بنات هالقسم محد بيحس فيني غيركم تكفون دشو

[وٍنْة خٌفْوٍقٌ]

بنات انا لي سنتين ونص متزوجه ووللحين ماحملت ورحت عند الدكتوره وسويت تحاليل وقالتلي هرمون الحليب عندج مرتفع وعطتني علاج دوستينكس لمدة شهر كل ثلاث ايام نص حبه وسوتلي تحليل يوم 21 الدوره وقالت ان التبويض عندي ممتاز وقالتلي غريبه سنتين ونص ماحملتي مع ان هرمون الحليب مو مأثر ع تبويضج قالت يمكن في مشكله بالرحم او الانابيب ونصحتني اسوي منظار بطني وسويته الشهر الي طاف وطلع الحمدلله كل شي سليم وهم بخلال هالشهر نزل الهرمون وصار كل شي طبيعي الحمدلله وزوجي الحمدلله هم تحاليله سليمه

باقي ع موعد دورتي الاصلي خمس ايام واليوم نزل علي دم ووسخ بني من الصبح للعصر وكنت بهالفتره منسدحه ع السرير يوم قمت حسيت شي نزل يوم شيكت شفت بقعة دم كبيره وبدا الدم ينزل كنها دوره ولابعد في مع دم الدوره قطع حمرا ,, تكفون الي عندها خبره تقولي شسالفه وشنو معناة الي صار معاي

ووش رايكم صج اذا هرمون الحليب ما يأثر ع التبويض يعني مايمنع الحمل ؟؟

وربي ابي احمل ريلي متشفق ع ياهل كل شهر اتعشم واعشمه وتجيني الدوره نفسيتنا تعبت

ربي لاتذرني فردا وانت خير الوارثيين

 

[مارغريتا]

يمكن حمل اشتري جهاز تحليل منزلي

الله يرزقج حبيبتي

 

[مناوووي]

ياااااااااااااااارب بشاااارة حمل





اشتري تحليل وحللي بالبيت اذا طلع خطين روحي سوي تحليل دم

واذا لا انطري بعد لين يجي موعدها





الله يرزقج

 

[حبيبة ملوكي]

هلا ونه خفوق حبيبتي انا اقول لا تسوين شي روحي لدكتور
هذا الي اقدر اقوله لج وديري بالج لا تاكلين ادويه وهالاشياء لييين تتاكدين
والله يرزقج ومايخيب ظنج انشالله اجمعين يااااااااااااااااارب
وبعدين لج سنتين وكله عند دكاتره جربي حريييم طب شعبي والله واااايد بنات من جماعتنا ماحملو سنه من عرسهم
ومن يروحون عند هالحريم مشالله يحملون بسرعه لانهم زيينيين يسون مرخ ويعطونهم شجرة حمال للمتاخرين وسوالف جذي
جربي والله يرزقج ويوفقج.........دعواتج لي الله مايخيب ظني ويرزقني الحمل الثابت هالشهر ياااااارب وانتي معاي امين يارب

 

[عــود كمــبودي]

روحي دكتور احسن

والله يرزقج

 

[متفائلة2010]

حبيبتي والله

الله يرزقج يالغالية ويعوض صبرج..​

 

[الأمل الأبيض]

حبيبتي روحي للدكتور و سأليه

يمكن الدورة عندج مقدمه لانه انتظم عندج هرمون الحليب

وفعلا ترى هرمون الحليب مو سبب اساسي لمنع الحمل


لان في حريم ترضع و هم تحمل ماشاءالله


وكثري استغفار و الاذكار و هم سورة البقرة

لان لما يكون كل شي سليم فمعناته انه السبب عندج مو عضوي ولله الحمد


والله يرزقج عاجل غير اجل

 

[jawhara.77]

راجعي دكتورج احسن
وعسى ربي يبشرج بالحمل اللي يفرحج ويفرح ريلج

 

[A7la-SmiLe]

عسى الله يرزقج ويرزقنا عاجلا غير اجلا يارب ..​

 

[احلى سماء]

الله يرزقج وويرزقنا

اهتمي بوقت الدوره وروحي مراه تمرخ واكلي اعشاب تنظف الرحم

يقولون هالاشياء تساعد ع الحمل

 

[maahaan]

رد : بنات هالقسم محد بيحس فيني غيركم تكفون دشو

سنتين ومافي سبب سبحان الله يمكن في خير لج ,, ع العموم انا اقول دام ما فيج شئ لاتروحي الدكاترة كثري من الإستغفار وسورة البقرة وان شاءالله راح تفرج يارب

 

[شهرزاااد]

اذا الدورة جدمت ويعني على قولت يداتنا تدور الحمال
انا ما كنت مقتنعة وبهالحجي وفعلا اربع شهور دورتي قامت تجدم اربع ايام وساعات يومين والشهر الخامس حملت
الله يرزقج وتكون بداية خير والحمل قريب بإذن الله وكثري الاستغفار والله كريم

 

[_ظل الياسمين _]

يارب خير..وربى يرزقج .

 

[LeeMa q8]

يارب ترزقج وترزقني يااارب

 

[قلب مغليك]

رد : بنات هالقسم محد بيحس فيني غيركم تكفون دشو

الله يرزقج ان شاءالله خير

 

[قمراي20]

رد : بنات هالقسم محد بيحس فيني غيركم تكفون دشو

ان شاء الله حامل مره اخوي كان ينزل معها دم طول الاربع الشهور الاولى
بأذن الله حامل الله يفرح قلبك وقلوبنا يااااااااااااااااااارب ياكريم

 

[**أحلى البنات**]

الله يرزقج بالذريه الصالحه لي ولخواني وخواتي المسلمين

 

[%متفائله%]

عسى الله يرزقج ياااااااااارب

والله ماااعندي فكرة بس حللي عشان تتطمنين

وياااااااااااااارب تبشرينا

 

[kitty eyes]

الله يرزقج

بس روحي للدكتورة احسن

 

[shahad-2010]

اللـــــــــــــة كـــريـــــــــــــم ويرزقـــــــــــــــــــــــج بدرزن يهاااااااااااااااااااااااااال :ioljnmlk: