بنات هذا طبيعي او فيه شي؟؟؟؟؟

[جمالي خلاب]

بنات الدكتوره سوت لي اشعه وشافت عنق الرحم مفتوح 3 سنتي

وانا حامل بالشهر الثالث

سألتها يعني شنو قالت كويس اوي

والي شككني عطتني مضاد حيوي ومثبت

بنات فعلا كويس والا بس خايفه وماتبي تقول لي


مافهمت شلون مفتوح 3 سنتي هل هو الي دايم تقوله الوحده لاجت تولد والا عنق الرحم يختلف عن اذا انفتح لاجت تولد؟؟


والا هو نفسه


لاني بجريه ولااعرف شي بالمره

 

[ملاك ^ الحب]

انتي بالثالث ومفتوحه 3 سانتي وتقولج كويس اويي ؟؟؟؟

حبيبتي مابي اخرعج بس احتمال تطرحين الله لا يقولها

روحي عند دكتوره ثانيه خل تسويلج ربط او تعطيج اي شي يثبت

3 سانتي يدخلونج ولاده مو شي سهل لا تسكتين حبيبتي الحين روحي عند اي دكتور او دكتوره وانا افضل دكتور

 

[جمالي خلاب]

اولن الله يسعدج ع الرد ريحيتيني اكثر من انج تخرعيني لاني بطير اليوم بغير الدكتوره


ايه انا ماعرف صح بامور الحمل

بس بديهي يوم قالت مفتووح شكيت قلت بغير دكتورتي الحين انتظر زوجي يجي من مشواره بيوديني بدكتوره ثانيه

بس صراحه قهرتني تقوووول كوويس اوي

وووالي قهرني كل يوم اتألم الم فضيع

ومعطيتني 7 علاجات كلها حبوب<<حشى من يتحملها ياكلها كلها

همها الفلووس وبس

 

[حمسااااء]

السلام عليكم حبيبتي اهم شي تنامين على ظهرك وترفعين رجلك ولا تعبين نفسك والله يتم عليتس

 

[بنت ذآك الأمير!]

كويس اوي خبله هذي

 

[جمالي خلاب]

السلام عليكم حبيبتي اهم شي تنامين على ظهرك وترفعين رجلك ولا تعبين نفسك والله يتم عليتس

امين يارب
:yaaaaaarb:<<منسدحه وتكتب

كويس اوي خبله هذي

بقووووووه خبله الله يسامحها بس :eh_s(2):

 

[FJ style]

كويس اوي ان بينزل بروحه اعتقد هذا قصدها الخبلة
الله يثبته رووووووحي راجعي
انصحج بهالسوالف بامل عبدالعزيز بالسلام صار معاي جذي بالثالث وقالت لي بشكل واضح روحي حبيبتي البيت وريحي راح ينزل بروحه
الله عوضني الحمدلله بس ضروري تراجعين

 

[جمالي خلاب]

كويس اوي ان بينزل بروحه اعتقد هذا قصدها الخبلة
الله يثبته رووووووحي راجعي
انصحج بهالسوالف بامل عبدالعزيز بالسلام صار معاي جذي بالثالث وقالت لي بشكل واضح روحي حبيبتي البيت وريحي راح ينزل بروحه
الله عوضني الحمدلله بس ضروري تراجعين

الله لايقووله..... يمكن ماعندها خبره وايد:eh_s(10):

الي ربي كاتبه بيصير

ثانكيووو ع الرد:eh_s(7):

 

[ام الحلوااات]

اللــــه يـــثــبــتــــه ويــــتــمـــم عــــلـــيـــج

 

[ام فواازي]

شلون شافته بالاشعه مفتوح 3 سانتي
خبري مايبين بالسونار بس بالفحص يبين
غريب

 

[LiL MaMa]

شلون شافته بالاشعه مفتوح 3 سانتي
خبري مايبين بالسونار بس بالفحص يبين
غريب

عدل كلاااااااااااااامج
مايبين مستحييييييييييييل

 

[-فلانة-]

وناسة لو عنق الرحم يبين شكثر مفتوح بالأشعة
أعتقد إنج فهمتيها غلط حبيبتي لأن عنق الرحم ما يبين شكثر مفتوح بالسونار لازم تدخل إيدها داخل و تقيس..
الله يتمم عليج إنشالله و يبلغج شوفة البيبي سليم ومعافى..​

 

[غرور عجمية]

السلاااام عليكم .......
شلووونكم كويتيات ؟؟؟؟؟؟
انا عضوه جديده وبغيت أسأل شلون اضيف صورة لأسمي؟؟؟؟؟؟

 

[الرووز]

شلون شافته بالاشعه مفتوح 3 سانتي
خبري مايبين بالسونار بس بالفحص يبين
غريب

:eh_s(10): نفس السؤال

 

[غرور عجمية]

امممممم
اذا في احد يرد تكفووووووون

 

[غرور عجمية]

مرحبا الروووز ......
تعرفين تضيفين الصورة للأسم؟؟؟؟؟؟

 

[انسام الكويت]

انا مستغربه الاشعه خطره عالحامل مايصير تسوي اشعه تضرها شلون سوتها لج وانت بالاشهر الاولى الحرجه ؟؟

هالدكتور احسها علميه وماتعرف كوعها من بوعها نصيحه غيريها واختاري لج يا دكتور او دكتوره فاهمين شغلهم عدل

والله يثبت حملج ان شاء الله

 

[" ام حمود "]

غيري دكتورتج وايد احسسن ،
احسها ماتعرف شيء واصلاا مايبين عنق الرحم وانتي بالثالث
شلون تقولج جذيء ..
3 سانتي مفتوح هذا اذا كنتي بشهرج وفيج ولاده ع طول يدخلونج بالمستشفى
عشان تولدين ،،
والله يثبته لج يارب حبيبتيء طمنيناا عليج ..