بنات موعدي مع دكتور التجميل الزائر(الألماني) بمستشفى طيبه...حياكم

[أم@الحلوين]

سلامتج حبيبتي وخطاج السو ...بصراحة ما أدري بجم بيسويها بس قبل لا تسوينها شوفي عملياته قبل عشان لا تنصدمين:krkrkr: وترى مو رخيص بالمرة أنا سألته عن خشمي وقال لي أنا أنصحج ما تسوينه لأن اللي يجوني كلهم يبوني أرفعه نفس خشمج وإنتي تبين تغيرينه قلت له أنا بس أبي اللفة اللي فيه تتظبط جان يقول 1500 :tomato2: طبعاً السكرتيره اللي عطتنا التسعيره مو هو...تخيلي يعني شئ بسيط جداً بهالسعر عيل إنتي بجم؟؟!!!
لا تستعيلين وخذي مشورة كذا دكتور
وما تشوفين شر يا رب.​

الله يسلمج ياعمري خطاج الاش انا ما ابي يسوي بخشمي شي ابيه يرده نفس قبل احب خشمي ههههههههه امبييييه اسعارهم نهيبه

 

[@ضحاوي@]

مشكوره يا عمري على تقريرج .. سبحان الله يمكن احسن لج .. ماتدرين ..

العفو وحياج الله يا قلبي ...والحمدلله على اللي قسم لي إياه والله راضية:eh_s(1):
مشكورة حبيبتي على مرورج الحلو وكلامج الطيب.​

 

[أم أنور]

عاد اتصدقين الدكتور نيشو هذا صديق العايله امسوي خشم بنت عمي وااايد حلو ومسوي اجياس الدهن ملوت مرت عمي ترا شغله وايد زين

 

[@ضحاوي@]

تقريرج حلو والخيرة فيما اختارة اللة حبيبتي

عيونج الأحلى ومشكورة بعد عمري والحمد لله على كل حال وصدقيني مو زعلانه بالعكس زين إني شفت وقنعت:eh_s(6):​

 

[@ضحاوي@]

الله يسلمج ياعمري خطاج الاش انا ما ابي يسوي بخشمي شي ابيه يرده نفس قبل احب خشمي ههههههههه امبييييه اسعارهم نهيبه

جربي الدكتور مدري شسمه العجمي يمدحونه وااايد خصوصاً للخشم والإستشارات بروحها تاخذ فلوس...سئلي وااايد وأخذي أكثر من راي حبيبتي ترى الخشم بالذات مجازفة..
وإن شاء الله خشمج يرد نفس أول وأحلى بعد:ggdw:​

 

[@ضحاوي@]

عاد اتصدقين الدكتور نيشو هذا صديق العايله امسوي خشم بنت عمي وااايد حلو ومسوي اجياس الدهن ملوت مرت عمي ترا شغله وايد زين

والله الكل يمدح فيه بس أنا شفت بعيني محد قالي... وأهو بنفسه موريني العمليات اللي مسويها...
أقولج والله يلوعون الجبد مساكين اللي مسوي لهم يعني وربي بدون حشوات لووووعة عمرج شفتي صدر بدون ستيان مربع!!
يمكن أهو أشطر بشغلات ثانيه مثل الخشم والشفط وهالسوالف بس الصدر ..لالالالالالا وألف لا​

 

[نيــلــوفــر]

وااااااااااااااي قصتج تحطيييييييييييييييييييييييييييييييييييييييييييييييم

تعرفين لما تقرين قصة و كلها اكشن وحركات و تعيشين الدور و اخر شي ما تفهمين النهاية
بالضبط هذا اللي صار
قاعده اتابع موضوعج و اقول الحين بتسوي العملية لا لا الحين بتسويها
اخر شي ماكو والله لو انا مكانج لي اليوم اقعد ابجي من التحطيم لوول

فديتج والله صاجة يمكن خيرة بعد ما تدرين
وانا اقول لو تقدرين تسافرين و تسوينها بره وايد احسن انا سامعه عن مستشفى بتايلند يسسوون تكبير صدر ممتازين وشطااار حيل مو اي كلام

حتى تكلموا عنه هني بالمنتدى بس ما اتذكر اي مستشفى بالضبط ذاكرتي تخونني ساعات
وولد اخوي لما انكسرت ريله راح تعالج بتايلند
بيني و بينج خلي امج تروح معاج روحوا بالعطلة انتي و امج و ريلج
او عندي فكرة ثانية
خلي هالفلوس و خشيهم لما يي دورج و تاخذين فلوس الجمعية مرة ثانية يصير عندج دبل
هني تقدرين تسافرين و تسوينها وين ما تبين و معاج ريلج وامج

 

[@ضحاوي@]

وااااااااااااااي قصتج تحطيييييييييييييييييييييييييييييييييييييييييييييييم

تعرفين لما تقرين قصة و كلها اكشن وحركات و تعيشين الدور و اخر شي ما تفهمين النهاية
بالضبط هذا اللي صار
قاعده اتابع موضوعج و اقول الحين بتسوي العملية لا لا الحين بتسويها
اخر شي ماكو والله لو انا مكانج لي اليوم اقعد ابجي من التحطيم لوول

فديتج والله صاجة يمكن خيرة بعد ما تدرين
وانا اقول لو تقدرين تسافرين و تسوينها بره وايد احسن انا سامعه عن مستشفى بتايلند يسسوون تكبير صدر ممتازين وشطااار حيل مو اي كلام

حتى تكلموا عنه هني بالمنتدى بس ما اتذكر اي مستشفى بالضبط ذاكرتي تخونني ساعات
وولد اخوي لما انكسرت ريله راح تعالج بتايلند
بيني و بينج خلي امج تروح معاج روحوا بالعطلة انتي و امج و ريلج
او عندي فكرة ثانية
خلي هالفلوس و خشيهم لما يي دورج و تاخذين فلوس الجمعية مرة ثانية يصير عندج دبل
هني تقدرين تسافرين و تسوينها وين ما تبين و معاج ريلج وامج

لوووووووووووووووول بعد عمري إنتي والله عيل طلعت قصتي فلم أكشن :j013:
خخخخخخخخ زين أنه في أحد عاش معاي الدور :friends: حبيبتي نيو لوفر أنا الحين بالمانيا وقاعدة أدور لي مستشفى سعره معقول ....مااااااااااالقيت:eh_s(11):
شكلي بدش عشر جمعيات يمعودة يالله أسوي صدري:denya:...وتايلند والله يمدحونها الحين بيحولون العلاج بالخارج عليهم ...وصاجة ودي أمي معاي (مسكينه هالأم حمالة الأسية)...
حياج الله حبيبتي ومشكورة على مداخلتج الحلوة.:sfg:​

 

[[المهندسة]]

انزين واللي بتسوي صوب واحد بس شلون سمعتو عن هالحاله عند احد ؟

 

[@ضحاوي@]

انزين واللي بتسوي صوب واحد بس شلون سمعتو عن هالحاله عند احد ؟

أيه عادي سمعت:icon30: أو بالأحرى شفت...الله يسلمج من كثر ما دورت بكللللل مواقع التجميل اللي بالعالم عرفت أنه فيه حالات تشوه بعيد عنج أو إستئصال إسم الله عليكم كلكم من المرض الشين أو حتى ساعات صدر أكبر من صدر وهذا عملية ثانيه يسمونها بالتجميل:
Correction Surgery يعني عملية تصحيح...
وهي غير عن الBreast augmentation واللي ترجمتها زراعة حشوات تجميلية...
وفيهBreast lift surgery وتعني رفع وشد الثدي...
بالنسبة لعملية تصحيح ثدي واحد هاذي أتوقع سعرها أقل من الباقي وتكون بجهة وحدة فقط وهالشئ طبعاً يعتمد على تشخيص الطبيب لكن عموماً سهالة:eh_s(15):
أتمنى أكون أفدتج بهالخصوص ولو عندج أي إستفسار أنا بالخدمة حتى لو عالخاص
حياج الله حبيبتي.​

 

[[المهندسة]]

مشكووره حبيبتي والله يوفقج

بس تتوقعين ايهو اسهل واحسن ومافيها ضرر التكبير ولا التصغير عشان يصير الاثنين كبر بعض

 

[@ضحاوي@]

مشكووره حبيبتي والله يوفقج

بس تتوقعين ايهو اسهل واحسن ومافيها ضرر التكبير ولا التصغير عشان يصير الاثنين كبر بعض

التكبير بيكون أحلى لأنه بيشد الصدر لما يمتلئ تجويف الصدر بس راح يكون فيه إختلاف في حشوات الصدر ..يعني الصوب الصغير يمكن يحط له الدكتور تعبئة ضعف اللي في الجهة الثانية حسب الحجم اللي تبينه...
وهالطريقة سهلة لأنه راح يحشي لج الصدر بس إما عن طريق قطع حوالين الحلمة أو فتحة في جانب الإبط...
والطريقة الثانية راح يصغر لج ثدي واحد بحيث يكون حجمه مناسب للثاني وهاذي جراحة أكبر من الطريقة اللي قبل...
وطبعاً في النهاية الدكتور يحدد الأنسب لحالتج بناء على اللي هو يشوفه...
وبالتوفيق​

 

[[المهندسة]]

مممم يعني التصغير شغلاته اكثر من التكبير.. والتكبير اسهل جراحته

بس حتى حجم الحلمات راح تتغير بالتكبير لازم تتكبر وبالتصغير لازم تتصغر هذي مع التصحيح ولا بروحها يحسبونهم

مشكوره حبيبتي وموفقه انشالله والله يساعدنا

 

[ناتشوو]

خيرة ان شاء الله
ياضحاوي
زين من خلال فرتج وقراءتج عن العملية
منو دكتورة بالكويت شاطرة بهالعمليات
انا اذكر د.ميرفت مدري شنو بالسلام سوت لرفيجتي شد للبطن
مادري تشتغل للصدر ولا لا؟

 

[@ضحاوي@]

مممم يعني التصغير شغلاته اكثر من التكبير.. والتكبير اسهل جراحته

بس حتى حجم الحلمات راح تتغير بالتكبير لازم تتكبر وبالتصغير لازم تتصغر هذي مع التصحيح ولا بروحها يحسبونهم

مشكوره حبيبتي وموفقه انشالله والله يساعدنا

صدقيني ما أقدر أفيدج بالأسعار لأنها غيييييير وركزي على غير متوقعة:jumpon: يعني يمكن هالشئ في نظري ونظرج المفروض ما يتعدى ال1500 صح؟؟


لآ حبي غلط:eh_s(14): لأنهم مباااالغين في الأسعار بشكل مضحك...
ترى عادي تروحين تفحصين وعقب يقولون لج 2000 دينار :cxxxp: والله متعقدة من الأسعار مادري شالسالفة عبالهم قاعدين على جبل:jumpon:
وتصدقين لقيت أن التشيك حييييل رخيصة وشطاااار حيل نفس طقت إيران والأسعار تهبل بس منو اللي يقدر يروح
موفقة حبيبتي.​

 

[@ضحاوي@]

خيرة ان شاء الله
ياضحاوي
زين من خلال فرتج وقراءتج عن العملية
منو دكتورة بالكويت شاطرة بهالعمليات
انا اذكر د.ميرفت مدري شنو بالسلام سوت لرفيجتي شد للبطن
مادري تشتغل للصدر ولا لا؟

إيه والله خيرة ومشكورة حياتي...ودكتورة شاطرة والله ما لقيت ولا جان أنا أول وحدة سويت ...بس للأسف كل اللي عندنا عليميات...:eh_s(13): مو مال تجميل أمراض نسا ويخب عليهم:\​

 

[ommohammed2006]

حبيبتي الله يوفقج وترجعين بالسلامة

 

[[المهندسة]]

الله كريم انشالله ويوفقج

 

[@ضحاوي@]

حبيبتي الله يوفقج وترجعين بالسلامة

مشكورة حبيبتي أم محمد والله يجزاج خير ويسلمج من كل شر.:eh_s(6):

الله كريم انشالله ويوفقج

اللهم آمين أجمعين يارب .​

 

[رومانس آيدياز]

ضحاوي حبيبتي والله اسلوبج ماشالله حيل حلو وكلامج سلس وواضح
جد استانست حيل على سوالفج وونستيني لما قلتي التشيك لان انا بروح احتمال على شهر 6
بس منو قالج ان شغلهم حلو ومنو بالضبط
اشلون اعرف الدكاترة الزينين هناك ماعندي خبرة
ابي تجميل الصدر والخشم اذا تعرفين