بنات من وين اشتري خلطات حق المفارش والبيت

[محتاجة لدعائكم]

السلام عليكم

بنات ابيكم تساعدوني باسماء خلطات حق المفارش والبيت

ومن وين اشتريهم

وجزاكم الله الف خير​

 

[ملاك الحلوه]

قوه يالغلا عني انا ما اعرف احد بس مرة اخوي تمدح هذي والله يوفقج بس متى العرس انشااء الله ......
ام محمد الدوسري بالصباحيه حيييا يمدحوونها

 

[ام علاوي وعزوز]

حبيبتي ما لج إلا تنطرين معرض العطووور بتاريخ 26/3/2009 بأرض المعاض بمشرف
ان اكل ما يفتح المعرض اروووووح اشتري اكثر من خلطة للبيت والفراش لان كل المحلات اتكون موجودة بالمعرض وبعضهم يسووووون خصومات

 

[alzen_kilah]

حبيبتي بما ان المعرض بيبطل شهر 3 انصحج تاخذين خلطات الرصاصي اكوا وبشرى عالعموم اغلبهم حلووووين


حاليا من سوق السلاح اخذي خلطه المسني ودهن العووود و خلطة روح البخور .... << هاذي روووعهـ


والخلطات اللي بالاسواق الشعبيه جربي اللي يعجبج واخذيه فيه حلوين بس ما حافظه اساميهم الحين

تقبلي مروري

 

[سنااااي]

في نعمة للعود والبخور عندهم خلطات وحده احلى من الثانية....

 

[أبيار الكويت]

روحي القرشي
عجيييييييييييييب

 

[mem-q8]

مادري والله يا قلبي

بس في عندج الرصاصي حلوة خلطاتهم
وهم مرى على الفودري

واكو بمجمع العربيد او الحمرا مول اذا مو غلطانة محلات بخور يبيعون هالشغلات
بس نااااااااااااااااسية الإسم استغفر الله


والله يوفقج ان شاء الله

 

[أم^تركي]

عبدالمحسن حلو يهبل انصحج اخذي منه بالمعرض لان بالمحل يبعها 5 بس بالمعرض على 2ونص انصحج بالفرس للعطور يهبل شغلة

 

[محتاجة لدعائكم]

جزاكم الله خير

واتمنى الكل يفيدني

 

[ديمة الشوق]

قوه يالغلا عني انا ما اعرف احد بس مرة اخوي تمدح هذي والله يوفقج بس متى العرس انشااء الله ......
ام محمد الدوسري بالصباحيه حيييا يمدحوونها

وااجداللي يمدحون ام محمد
ياليت اذا عندج رقمها طرشيه بالخاص :33_1185028183:

 

[ديمة الشوق]

لايطووووفج
معمول حنان من عبدالمحسن رووووعه

 

[بنت المنوخ]

عندجه الاجمل حلو حيل
وبصراحه كلونيا السودا حيل حلو بعد مع البخور

 

[ترحــآل]

روحي لشايع

واشتري خلطة سطور وحروف حدهم روووعه

 

[محتاجة لدعائكم]

جزاكم الله خير

ساعدوني

 

[@استثمار@]

عندج البنات بمول كويتيات والعبد المحسن ونعمه والحماد >>هذولي التوب

 

[حلا الكوون]

ليله خميس تهبل من اجمل
زينه الفرش الرصاصي
خلطه العود الفاخر_ روح البخور من محل سالم للعطور
الخلطه الفضيه - حروف من الشاايع
هذولااا اللي اذكرهم
وحياااااااج بموضووعي عن الخلطااات بتلقيييين اللي تبينه