بنات والله قاعدةة ابجي بجي محد حاس فيني والله تعبت من الهموم والتفكير

[Beautiful soul]

حسيت عمرج 50 سنه زين العمر قدامج والله بيرزقج بس انتي اصبري ولا تفكرين بهالسالفه واجد
الله يوفقج ويرزق كل العزابيه بالازواج الصالحين

 

[مهوسة بالزين]

يوه ياقلبي والله قلت عمرك فوق 35سنة لسه ياعمرى توك صغيرة

ااصبري وكثري من الاستغفار وااكشخى واطلعى زيارات وترا الاخلاق ااهم شي واانشاء الله بيجيك نصيبك

اانا ااختى تزوجت عمرها 26سنة والاغلبية عندنا فوق 23يتزوجون بس أياك تغازلين ترا البنت ااهم شي اخلاقها

وبشرينى اذا تزوجتى

 

[بنوته كيكه]

كويتيه=)
ماعلجيج ياقلبي انا ادري فيج وحس فيج هذا قسمه ونصيب انتي قدر المسؤليه
والله والله والله وحلف لج انه اكثر المتزوجات ماتقعد في البيت ولا تشوف البيت ولا تهتم في الزوج
كله هايته وفيه بنات لا قدر المسؤليه بس ماجهم نصيب
وانتي لا تفكرين والله شوفي ياكثر اخوي عمره 26 ولا تزوج رجال وانتي مرا شي قسمه ونصيب شي ربي
كاتبه وعساء ربي مثل ما يرزق اختج يرزقج في الولد الصاحي ذاكر ربه ويهتم فيج

 

[sweera_85]

الحمدلله والشكر
انا تزوجت عمري ٢٥
وقاعدة اعض اصابع الندم على الساعة الي تزوجت فيها
كاني تزوجت ومن اول ليلة زوجي يخوني ويلعب وما يتحمل مسؤولية بيت ولا شفت سعادة ولا يوم
والحين حامل ومقطوطة بيت اهلي ولا درا عني
عبالج الحين اكو رياييل بالكويت ؟ والله قليل الا من رحم ربي
ماراح اييبلج الريل غير عوار الراس الهم والغم
يا حبيبتي خلج عيشي حياتج ومسكي طريج الله ولا تفكرين بغير اللحظة الي انتي عايشتها
لان ما تدرين الله شنو كاتبلج ومتى تتزوجين
وما تدرين يمكن كل الي يولج مو زينين والله كاتبلج القسمة الزينة
والله تعالى قال " وبشر الصابرين " ليش القنوط من رحمة الله
انا كل البنات بعايلتي تزوجو اصغر مني بسنين وما هموني اهم شي نفسي
والله يوفقج

 

[زهراء 24]

من صجج ليش كل هالياس حبوبه وايد حايشج احباط ليش انتي للحين صغيره انا بعد عمري 24 وللحين ماتزوجت صح ساعات افكر بالموضوع واتضايق بس مو لدرجه اني اكره حياتي وليل ونهار ابجي لايبا عيشي حياتج واستانسي لاتفكرين بهالطريقه خلي ايمانج بالله كبير وكل انسان راح ياخذ نصيبه وتفائلي بالخير وخلي عندج امل عيل لي وصلتي الثلاثين شنو راح تسوين....... الله يرزقج يارب*

 

[الحللللوه]

ياااعممري انتي هونيييهااا وتهوون

واششغلي نفسك ولاتفكككرين واددعي كل ماتذكرتي او زعلتي
خليكي كووول

 

[حظ من عنده انا]

طولي بالج

والرزق من الله


وماتدرين يمكن ربج كاتب لج الخييره بهالتأخير

 

[زوجة عزيز]

الله يرزقج بالزوج الصالح حبيبتي

 

[روزي الصغيرة]

مساء الخير.
قريت مشكلتك ذكرتيني بحالي صك عمري 33 سنة اهلي مايهمهم تزويجي اهم شي ان اولادهم تزوجو وعيلو اهم شي يشوفون ذرية عيالهم كذا قالوا لي مرة لما عرفت ان كثير يخطبوني واشوف الناس تنفر مني لاصار زواج او حفل او شي ويقولون مغرورة طلع الناس تخطب وتنرد وتنرفض وتنسب كأنهم ارتكبوا جريمة لأنهم فكروا ياخذوني لولدهم
وينقال على لساني ان فلان مو مستواي اخذه وقدامي حب ودلع ودلال لحريم الاولاد اصغر مني تزوجوا وانا ثابتة مكانك سر. يذبحني المرض ولا حد يفكر يسأل بنتي اختي فيها شي.

اشوف فرحتهم اذا وحدة من اهلي انخطبت والله حتى البعيدةيفرحون فيها تفكرين يقولون فلانة انخطبت او حملت او ولدت يخافون اعينهم او احسدهم

والوظيفة انحرمت منها شهادات معلقة . ولو اطلب طلعة سوق لازم اسمع موشح لا تشترين شنو محتاجة اكل وشرب موجود بالبيت.
شوفي العيد بعد كم يوم ولا حد فكر يمد لي فلس واحد.

الحمدلله رب العالمين على كل حال ربي يعوضك حبيبتي ويرزقك بالزوج والذرية الصالحة عاجلا غير آجل يارب العالمين

 

[tt2tt]

:bbbiu::bbbiu::bbbiu:

 

[♥ SWeeRa ♥]

من صجج ...!!!

انا عمري 25 وتوني مملجه
اقول لاهلي مابي اتزوج توني صغيرا
واقولهم بعيش حياتي


وترا الزوج مو اهم شي بحياة الحرمه
اذا الوحده موظفه وعازه عمرها مو مهم وجود زوج


يعني انتي توج صغيرا اصبري

 

[sosowaty]

اتصدقين عبالي عمرج فوق ال30

بس يوم قريت 24
حدي انصدمت ترا انتي صغيرة شفيج

مادري لا تعليق

والله يرزقج

 

[7elwa&3soola]

والله عبالي عندج سالفه الله يهداااج حراااام عليييج توج ياهل صغيييره شفيج مستعجله ع رزقج نصيبج الله كاتبه بوقت معين

ماراح تقدمين ولا تأخرين فيه وبتزوجين لا تخاافين حبيبتي بإذن الله الحين انا عمري22 واقول تو الناس يعني موفرق عنج

وانتي ياأسه لييييش شسالفه موشرط كل الرياييل يتزوجون صغار في كبار وفي صغار ع حسب ظررروف كل واااحد الله يهداج بس

هذا ضعف ايمان قوي وازعج الديني وخلي ايمينج وصلتج بربج قويه وتأكدي ان الله بيعطيييج


عيل لو انج عشتي نفس عمتي تهبل وجميله وموظفه وتنخطب شكثرر لمن صكت 35 تزوجت وعندها عيال وزوجها يموت عليها

وعايشه مرتاااحه ماسوت نفسج الله يهدااااج جذي تعترضين ع حكمة ربج كل شي له حكمه من رب العالمين صدقيني

اذا حابه بالزواااج عليج بقيام الليل بسورة البقره والدعاااء والنيه الصادقه ولاتخافين وتوقنين الاجابه ان شالله بيعطيييج


والله يرزقج بالزوج الصالح حبيبتي لاتخافين ولاتضايقين روحي توضي وصلي ركعتين واقري قرآن وادعي


وان شالله الله يرزقج بالزوج الصالح اللي يسعدج عاجلا غير اجلا ياااارب العالمين واستهدي بالله وقولي الحمدلله ع كل حال​

 

[ترانيم القصيم]

حبيبة قلبي فديتك يا عسل ^_^

اقري هالموضوع :

و لا مرة انخطبتِ ؟ تشوفين البنات ينخطبن و أنتِ لا ؟ تعالي يا قلبي فديتك ^_^

http://www.q8yat.com/t928812.html

 

[عاشقة هواك]

حاسه فيج الله يعين والله يرزقنا الي ابالنا ان شاء الله

 

[كويتيه=)]

محد راح يحس الا اللي عايش نفس الاحساس اللي عايشته

 

[رووزليتا]

انا اخت زوجي جاه عريس وهيا عمرها 34 كانت تقول مايجيها عريس وكانت تبكي كل يووم والحمدلله جاه عريس واتزوجت وحملت وجابت بيبي دحين الناس كلهم مستغربين انها اتزوجت في ذا العمر
وان شاء الله ياارب يجيك عريس يجنن ويمووت فيكي

 

[shway5]

حبيبتي انتي صغييييره نفس عمري لا تفكرين انه القطار فاتج عيشي حياتج يمكن ربك مايريدج تزوجين يمكن هذا خييره حقج يعني عيشي عمرج لنج صغييره لنج صدمتني توقعت عمرج 30 ولا 40
ان شاالله بيعطيج النصيب إلي يخااف الله

 

[كتكوته نورة]

ساعات نظرات الأهل ونغزاتهم أهي اللي تحر وتنرفز

 

[سناشص]

رفيجتى تزوجت وعمرها 35 والحين عندها 3 اطفال
الله يرزقج