بنات نصحوني شنو اقول بسرعه...

[^noonaa^]

السلام عليكم
ببدي بالموضوع على طول من كثر ما انا حيييييل متضايقه ومادري شسوي حق رفيجتي . بقولكم قصتها ونصحوني شنو تسوي عشان اقولها

رفيجتي وحده اصغيره عمرها 20 وتوها متزوجه صارلها شهر ونص وتزوجت من الاهل بس خذته بشوي ضغط من الاهل واهيا بالاساس تحب واحد ثاني بس مع كلام الاهل صار كل شي بسرعه بسرعه صار كل شي يعني حتى ماخذت وقتها انها تقعد وياه ووتتعود عليه او تعرف اطباعه على طول صارت الملجه وبعد اسبوع العرس يعني ماقعدت وياه الا اسبوع وصار العرس وصار كل شي بس لمن الحين ماسكنت وياه على اساس قاعدين يسوون شقتهم واهيا كل يوم تقول اليوم بحبه بس ماكو موقادره تحب الريال عادته مثل اي واحد غريب مو مهتمه فيه معنه اهوا يحبها وماخذها على حب بس منطرف واحد واهيا على اخر هل جم يوم بس حيل صارت متضايقه وكل ماتقعد تتذكر اللي تحبه وتقارن بينه وبين ريلها معنه ريلها مافيه ولا شي ويهبل وخوش ريال بس خلاص اهيا مو مرتاحه معاه وقاعده تفكر ماتدري شتسوي عشان ترتاح لانها حييل تعبانه هل ايام من السالفه وحاسه انها اذا ضلت وياه بتظلم روحها وبتظلمه معاها ... فنصحوني شقولها؟؟؟؟؟

 

[بتبوتااا]

ماينفع الكلام الحين دام اهيا تزوجت ودام انه الريال زين خلتتمسك فيه بيدها وبسنانها
وتحاول شوي انها تتقرب منه ومع الوقت انشالله بتحبه وهذا نصيبها والله يعينها

 

[بتبوتااا]

ماينفع الكلام الحين دام اهيا تزوجت ودام انه الريال زين خلتتمسك فيه بيدها وبسنانها
وتحاول شوي انها تتقرب منه ومع الوقت انشالله بتحبه وهذا نصيبها والله يعينها

 

[nice smile]

لاتفكر بغير زوجها ترا لو بتنفصل .. راح تضيع حياتها .. والواحد الثاني جان خطبها او تقدم لها ؟؟ باجر لوفكرت تتطلق ماراح يدري عنها .. بيقولها اهلي مايرضون اخذ وحده انفصلت او وحده تطلقت ...

حبيبتي قولي لها تتحمد ربها دام الريال زين وباجر ان شاءالله بتحبه بس لازم إتعود روحها عليه وتنسى هذاك مره وحده .. وترا حرام انها تفكر بواحد ثاني وهي على ذمه ريال

والله يجمل ويحلي زوجها بنظرها ويألف بين قلوبهم ويبعد عنعا وسوسه الشيطان اللي يلعب براسها

 

[كندية]

والله حبيبتي المثل يقول اخذي واحد يحبج مو انتي اتحبينه...
الحين ريلها بدلعها ويدللها ويعيشها ملكة...بتاذخ اللي اهي اتحبه اكثرهم يذلوووووون الوحدة ويمسح فيها الارض على ابوي اتحبه ....
قولي لها تتعوذ من ابليس...وتعطيه وقت ماراح اتحبه بيوم وليله...قلتيها صار لهم اسبوع...تو الناس....

 

[مهاوي البحرين]

خل تعطي ريلها فرصه وتترك عنها المقارنات لانه بتضيعها

يس عندي سؤال ليش حبيبها ما تقدم لها يوم علم بتقدم زوجها لها

لا تخلي عاطفتها تخرب بيتها خلها تكون حكيمه في هذه الامور

 

[روزالكويت]

تنسى الماضي وتفتح صفحه جديده ولاترجع تكلمه او تحتك فيه ترى الشيطان شاطر لعنة الله عليه
دام زين مافيه شي ويحبها هذا كافي هالزمن الوحده تدور اللي يحبها مو اللي هي تحبه..

 

[حبيبته آنا]

هذاك لو كان يبيها جان تقدملها من الاول!!!!
هذاك ما تقدملها وهي بنت هل تتوقع منه انه بياخذها وهي مطلقه؟؟؟او منفصله؟؟؟؟

 

[Swan]

فتره الاسبوع او الاثنين وايد فتره قصيره عشان تحب الريال
اذا اهو خوش ريال مثل ما تقولين خليها تصبر هالايام وان شاء الله مع الوقت بتحبه
بس لا تفكر تقارن بينه وبين اللي تحبه لأنها اذا بتسوي جذيه ماراح تعدل بينهم
وبعدين الريال خلاص صار ريلها يعني تنسى انها عرفت واحد وحبته لأن ماراح يفيدها بشي

 

[Dancing^Queen]

حبيبتي قوليلها وشدراج انحبيبج لي خذيتيه بيكون زين وياج ترا الحب شيوالزواج شي ثاني
هذي خيره ربها وحكمه خل شوي شوي تقنع نفسها وخل تعتبره تحدي بتكسبه لاتبددي حياتها وياهغلط ومع الوقت راح تحبه بس لازم تقطع اي علاقه مع الثاني كلش كلش علشان ماتضعف بيوم والزمن يحل كل شي

 

[هوى الدار]

الخيره فيما اختاره الله
خل تعطي الرجال فرصه ليما الحين ما شافت خيره من شره بس مادام تقعد تقارن بتصير صوره الي قبل ملااااااااااك واي شي من زوجها بتكبره وتكرهه اكثر
خليها تشيل هذاك من راسها خلاااص الفاس طاح بالراس وهذا زوجها ويمكن شكثر بنات غيرها يتمنونه زوج بس اهي ما حاسه بالنعمه الي اهيا فيها
خل تدعي الله يصرف قلبها عن غير زوجها وتعطي الرجال فرصه وان شاءالله بتحبه وعسى الله يوفقها

 

[srsr]

انا اقول خل تتمسك بريلها احسن وادامه يحبها مع الوقت راح اتحبة من غير ماتدري واللي تحبة لو اهو يبيها زواج جان خطبها وتحرك يوم انخطبت وهذا اكبر دليل على انه يلعب عليها خل الظل مع زوجها احسن ماتخسر الريل والحبيب وذيك الساعة حتى نفسها راح تخسرها​

 

[قمه النعومه و الأنوثه]

وايد بنات قص عليهم الشيطان وتطلقوا والسبه اتفكر ابحبيبها اللي قبل واتقارن ..لو في خير اللي قبل جان خطبها ...واعرف ناس حريم كبار خذوا رياييل ما كان ابالهم يتزوجونهم وتعبوا ليش مو متعودين بس احمدوا ربهم على النعمه والله كافئهم ورزقهم حياه سعيده ورزق..

واعرف بنات وايد املجوا وفلوا الملجه لنفس السبب اخر شي تطلقوا ولا تزوجوا واشحلاتهم وايهبلون والسبب (الشيطان لعب ابراسهم وقص عليهم ) وقوليلها ترى احسن شيطان اللي يفرق بين ريال ومرته عند الشياطين وفي حديث شريف يثبت هالكلام ..وحتى لو حبيبها السابق مو شي بيحليه الشيطان بعيونها غصب بس عشان تتطلق ..اهي الحين بإختبار ولازم تغلب الشيطان ...وخل اتصلي صلاه الاستخاره كل يوم والله يرشدها للطريق الصحيح ان شاء الله.​

 

[الاسطورة]

اكبر غلط ان الوحده تقارن بين زوجها وبين حبيبها
وبعدين الله قدرلها هالنصيب وخل تحمد ربها على هالزوج الزين
ومثل ماحبت هذاك خل تحاول تحب هالزوج المسكين

 

[^noonaa^]

مشكورين حباايبي على هالكلام وما قصرتوو
وراح اقولها هالكلام انشالله والله يهديها

 

[همسات ليالي]

خلاص حبيبتي ما دام تزوجت لازم تنسى الثاني

والا

الله ما راح يوفقها

 

[ضوى العيون]

خل تتأقلم مع الوضع اليديد وللي فات مات يعني لازم تخلص حق ريلها وماله ذنب بالموضوع بعدين راح تخسر الطرفين بما انج تقولين خوو ريال فلازم تقتنع بالامر الواقع

 

[april_q8]

خل تتطلق و لا تقعد جذي لأنه راح تتحسف طول عمرها بس لا توقع انها راح ترجع تتزوج اللي تحبه و بعدين شنو زواج غصب ماكو شي اسمه جذي كان المفروض من البداية تقوله انها ما تبيه

 

[almost a whisper]

هذا اللي الله كاتبه لها
وانتي قعدي معاها وحاولي تدورين ايجابيات في زوجها ومدحيه ووصلييه فووق
وان ماكو منه ويحبج وهذا كافي
يقولج هالايام تزوجي واحد يحبج ولا تتزوجين واحد انتي تحبينه
والي تحبه لو فيه خير جان تنحنح عند اهلها قبل لا يتم الزواج .. وطلعيلها سلبيات منه وكرهيها فيه
وان المظاهر مو كل شي
وقوليلها تحمد ربها على هالنعمه ،، لا تجحد .. النعمه زواله
من وين تحصل لها واحد يحبها من زمان ومو متكلم .. وبالاخير يروح يتزوجها! هذي الرجوله بعينها .. مو اتييبلي واحد مادري من وين ياي ،، يقص على البنت بجم كلمه عشان ياخذ الي يبيه او يتسلى لين ما امه تختارله عروس!
وحاولي تذكرينها بامور دينيه وفهميها شلون تكون زوجه عفيفه
وترا لو بتعيش معاه راح تتعرف عليه اكثر .. بتشوف طبعه وتصرفاته ،، وبتحبه انشالله مع الايام
ماله داعي البجي .. وخل تفكر بالواقع
وتدعي ربها ان ينسيها الي فات ويعينها و يوفقها في حياتها اليديده
هذا ابليس اعوذ بالله منه ،، قاعد يوزها على الخراب
خلتكثر من الصلاه والدعاء وتشكر ربها .. بالشكر تدوم وتزيد النعم بإذن الله
وانشالله ماكو الا كل خير

والله يوفقها ويسهل عليها ويستر عليها ويوفقها في حياتها اليديده

 

[الاسطورية]

والله ماعندها سالفه الحين وين الوحده تحصل ريال يحب ويداري ويدلع
خليها تحمد ربها يمكن خيره لها هالريال قوليلها الي عندج الكل يتمناه لاتفرطين فيه