بنات نصحوني شنو اقول بسرعه...

[Om Banati]

اهي الحين مره متزوجه خلاص الي طاف مات عليها باليوم .. لازم تحاول تندمج مع زوجها ومادامه مثل ماتقولين يحبها ويبيها مع الفتره غصبن عليها راح تحبه لان المرأه انسان عاطفي يحب اللي يقدره ويحبه ويبين له هالشعور ... وخل تنسى هذاك لو صج يبيها جان ماكو شي بالدنيا يرده عنها ... قوليلها قضبي مينونج لا ييج اين منه .. وخل تشكر ربها على النعمه اللي اهي مو مقدرتها

 

[ام فلاح؟]

قوليلها انسي الماضي وعيشي مع زوجك ومستحيل الريال ياخذ وحده مطلقه

 

[عشق]

لو يحبها جان تزوجها

خل تحمد ربها على هالريل وتقول خيره

اهي اشدراها حتى لو اللي تحبه تزوجها راح يعاملها نفس ما ريلها الحين يعاملها

 

[ياسمينا]

تستغفر ربها وتنسى كل شي وتبدا حياه جديده مع زوج اختارها ما ضحك عليها نفس الاول وبالعشره والمحبه راح تعيش احلى ايام حياتها

 

[عطر الشوق]

وعسى ان تكرهوا شيئا وهو خير لكم
خليها تنسى اللي طاف وتفكر بمستقبلها دام الريال شاريها لاتهدم بيتها بيدها وواحد يحبج احسن من واحد انتي تحبينه ولما تتزوجينه تندمين
الله يوفقها انشاالله

 

[LaSt WoMeN]

اهي على ذمة ريال .. يعني مجرد تفكيرها بإنسان غيره يعتبر خيانة !

و بعدين ترى كلها مسألة وقت و بتحب ريلها ..
خلترضى بنصيبها و باللي الله قدره و كتبه لها ..

و خليها تنسى ذاك .. اذا اللي كانت تعرفه تمت معاه سنة
و الا سنتين ريلها هذا بتعيش معاه سنين العمر كلها ان شاء الله ..

خلتخاف ربها فيه ..
و تعيش سعادتها و ترى أحلى أيام الزواج اولها لا تضيعها بهم و نكد

 

[ريم @]

الواحد مايقدر يعطى رايه فى الموضوع لانه ناااااااااااااقص ماقلتيلنا اللى يحبها حاول يتقدم لها من قبل ولاماحاول

وليش ماتقدم لها وخطبها لانه احتمال تتطلق من زوجها لعشان حبيبها وحبيبها ماياخذها اهنيه شنو راح تسوى راح تخسر الاثنين

واذا يبى يتقدم لها ونيته صافيه انا انصحها انه تخلى زوجها يطلقها قبل لايصير زواج رسمى وتتكدر طول عمرها ويتزوجها حبيبها لانه الحب الصادق مره بالحيااااااااااااااااااااااااة

 

[منوووووله]

مو مهتمه فيه معنه اهوا يحبها وماخذها على حب بس منطرف واحد


ياقلبي خل تاخذ الي يحبها
احسلها من الي اتحبه وحب التلفوون ماوراه الى اللعب لو صج يبيها ودره انها
بتتزوج جان طارلها وطلب ايدها وليش اهياا الي مهتمه واهو مومهتم ؟؟
مدام الريال زين وكل شي خلتستمر معاه احسلها وتنسى هذاك وهاذي خيره
لهاا هذااك لو متزوجه على اقل مشكله بيقولهاا لويج خير جان ماكلمتيني بالتلفوون وتعرفتي علي بالشارع ؟؟ عدل ولا انا غلطانه وانا بصاارحه مااظلمها وبحط نفسي مكانها وبقوول .

انا اللحين تزوجت واحب هذاك انزين هاذاك قاعد يفكر فيني مثل ما افكرفيه
ومهتم مثلي ؟؟

اذا كنت ماخذته ماراح يعايرني اني عرفته من الشارع ؟؟

ريلي يحبني بس انا ماحبه احب فلان ياترى يحبني كثر ماريلي يحبني؟؟

وعقلها براسها تعرف خلاصهااااا لوصج يبيها جان قامت الدنياا وماقعدت ..

 

[^noonaa^]

مو مهتمه فيه معنه اهوا يحبها وماخذها على حب بس منطرف واحد


ياقلبي خل تاخذ الي يحبها
احسلها من الي اتحبه وحب التلفوون ماوراه الى اللعب لو صج يبيها ودره انها
بتتزوج جان طارلها وطلب ايدها وليش اهياا الي مهتمه واهو مومهتم ؟؟
مدام الريال زين وكل شي خلتستمر معاه احسلها وتنسى هذاك وهاذي خيره
لهاا هذااك لو متزوجه على اقل مشكله بيقولهاا لويج خير جان ماكلمتيني بالتلفوون وتعرفتي علي بالشارع ؟؟ عدل ولا انا غلطانه وانا بصاارحه مااظلمها وبحط نفسي مكانها وبقوول .

انا اللحين تزوجت واحب هذاك انزين هاذاك قاعد يفكر فيني مثل ما افكرفيه
ومهتم مثلي ؟؟

اذا كنت ماخذته ماراح يعايرني اني عرفته من الشارع ؟؟

ريلي يحبني بس انا ماحبه احب فلان ياترى يحبني كثر ماريلي يحبني؟؟

وعقلها براسها تعرف خلاصهااااا لوصج يبيها جان قامت الدنياا وماقعدت ..

هلا حبوبه اول شي اهي مو متعرفه عليه من الشارع اهو يصير ولد رفيجة امها وصار بينهم اعجاب وحبته وحبها وكان ناوي يخطبها بس ما قال حق امه و وضح حق البنت انه يبيها بس اهو ما استعيل واهي مو حلوه اتقوله يلا متى تيي تخطبني .وبعدين يه خطبها اللي يصير لها ومع ضغط الاهل وافقت عليه وهذاك مايدري انها املجت و وقت العرس امها اتصلت على امه وقالتلها يوم الفلاني عرس بنتي حياج وهذاك درا وانصدم ! وانا معاكم ان الغلطه غلطتها

 

[MissChoco]

حررررام عليها @@ من صجها ومضايقه؟؟ والله المفروض تحمد ربها لانه مشالله الريال شاريها
ويحبها .. مو الي يقول تزوجها بس جذي ومقصر وياها .. لا مشالله كل شي مسويه لها وخلاص
المفروض تنسى هذاك وتتعود على ريلها وختصلي تستغفر ربها وتصلي صلاة استخاره
لانه لو بتطلق منو بياخذها؟؟ الرياييل الحين بالتفق و وايد ماتزجو والله المفروض تحمد ربها ليل نهار
وتشغل وقتها وتشوف ريلها وتفكر فيه وتقول كل مره لا انا احبه عشان تتبرمج بمخها
و ولو تطلقت باجر شدعوه هذاك بياخذها ماتدري اهيا ولو يقول باخذج يمكن تصير سالفه
والله حزتها بتتحسف وتصير سالفتها بالسان الكل .. اذا اهيا مضايقه من هالشي
ختروح العمره وتسافر وياه تحاول تصير يمه وطول الوقت خلتقعد يمه وتشوفه انه اهوا اهوا
ماتشوفه انه اهوا هذاك وتخيل وتشوف وتمثل وهالخرابيط
دام الريال شاريها حرام عليها والله ومشالله هنيالها بواحد يموت فيها ويحبها ومخليها ياهينه لا تنكتين
بالعكس حبيبتي روحي قوليلها انها تقعد وياه والوحده لازم تمر عليها هالشي
بشهر بسنه او سنه ونص لابد انها تنسى وتحمل وتجابل عيالها وتنسى هذاك
ويبقى ريلها بس
واهيا ماصارلها شهر ونص بسمالله ختم وياه وهذا واهيا ماعاشت وياه
والله صدقيني من اول اسبوع بتعود عليه وتحبه وكلش كلش سنه راح تنسى هذاك وتتعود على ريلها هذا اذا واييييييييد حيل تتم سنه بس ماعتقد سنه

يمكن من اول شي واول شهر بعد


والله نصيحه لا تطلق وتبعد تفكيرها عن هذاك .. والله يوفجها انشالله

 

[-Bello-]

الله يعينها ..وخل ترضى بنصيبها ..وحرام عليها اسكتت وماقالتله واصدمته ..الحين اهي شالعه قلب اثنين ..

 

[بسبوسه بالباشميل]

شحبه شكلامه الفاضي

هذا زوجها ومو حق انها تفكر بواحد ثاني ..

صدقيني خليها تصلي وتدعلي من قلبها ان الله يجعل بينهم موده ورحمه ..

ما تدري والله يمكن زواجها هذا خيره لها ..

خل تهتم فيه وتفكر بايجابياته وتطالع ذاك الاولي بسلبيه وتعدد عيوبه ..

والله يوفقها ويهديها لزوجها ويهديه لها ويسخرهم لبعض ..​

 

[كسرة عود]

أحس هذي تصير بكثرة ( ماتحبة من البداية)
بعدين يتغير شعورها . وهذي كلها وساوس الشيطان

 

[brettey]

خل تحمد ربها والله حرام على الاقل خل تحترمه والله ياما حريم يتمنون هالنعمه الي اهي فيها الله يهديها