بنات هامله روحي جدام زوجي واهله ابي المساعده

[زوجة عزيز]

اهم شي تعالجين التعب اللي فيج عشان ترجعين تهتمين بكل شي وبنفسج الله يشفيج ويقويج

 

[aloooya]

upppp

 

[Bnt-USA]

غيري من نفسج من داخل بعدين غيري الشكل الخارجي

انتي حبي الحياة !! اكيد في مشاكل خلتج تكرهين نفسج وتكرهين الحياة

حبي نفسج اول !! دلعي نفسج روحي السوق جددّي حياتج

غيري شكلج الخارجي

اخذي خطوة بالجرئة خلج جريئة بالسوالف (( اقصد جريئة بالكلام )) (( مو جريئة بالسوالف +18 ))


خلج حبيبه
مع اهل زوجج كل فترة نزلي معاج طبق حلو او سلطات

رتبي شكلج جدامهم
واحتكي فيهم بحدود


لحقي على عمرج ،، زوجج توه صغير من كلامج
ترى ان شاف غيرج بتكونين انتي السبب ،، وبيكون العذر معاه

لحقي على نفسج وعسى الله يسخرج له ولعيالج

 

[Laidy n3ooma]

روحي البنك وسحبي مبلغ

وروحي الصبح سوي بدكير مناكير غيري قصة شعرج وسوي حواجبج اذا انتي تسوينهم وسوي حمام زيت وحمام مغربي لان كلنا لما نطلع من الصالون مسوين وايد اشياء نحس نفسنا فررررش ونشاطنا متجدد

عقبها روحي سوي مساج عشان اعصابج تهدا ونفسيتج تتغير لان المساج يحرك الدوره الدمويه

وعقبها عاد روحي سوي شوبنق جددي من الاندر وير والبجامات وقمصان النوم واخذي كم بدلة جديده تغيرين فيها وخصوصا الحين العيد

روحي نقشي ريلج ويدج بنقش حلو وراقي او رسمي شي بظهرج كنوع من التغيير


فرصتج تغيرين من نفسج بالعيد غيري من روايح الغررفه

انصحج تبخرين الغرفه وتاخذين معطر اكوا زينة الفراش من الرصاصي وتاخذين مفرش جديد

يمكن زوجج مراح يرجع على طول اوكي معاج بس مع الايام بتحسينه شوي شوي يرد ينجذب لج

وهالله هالله بالكلام السنع والمسجات الحلوه

 

[مشتاقة الى الله]

البنات كفو وزيادة ما شاء الله عليهن

وحبيبتي لا تحاتي شدي حليج وتلحلحي وان شاء الله تبشرينا بانج صرتي احسن عن جذي والله يحفظلج ريلج ويحفظلنا ازواجنا يارب العالمين

 

[فديت عيالي 3]

مشكورين بنات وماتقصرون علي نصايحكم

 

[سميتكـ _ غلاي]

قال تعالى " فقلت اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراًوَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً "


هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟


عليك بالاستغفار


هل تريد قوة الجسم وصحة البدن والسلامة من العاهات والآفات والأمراض والاوصاب ؟


عليك بالاستغفار


{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].


هل تريد دفع الكوارث والسلامة من الحوادث والأمن من الفتن والمحن ؟

عليك بالاستغفار


{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].


هل تريد الغيث المدرار والذرية الطيبة والولد الصالح والمال الحلال والرزق الواسع ؟


عليك بالاستغفار



{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].


هل تريد تكفير السيئات وزيادة الحسنات ورفع الدرجات ؟

عليك بالاستغفار


{وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].


الاستغفار هو دواؤك الناجح


وعلاجك الناجح من الذنوب والخطايا، لذلك أمر النبي صلى الله عليه وسلم بالاستغفار دائماً وأبداً بقوله:


(يا أيها الناس استغفروا الله وتوبوا إليه فإني استغفر الله وأتوب إليه في اليوم مائة مرة)


‏قال النبي ‏ ‏صلى الله عليه وسلم ‏‏ (طوبى لمن وجد في صحيفته استغفارا كثيرا)

عَنْ أُبَيِّ بْنِ كَعْبٍ رضي الله عنه قَالَ : قُلْتُ : يَا رَسُولَ اللَّهِ إِنِّي أُكْثِرُ الصَّلَاةَ عَلَيْكَ فَكَمْ أَجْعَلُ لَكَ مِنْ صَلَاتِي ؟ فَقَالَ : مَا شِئْتَ . قَالَ قُلْتُ الرُبُعَ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قُلْتُ النِّصْفَ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قَالَ قُلْتُ فَالثُّلُثَيْنِ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قُلْتُ أَجْعَلُ لَكَ صَلَاتِي كُلَّهَا ؟ قَالَ : إِذًا تُكْفَى هَمَّكَ وَيُغْفَرُ لَكَ ذَنْبُكَ .
قال الترمذي : حَدِيثٌ حَسَنٌ صَحِيحٌ . وحسنه المنذري في (الترغيب والترهيب) ، وكذا حسنه الحافظ في "الفتح" (11/168) ، وأشار البيهقي في "الشعب" (2/215) إلى تقويته ، وصححه الألباني في "صحيح الترغيب" (1670) وغيره .

قال الملا علي القاري :
" ( أجعل لك صلاتي كلها ) أي أصرف بصلاتي عليك جميع الزمن الذي كنت أدعو فيه لنفسي . ( تكفى همك ) قال الأبهري : أي إذا صرفت جميع زمان دعائك في الصلاة عليّ كفيت ما يهمك .
وقال التوربشتي : معنى الحديث كم أجعل لك من دعائي الذي أدعو به لنفسي .
فقال : ( إذن تكفى همك ) أي ما أهمك من أمر دينك ودنياك ؛ وذلك لأن الصلاة عليه مشتملة على ذكر الله وتعظيم الرسول ، والاشتغال بأداء حقه عن أداء مقاصد نفسه "
انتهى باختصار .

اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي

 

[قماشه]

دلعي روحج حبيها حقج انتي مو حق اي احد
تكشخي تمكيجي حقج
تحسين انج غير
حاولي تهتمين بروحج
مو لاي احد كان حق نفسج وربنا جميل يحب الجمال ويحب يشوف اثر نعمته عالعباد
انتي بس جربي شوي وشوفي الاثر عالنفسيه

 

[دانة_ دبي]

البنات ما قصروا عن الكشخة

بس انتي شوفي ليش نفسيتج تعبانة عندج مشاكل مع اهل زوجج ؟؟ طنشي يا عمري ولا بتتعبين
او مثلا تشتغلين و دوامج طويل مو ملحقة ع زوجج او ترجعين تعبانة مثلا

يعني شوفي شو اللي يسبب لج كسل ؟؟؟ و دوري ع راحتج مثلا بيت بروحج او شقة او اتييبين خدامة

 

[بكيزة هانم]

مثل ماقالوا البنات
وركزي على موضوع التحاليل يمكن عندج نقص فيتامينات ومعادن
واذا على السنع ترا مو كل الحريم خارقات
الناس تختلف وكلن وقدرته
واهل رجلج كوني رسمية معاهم مو ضروري تجابلينهم دايم
ولاتروحين لهم الا وانتي لابسة وكاشخه ولو في اضيق الحدود
والله يوفقج ويساعدج

 

[حبيبي مالكني]

انتي عارفة مشكلتج
يعني انتي حاسه انج قاعده تخربين بيتج بيدج
الحل بيدج
تداركي عمرج وغيري طبايعج
جابلي ريلج واهتمي ببيتج وعيالج
وتعدلي عشان نفسج قبل ما يكون عشان ريلج وهله
حبي نفسج وراح تعرفين اشلون ادلعين روحج
اغلب الحريم يمرون في فترة ملل بس يرجعون منها اقوى من قبل
خلج قويه وحبي نفسج
وراح تشوفين نفسج تتغيرين

 

[yam_yam]

الله يعينج
ذكرتيني بنفسي اول ما انفصلت
كان مالي خلق شي و ونفسيتي صفر
بس الحين الحمدالله

انام و سورة البقرة باذوني احط سماعات و اخليها للصبح
و زيدي استغفار و صدقات و كل شي الحمدالله تعدل


ربي يعينج

 

[قَلبڪْ صًخرْ]

سوي تحليل غده
يمكن فيج خامله

 

[فديت عيالي 3]

يعطيكم الف عافيه خواااتي

 

[غلآ نوآف]

كلنا نمر بلحظات نحس ان فينا كسل ومانبي نسوي شي
لكن لازم تنعشين نفسج
مثل ماقالوا البنات لماتهتمي بنفسج وتروحين الصالون وتخلينهم يدلعونج
تردين البيت فريش وتتغير نفسيتج لماتكوني راضية عن عمرج
وتزيد ثقتج اكثر واكثر لماتكوني متعدلة ومرتبة ومتكشخة حتى لو بامور بسيطة
عالاقل لماتناظري نفسج بالمراية
تشوفي مراة انيقة حلوة ومتعدلة مهتمة بنفسها وراضية عن مظهرها
يعطيج قوة ودافع لامور ثانية
الرضى لازم يكون داخلي فيج قبل كل شي

 

[غلآ نوآف]

ونسيت اقول شغلة
انتبهي ع الاشياء الي تسبب لج روقان بالمزاج
وتفرحج وتعزز من سعادتج

مثلا انا بضرب لج مثال بالاشياء الي تفرحني وتعدل مزاجي لو يكون فيني مايكون

1- لما اتسبح واغسل شعري وارطبهم والبس شي مريح والوانه فاتحة
2- لما اروح اتسوق واشتري الاشياء الي ناقصتني او الي احبها وعاجبتني
3- لما ابخر شقتي واشوفها نظيفة ومرتبة
4- لما اصحى الصبح وقت الفجرية وقت بزوغ الشمس واشرب شاي او هوت تشوكليت
5- لما البس شي جديد مهما كان بساطته بجاما او بدلة او ميني جلابية او ملابس داخلية لوحتى دلاغ ههههههههههه
6- لما اروح الصالون واسوي حلاوة واضبط حواجبي ولما اسوي بعد منيكير وبديكير او مرات اضبط شعري
7- لما اسوي تشقير لويهي واسوي سنفرة لجسمي او للويه

نفسيتي السلبية بواحد من هذي الامور تتعدل وتصير تمام ورايقة
حاولي انتي بعد تشوفين شنو الاشياء الي تعزز سعادتج
وركزي عليها .......
لها تاثير قوي حتى بوسط عز المشاكل الله يبعدها

 

[Maaax]

بالتوفيق حبيبتي
ومثل ما قالوا البنات ربي يوفقهم
لا تهملي بروحج اختي

 

[Mjnont '3lay]

بقولج شغله ولا تزعلين مني
يوم انج مو قد الزواج ولا لج خلق حتى لعمرج جان ماقعدتي ببيت اهلج اريح لج ؟؟
الزواج مافيه كسوله مالي خلق تعبانه مالي مزاج
كلنا نمر بحالة خمول وملل هذي طبيعة الانسان بس لي وصلتي عند الخط الاحمر قولي لنفسج ستوووب

 

[Patcholli]

اولشي حلو ان الوحده تحس بروحها وبتقصيرها بس مو حلو انها تجهل شنو نتايج وسلبيات هالشي
حبيبتي اقل اقل اقل شي ان ريلج ممكن يدور غيرج ..!!
خصوصا انه متظايق ومو عاجبه وتقولين مل منج .!.
يعني الريال زهق لازم تتداركين الوضع
اولشي روحي الطبيب سوي تحاليل وفحوصات يمكن فيج نقص بفيتامينات او شي مسببلج هالخمول والكسل او يمكن فيج غده
اذا كلشي طبيعي لازم انتي تتلحلحين
تروحين حق اقرب صالون تخلينهم يشتغلون فيج من فوق لي تحت شيره وحف وشعرج واظافر
تروحين السوق تشترين احلى لبس
والملابس المبهذله قطيها تخلصي منها عشان تنجبرين تلبسين الكشخه اللي جدامج
شعرج سويه كيراتين اذا مالج خلق تسشورين وتسوين تسريحات
ستايلج الطلعه بعد غيريه حتى لو عبايه اهم شي مرتبه ولايقه عليج ماتكون مبهذله واكبر منج باربع مقاسات
اذا حسيتي روحج تعبانه مو لازم تزورين الناس
قعدي بالبيت ارتاحي احسن ماتروحينلهم وانتي مالج مزاج ويتظايقون منج
متى ماصار مزاجج اوكي زوريهم ولما تعبانه لاتظغطين على روحج
اكيد ماراح يسولفون معاج وانتي خامله وماله خلق روحج اشلون بيكون لج خلق حقهم
حبيبتي ترى احنا بزمن وعصر المغريات
قبل كنا نخاف على رياييلنا من الاجنبيات والغربيات الحين حتى بديرتنا صرنا نشوف بنات الوان واشكال والكل صار يكشخ ويهتم ويواكب الموضه
اهم شي تكونين مرتبه وبشوشه مو لازم كشخه كشخه
بس رتبي امورج ووضعج وستايلج و قطي اي شي بايخ عندج بالكبت

 

[بنك بااستا]

الاانتي موصجج انامره ايدي مزلقه عصب قالي عاجبك شكل ايدج جذي تعرفين لوانا ريلي ريلج شسوى فيج ينتحر