتي عبالج الزواج مبجر هين
تعالي شوفيني شلون تعبت و شقيت و صرت ام و انا عمري 18 سنه و كليه ودراسه و تعب نفسي
هذا غير الريل الي بيكون ياهل و طايش و قعدي ربيه هو و عياله
لا حبيبتي انسب عمر للزواج بنسبه للبنت هو 25 و صاعد
و الريال افضل لو كان عمره 28 و صاعد يكون فاهم هدنيا مو ياهل
حبيبتي الله يوفقج و يزقج بنصيب السنع و تيين تبشرينه

 

[كويتيه=)]

يا بنات انا بعد عندي ظروف صحيه ومالها علاج مع الاسف يعني حتى لو تشافيت يرجع مره ثانيه ماكو فايده من جذي خايفه ان نصيبي ما اييني وانا ما اعرف سوالف بزنس وهالاشياء وادري ان الزواج مسؤوليه بس شسوي الاهل مو دايمين لي وما تدرين بعد الاخوان شنو يسون لي غابو الاهل بعد عمر طويل والشهاده والشغل مو كل شي وهم صح الزواج بس لو الاثنين مع بعض بتكون الحياه احلى تعبت من والروتين ودي اسولف مع البنات اللي بالدوام نفس سوالفهم عن ريايلهم وعيالهم وشنو يطبخون وين يرحون واشلون متلعوزين بالحمل والولاده ودي اصير نفسهم محد يحس بهالشي الا اللي مجرب كل وحده فيكم انا متأكده انها متزوجه او عندها عيال او انخطبت مره وحده على الاقل

ابي احس لو لمره وحده بس اني مرغوب فيني وانا ادري ان نصيبي ما ياني بسبب حالتي الصحيه بس شنو اسوي الحمدالله على كل شي لان صحيح شي احسن من شي بس والله مو بايدي الله بلاني بهالشي ونظره المجتمع ما ترحم ما خليت شي بالكويت او برا بس ماكو فايده شسوي

 

[solitude]

حبيبتي والله توووج
يامالج من الخيير
عيل شتقولين ف اللي تعدو الثلاثيين وماتزوجوو
اذا ربي كاتب لج خير بتلاقييينه
حططي املج بالله وماراح يخيب ضنج
والله يرزقج ويفرح خاطرج

 

[لآلئ وردية]

حبيبتي

صلي عالنبي و اذكري الله

توج صغيرة و العمر جدامج

الزواج ماله عمر اختي

ناس تتزوج من 17 و 18 سنة

و ناس تعرس بال40

خلي ثقتج بربج كبيرة و قوية

و بدال لا تسويين بنفسج جذييه

عيشي يومج اللي ما بيرد

و ما تدرين الخيره وين

و بدل البجي

كثري الاستغفار و الصلاة و الدعاء الدعاء الدعاء

و ربي ييسر امرج و يسخر لج

و يرزقج و يرزق كل بنوتة بزوج صالح يا رب

و عقبال ما اشوف مشاركاتج بقسم العروس

قولي آمين

عاجلاً غير آجلاً يا رب

^_^

:eh_s(17):​