بنات والله قاعدةة ابجي بجي محد حاس فيني والله تعبت من الهموم والتفكير

[كويتيه=)]

بنات والله قلبي قام يعورني نفسيتي حيل تعبانه :eh_s(2):

القصه ومافيها ان حيل تندمت لما كانو اهلي وانا كنت طالبه يحنون على امي وابوي متى تزوجون بناتكم وامي وابوي يقولون لهم لا يبون ياخذون شهادتهم بعدين يتزوجون

وكاني تخرجت الحين وصرت موظفه ومحد تقدم لي ولا احد درا عني وادري كل شي قسمه ونصيب بس شفتو اشلون الدراسه والشهاده ما يابت لي شي كل اللي بعمري تزوجو وصار عندهم عيال ووظيفه

واختي اللي اصغر مني تقدمو لها ثلاثه بس اهي ما تبي واهلي مصرين الا يزوجونها بس اهي كل مره ترفض ماتبي تتزوج خير شر

على اساس انها مو قد المسؤوليه وامي وابوي متحسفين على اللي يتقدمون لها

لان على قولتهم ناس زينين وما راح تحصل منهم

وقامو ياخذونها على كتر ويقولون لها عن الناس اللي تتصل وتخطب عشان ما اسمع

والحين و انا قاعده اكتب وميته من البجي غرفتي لاصقه بغرفه امي واختي غرفتها بعيده وقاعده تنادي امي على اختي تعالي وتقول لها على الناس اللي اتصلو عشان تخطب اختي بصوت عالي

وان اهي للحين ما عطتهم رد عشان تشوف راي اختي واختي تقول لها يمه ما ابي اتزوج انا مو قد المسؤوليه ومافي ريال زين الحين ،،،

وانا الحين خلاص احس نفسي طافني القطار لان الحين الشباب قامو يتزوجون على اعمار 23 سنه والبنت تكون 18 سنه 20 سنه اكثر شي

وانا الحين 24 سنه يعني من قلب خلاص ماكو امل واهلي يسكتون فيني يمكن ايي لج دكتور مهندس يعني شي نفس شهادتي بس عشان يطيبون خاطري

وانا ادري محد يبيني تعبت نفسيا والله يابنات تعبت يعني هالدكتور والمهندس اللي قالو عنه ما يه لما كنت صغيره بييني وانا كبيره

تخيلو بنات امي تقول لي ليش ما تغازلين !!!!

ليش لانها حست ان خلاص ماكو فايده فيني

وايد امي تكلم نفسها وتقول مسكينه وترددها باستمرار ولما اقول لها يمه اشفيج وايد ترددين هالكلمه منو المسكينه تتوهق وتقول كلنا مساكين انتي مسكينه انا مسكينه وكل مره تذكرني بالبدايه

امي خايفه علي يطوفني القطار وان محد بيدوم حق احد ادري

بس انا ابي اتزوج ابي يصير عندي عيال ابي يصير عندي بيت واسره بس الشكوى لله شسوي

تعبت ابي افضفض عن اللي بداخلي محد حاس فيني

اكثر شي معور قلبي لما امي تاخذ اختي الصغيره على كتر وتكلمها بهالخصوص وعلى بالها انا ما ادري شنو الموضوع غير جذي اي احد من صديقات امي تقول لها في واحد من عايله زينه خوش ناس ...الخ وامي ترد وتقول لا ابوهم ما يبي الا من عايله معينه!!! ما ادري اشمعني انا عايله معينه واختي اي واحد عادي!!!

ادري افكاري مو مرتبه بس والله قاعده اكتب وانا قاعده ابجي بجي

 

[سكوتي بذوقي]

ليش اليأس اختي الغاليه

ترى توك مو كبيره

الصبر ثم الصبر

ماكان لك نصيب تتزوجين وانتي تدرسين ربي ماكتب لك وقتها

أكيد خيره لك وإن شاء الله ربي بيرزقك بالزوج الصالح اللي يسعدك يارب

لا تيئسين وإن شاء الله ربي يعجل بنصيبك

موفقه يارب

 

[ياغفور اغفر لي]

قولي لا اله الا الله

وبعدين حسستيني ان عمرج ٣٤ او ٤٤ يالغاليه عمرج ٢٤ توج صغيررررة واغلب البنات يتزوجون بعمر ٢٦ وفوق
وبعدين الوالدة غلطانه شنو تقول لج ليش ماتغازلين هذا غلط وانتي ماتدرين الايام شنو مخبيه لج
عليج بالالتزام بالصلاة والدعا باوقات الاجابه مثل بعد كل صلاة بالسجود عند سقوط المطر عمد الافطار اذا انتي صايمة الثلث الاخير بالليل بين الاذان والاقامة
وان دعيتي ادعي ربي يرزقج بالرجل الصالح اللي يقدرج مو تدعين ابيه منصب دكتور ولا مهندس لاااا تذكزي اهم شي راحة البال
والتزمي بالاستغفار والصدقة وربي يوفقج ويرزقج بالرجل الصالح عاجل غير اجل

وبعد نسيت اقولج ترا انتي محظوظة خلصتي دراستج وتوظفتي بعمر صغير

 

[اوراق جنجفه]

حياتى تو الناس وانا عندى اختى تزوجت على عمر 30 وكنا متزوجات الا هى
والحمدالله الله رزقها
الله يوفقج ويرزقج بالى فيه الصلاح يارب

 

[زين ودلال]

حبيبتي حسستيني ان عمرج 30 !!!!!!

ترى تو الناس ماتدرين عن النصييييييب وان شاء الله اييج واحد زيييين يارب توج صغيييره

الدراسه ماتمنع الزوااااج شكثر بنات متزوجين واهم يدرسووون وانا وحده منهم والحمدالله

اكبر غلط تردون الناس عشان الدرااااسه

 

[ł ŏ ł γ . . ✿]

وآلله وآنآ آقرآ آلموضوع يه ف بـآلي آنج بـ آل30 آو آل40 ! و تضآيجت بس لمآ قريت

وانا الحين 24 سنه

آنصدمممممممممممت @________@ !!!
لآن يآقلبي آنتي بعدج صغيره !! آنتي مب كبيييره وآآيد !!!
ليش تصيحين ليش معووره قلبج !!!
آلحمدآلله آلشهآده و عندج و تشتغلين قولي آلحمدآلله و هذآ آهم شي آن آلشهآده بآيدج آللحين . .
آن شآء آلله بييج نصيبج و بتصيرين آحلى عرووس ، و مآشي فرق سوآء آنتي آو آختج ترى كلكم وآآحد فديتج !!
و آمج يمكن مآتبي تحرجج و يمكن تشوف آن آنتي تفكرين و تحآتين هآلموضوع ف مآتبي تفتحه جدآمج و تعور قلبج و تحرجج لآ تستوين حسآسه فديتج ، عليج بآلدعآء و آلصلآه و آلصدقه بنية آلزوآج و آن شآء آلله خير و لآ تفكرين وآآيد و تعورين رآسج آشغلي نفسج ترى كثر مآتفكرين بتتعب نفسيتج طنشي آلموضوع و بتشوفين نصيبج عند آلبآب :eh_s(7):

 

[Only One]

حبيبتي انا حاسة فيج بس استهدي بالله لا تسوين بنفسج جذي

لو اقول لج شي تضحكين

انا عمري 27 وليلحين مو معرسة محد يدري عني ومحد خطبني الا قلة قليلة ومو مناسبين ابد ابد يعني ادورين فيهم شي يناسب ماكو لاني ادري الحين وحدة بتنقز بتقول انتوا اتشرطون والله لا انتشرط ولا شي بس صج ماكو شي تقدرين توافقين عليه كلهم سلبيات

وانا والله اني مو ناقصني شي ومهندسة ومن عايلة والشباب بس طايحين مغازل وتلحيق للبيت لكن احد يتقدم ماكو

وكل يوم اشوف احد من رفيجاتي يعرس وكل فترة وفترة اسمع اللي بالدوام يعرسون وانا محلك سر

ولا تبين تضحكين زود اخوي اللي اصغر مني تزوج من كم شهر وظليت انا الوحيدة الحين بالبيت اخواني وخواتي كلهم متزوجين

تخيلي شكلي بين اهلي والناس وقعداتنا يعني اخوي الاصغر متزوج وزوجته اصغر عني بوايد متزوجة وانا لا

لكن ما سويت سواتج تعرفين ليش؟

لاني وايد مقوية ايماني بربي وعايشة حياتي على اساس انه ربي كاتب لي الافضل وهو كذلك لكن كل تاخيرة وفيها خيرة وكل اللي اقدر اسويه اني ادعي واهم شي عندي انه محد يتشمت فيني ليش اني ليلحين ما عرست

بالنسبة لي انا من الاساس مو مقتنعة بفكرة الزواج ليش انه مسئولية وتعب ووقتج مو لج بس اللي يخلني افكر بالموضوع اهو نظرة الناس لي ولاهلي اكيد يقولون ليش ما عرست ليلحين ويمكن اكون كاسرة خاطرهم وينظرون لي نظرة شفقة فلهالسبب ابي اتزوج يعني مثل ما يقولون واجهة اجتماعية + طبعا اكمل نص ديني

المهم وكلي امرج لربج ولا تحز بخاطرج وشنو دراج يمكن تكون خطوبة اختج وعرسها فاتحة خير عليج

 

[سارونه الامورة]

هلا حبيبتي والله فاهمه عليكِ:eh_s(2): وشوفي انتي عمركِ

24 سنه يعني هذاالسن المنااااسب للزواج وش يعني 18 سنه او 20سنه

معناها مررااااااااااااهقه وانتي مااشاااء الله عليكِ عمرك24 ومتعلمه يعني تاكدي تاكدي تاكدي

ان مليوووووووووووووووووووون واحد يتمناكِ والله اني صااادقه

وانتي لاتتضايقين ولا شي وترى انا اشوف النااس من حولي ان البنت اللي تعرس اخر وحده

وهي اكبر وحده يكون يكوووووون زوجها احسسسسسن من ازواج خواتها

واكثري من الاستغفااااار على الاقل في اليوم استغفري 5 الاف والله ييسر امرك يااااارب​

 

[كويتيه=)]

انا كنت ما افكر بالزوج لما كنت طالبه بس لما شفت بنات العايله انخطبو وتزوجو وانا ولا احد تقدم لي شخصيا او اتصل او يه البيت قمت افكر ليش وقمت اشوف نظره الشفقه اللي بعيونهم علي ومو انا اللي قاعده افكر بدكتور والا مهندس هذيلا اهلي يفكرون جذي عشان ما يكسرون خاطري وعلى قولتكم ما يحرجوني ويجرحون فيني بس اللي مزعلني ان الحين بصوت عالي والغرفه لاصقه ببعض يتكلمون على هالسالفه ولا كلفو نفسهم ينادوني على اساس خوف من مشاعري والله يا بنات قمت افكر اهاجر ادرس برا ولا اقعد اهني دقيقه وحده مليت من الناس وكلامهم ابي اقعد بروحي ما ابي افكر باحد كرهت كل شي بالدنيا والله

 

[جلكسيه اس 3]

انتي تبجين لانج مو مستانسه حق اختج غيرانه منها
على فكره انا بعد اختي تزوجت قبلي ما سويت اللي سويتيه
انتي و لى فكره الزواج مسووليه و مبين اختج ما قالت مابي اتزوج الا عشان
ماتجحج و هذا رايي و اتمنى تنسين سالفة الزواج لانه ماراح تزوجين الا اذا الله كاتب لج هالشي
و يارب ان شاء الله يرزقج بالزوج الطيب

 

[جلكسيه اس 3]

انتي تبجين لانج مو مستانسه حق اختج غيرانه منها
على فكره انا بعد اختي تزوجت قبلي ما سويت اللي سويتيه
انتي و لى فكره الزواج مسووليه و مبين اختج ما قالت مابي اتزوج الا عشان
ماتجحج و هذا رايي و اتمنى تنسين سالفة الزواج لانه ماراح تزوجين الا اذا الله كاتب لج هالشي
و يارب ان شاء الله يرزقج بالزوج الطيب

 

[مولاي الفرج]

صح غلط يوقفون بطريجج بس بعرف ليش اختج واهي تدرس وافقو انها تستقبل خطاب وانتي على ايامج لا؟؟

والله يرزقج يارب لاتحاتين

 

[كويتيه=)]

بنات انتو شايفين سني صغير وغيركم لأ شايفني ان خلاص البنت من تصير عمرها 25 سنه يطوف عليها القطار

واغلب بنات عايلتنا تزوجو على18 و20 واكبر وحده تزوجت عمرها 22 سنه

سكرتيره المستقبل السالفه مو سالفه غيره

بس اهلي شافو بما اني ما مشيت بالزواج ليش ما نمشي الاصغر

والاصغر ما تبي جمم مره اقعد وياها واكلمها وتقول لي عندها طموح تكمل دراسه

تبي تقعد بالبيت لدرجه ما تبي تشتغل حتى ما قدمت اوراقها على الديوان

تبي تكون حياتها اكل تيلفزيون ونوم ما تبي شي غير هالاشياء

تقول ما ابي اغسل واطبخ وانظف وريال يتحكم فيني وياخذ معاشي واصرف عليه اهوا وعياله ما احب اليهال وما احب التدريس والشقا ما احب اعور راسي بشي وتوني صغيره

وانا الحين بغرفتي مو معاهم امي قاعده تلكمها بصوت عالي ويحسبوني اني نايمه

قاعده اسمعها تقول لهم هالكلام يعني مو على شاني انا ما تبي

القصه باختصار ان انا اللي ابي اتزوج محد تقدم لي

واهي اللي ما تبي تتزوج قاعدين يتقدمون لها

سبحان الله

واهلي عشان يسكتوني يقولون ما ندري يمكن ايي لج مهندس ولا دكتور!!

وادري هالكلام ماخوذ خيره لان يبون احد من العايله ومحد من العايله فيه هالمواصفات!!!!

يا بنات ابي اصير ام ابي يصير عندي بيبي ما ابي اكثر من جذي والله

 

[#أنسام#]

حرام عليك 24 انتي صغيرة .... وربي بيرزقك ان شاء الله ..عليك بالدعاء

 

[Only One]

انا كنت ما افكر بالزوج لما كنت طالبه بس لما شفت بنات العايله انخطبو وتزوجو وانا ولا احد تقدم لي شخصيا او اتصل او يه البيت قمت افكر ليش وقمت اشوف نظره الشفقه اللي بعيونهم علي ومو انا اللي قاعده افكر بدكتور والا مهندس هذيلا اهلي يفكرون جذي عشان ما يكسرون خاطري وعلى قولتكم ما يحرجوني ويجرحون فيني بس اللي مزعلني ان الحين بصوت عالي والغرفه لاصقه ببعض يتكلمون على هالسالفه ولا كلفو نفسهم ينادوني على اساس خوف من مشاعري والله يا بنات قمت افكر اهاجر ادرس برا ولا اقعد اهني دقيقه وحده مليت من الناس وكلامهم ابي اقعد بروحي ما ابي افكر باحد كرهت كل شي بالدنيا والله

حبيبتي اذا هم ما نادوج عادي انتي رزي بفيسج وانتي مستانسة لاختج وخليها تكلمج وتشاورج مافيها شي عادي صدقيني بتحسين بالوناسة لانها اختج وبتشوفين شلون الناس ما راح يقولون مسكينة وما نبي نحرجها بيشوفونج عادي وبالعكس مستانسة لاختج والحياة حلوةعندج لانج تدرين انه نصييييييييب وزرق من الله وانتي مو هامج اذا الحين ولا باجر

 

[اللؤلؤ المتناثر]

الله يرزقج بولد الحلال
بس لاتفكرين واجد بهذي السالفه خليها على الله والأرزاق بيده
وكل تأخيره فيها خيره

​

 

[سفيره الكويت]

ررززوو نفسكم بالعروس وروحوا لخطابه اذا الموضوع طول والله يرزقج بالرجل الصالح اللي يخاف عليج ويداريج

 

[منيرة خالد]

الله انتي اللحين باحلى سنين عمرج

لا تفكرين بالزواج هذا من الله قسمه ونصيب



اهتمي بنفسج ومارسي هواياتج واطلعي مع صديقاتج وروحي لكل الاماكن اللي تحبينها واضحكي وافرحي



لا يكون اهتمامج الزواج اتركيه على الله ، واهتمي بالاشياء اللي تقدرين عليها واهي سعادتج وحبج للحياة

 

[المـــــها]

اللي فهمته من كلامج ان اهلج متمسكين فيج و بيزوجون اختج الصغيرة لأي واحد !!


المهم
حبيبتي و الله خرعتيني توووج صغيرة عمرج 24 سنه ما شاء الله أحلا عمر
و منو قالج الشباب يتزوجون من 23 سنه ؟؟ مو شرط ؟؟ ششكثر الشباب اللي مكونين نفسهم ما شاء الله أعمارهم من 25 لي 28 أحلا عمر


و البنات حبيبتي أحسن يتزوجون و هم متخرجين أو عالقل على وجه تخرج و الله شكثر من اهلنا ياخذون شهايد و يتوظفون بعديييييييييييييييين يتزوجون على عمر 21 او 22 و في اكبر


بس انتي من متى وقفوا الخطاب عنج؟؟



و ترى الدعاء له مفعول عجيييييييييييييب و الأمل بالله و التفاؤل لهم مفعول عجيييييييييييييب




توج بعمر الزهور احلا عمر بسم الله عليج

 

[جلكسيه اس 3]

الله يكون بعونج ياااقلبي
مو كل شي بالحياة انحصله
و الحياا تجارب