بنات من شفت هالمنظر وانا صج تعبانه

[Miss_Tiger79]

شلونكم بنات


عسى ان شاءالله ما تشوفون الي شفته اليوم

والله يحفظ عيالي وعيالكم من كل شر




اليوم وانا رايحه بيت اهلي والا في يهال يخطرون الشارع وتيي سياره مسرعه وتدعم واحد من هاليهال
و المشكله الي دعمه مشى وانحاش

وهالشي صار جدامي
امبيييييييييييييييييييييييييييييه الياهل يمكن عمره 8 وحبيبي طاح على الارض وراسه كلها دم

والله بنات وانا اكتبلكم بس ابجي ... الله يعين اهله
وكان قريب من بيت اهلي ومشينا لان ريلي الي سايق السياره لان بسرعه الناس يووله ومحد صاد السياره
وبعدين طرشت اخوي يشوف شصار عليه
طبعا اهلي اخترعو دشيت عليهم وانا بس ابجي

والله بنات منظر الياهل ما يروح من بالي ومن اذكره بس ابجي
حبيبي
واشوه رد اخوي يقول الاسعاف شالته والشرطه تسأل الصبيان الي كانو معاه

وااايد مأثر علي المنظر


الله يشافيه ان شاءالله ويرد حق اهله سالم غانم يإذن الله ويعين أهله

 

[نبض السعاده]

رد : بنات من شفت هالمنظر وانا صج تعبانه

انا بعد شفت واحد جذي بايام الاحمدي من زمان انا صغيرونه واي لحد الحين اذكر الموقف

 

[miss_avocado]

الله يشفيه و يحفظ عيالنا و عيالكم من ك شر

 

[دلوعة أبوهآ]

ياقلبي
الله يشافيه ويقومه بالسلامه ويحفظه لأهله ..

 

[makhroosha]

نفس المنظر الي شفته بس أنا شفته طايح بنص الشارع وامه تصرخ وتناقز بالشارع والسيارات واقفه ودم بكل مكان .. الموقف يخرع وأقعد طول الوقت بالسيارة اصيييح وأي كش شعر يمبي !! عسي يحفظنه من هالحوادث انشأ الله*

 

[zqertya]

واااااااااااااااااااااااااااااااااااااااااي الله يعينج صج منظر يقطع القلب

 

[ساندريلا]

حسبي الله ونعم الوكيل فيه الي مايخاف ربه

اللله يقومه بالسلامه ويرده حق اهله سالم غانم

 

[Stylista_Q8]

وااي الله يعين أهله إن شآلله ويقومه بالسلامة

منظر يعور القلب

 

[ضايعة بدنيتي]

رد : بنات من شفت هالمنظر وانا صج تعبانه

لاحول ولا قوة الا بالله ...

ربي يعين اهله ويقومه بالسلامة ويشفيه ... وحسبنا الله ونعم الوكيل في الي سوا فيه كذا . ما عنده قلب ولاا احساس كيف يدوس الجاهل ويروح عنه . ربي ياخذ حق هالمسكين .

 

[الجوهرة777]

لا حول ولا قوة الا بالله

الله يخليه لأهله

 

[خاشووقه]

لا حول ولا قوة الا بالله العلي العظيم
الله يصبر قلب اميمته

 

[Tulips]

حسبي الله عليه هم داعم الولد وهم تنحاش .. حوبة اهل الصبي ماراح اتعداه

الله يشفيه انشالله

 

[جلاديلياس]

حرام عليه يدعم الياهل وينحاش ماعنده قلب هذا شلون يحط راسه وينام

حسبي الله ونعم الوكيل عسب الله يشافي الياهل ويرده لأهله

 

[مجنونة]

الله يشفيه ويستر عليه

الله يهدي شبابنا مادري منو قايل لهم الشارع حلبه سباق دايسيين

الله يستر عليه ويقومه بالسلامه

 

[&& دعاء &&]

الله يشافيه ,,

 

[VET-Nour]

امبييييي حراام
انا بعد مره شفت واحد يمشي بالقاري و تجي سياره بسرررررعه و تدعمه وااي حرام مسكين بعدين شاله حطه بالسياره و راح الطبيب حررااام كسر خاطري

 

[منو انا]

الله يشافيه ويعافيه

 

[حجيه هيونه]

الله يشفيه ان شاء الله

مادري الدنيا بتطير مادري ليش ما يمشون بنص البيوت شوي شوي الواحد مايدري شنو ممكن يطلع له

 

[cherry kisses]

واي حرااااااااااااااااااااااام
انا صارلي هالموقف مرتين
مره كنت بجمعية وانا طالعه و لا واحد يدعم ياهل و مشا عليه تخيلي شفت هالشي بعيوني
وهات يابجي بس قمت ابجي وكانت معاي بنت خالتي
والمشكله كنت رايحه بيت يدي
داشه على خوالي وخالاتي والاهل وانا ميته بجي !!!! شكلي كان وايد مصخره ويشفل واحاول اسكت او امسك عمري مو قادره دموعي تنزل

والمره الثانيه
وانا راده البيت صوب اشارة بيتنا
شفت واحد ميت وصوبه شرطه وجذي
منظره كان مو طبيييييييييييييييييييييييييييييييييييييييييييييييعيييييييييي
يعني شقول متسدح و ايده معلقه وااااااااي
وايد اثر فيني المنظر و قعدت جم يوم ضايق خلقي وحتى ابوي لاحظ علي وكلمني وقالي اشفيج عباله صاير فيني شي

الله يشافيه و يارب تبعدنا عن هالحوادث

 

[حنطاااويه]

واااااااااي
الله يشاافيه ان شاء الله
اشلووون الناس جذي ماكو قلب ماكو احساس
مايفكرر بإلي ادعمه شنو صار فيه
حي ولا ميت
استغفر الله