بنات منو نقلت ولدها من روضه حكومة الى خاص ضروري بليز

[داريني]

بنات انا سجلت ولدي في مجموعة الانجليزيه بلاي قروب الي بالسالميه واليوم كانت مقابلته طبعا الاخ انطرم ما جاوب على ولا سؤال بس يتكركر مت من القهر
واهوه كان بالحضانه يعطونه احرف وارقام وماشاءلله عليه حتى اسمه كان يعرف يكتبه بالانجليزي والعربي
بس دش اولى روضه صار مسح في مخه نسى كل شي وهمه كله يبي يلعب ويمووت على روضه لانه مخلينه يلعب على كيفه وصاير شيطان وااايد
وانا بعد مريت ابظروف انشغلت عنه و ماكنت اهتم فيه مثل قبل اعطيه تمارين يكتب احرف وارقام واشكال

والحين سجلته حق كي جي تو بس خايفه انه مستواه يكون ضعيف عن الباجي وينظلم وانا خو بسرعه انحبط
فألي كانت ولدها او بنتها نفس وضع ولدي ونقلته بعدين خاص شلون صار مستواهم
انا قلت ابلش من الحين اعطيه تمارين بس الولد كلش مو يم الدراسه نقس قبل وانا بعد صراحه كلش مو عارفه شلون ادرسه
مثلا اعطيه حرف a ما صدقت على الله يحفظ شكله وكتابته وابدي حرف الثاني الا الاخ ناسي حرف a مره ثانيه
شريت له لوحات وكتب تمارين تشوووق ماكو
ابي مساعدتكم وخبرتكم شلون أأسه وازهبه حق كي جي تو===ان شاءلله عاد بس يقبلونه عقب تهبب بالمقابله
وين احسن امكان حق دورات تقويه وبالصيف قلت بدخله ان شاءلله بنفس مدرسه بلاي قروب بس يالله على شهر 6
وانا ابي من الحين اماكن تعطي دروس علشان لي كورس الياي الا اهوه مستعد

عفيه لا تردوني بلييز طلبتكم علله وعليكم وان شاءلله ما تقصرون

 

[زوزو الحلوه]

حبيبتي والله انا مامريت بنفس حالتج بس حبيت اقولج لاتضغطين عليه بالتمارين اذا اهو مو حاب يتعلم انتي علميه جنج قاعده تلعبين معاه علشان لايحس بالضغط وطبيعي انه ينسى لانه الياهل يبي متابعه حتى لو الحضانه كان متعلم احرف ويكتب يدش روضه الحكومه مايلقى اهتمام ولاتعليم بس دق ورقص طبيعي بس لا يضيق خلقج انشالله يتعلم وتشوفينه متخرج من الجامعه انشالله...

 

[داريني]

مشكووورة زوزو الحلوة انتي الوحيده الي رديتي علي
وانا احاتي انه اخاف ينظلم وما يمشي معاهم يعني ابي أأسسه عدل وين ادويه اذا تعرفون مكان تقويه او معهد علموني بلييز ؟

 

[أم هاشم]

قوه اختي داريني ؟
بحكم تجربتج أنا مريت بنفس حالتج وينقل ولدي الحين من الحكومة للخاص وبلي انجلش جروب اللي بالسالميه شنو نوعية الاسئله وهل فيه اختبار نظري ولا بس مقابله لانه عندي ولدين واحد بيروح ثانيه روضه والثاني اولي ابتدائي وحدي خايفه لانه نفس ماقلتي نسو كل شي تعلموه بالحضانه كانوا بالإبداع قبل بس دخلتهم حكومه وتحسفت ياريت تقولين لي شنو صار معاج بالتفصيل ولج دعوه من كل قلبي

 

[أم هاشم]

قوه اختي داريني ؟
بحكم تجربتج أنا مريت بنفس حالتج وبنقل ولدي الحين من روضة الحكومة وبالضبط حق بلاي انجلش جروب اللي بالسالميه، شنو نوعية الاسئله وهل فيه اختبار نظري ولا بس مقابله لانه عندي ولدين واحد بيروح ثانيه روضهkg2 والثاني اولي ابتدائيgrade1 وحدي خايفه لانه نفس ماقلتي نسو كل شي تعلموه بالحضانه كانوا بالإبداع قبل بس دخلتهم حكومه وتحسفت ياريت تقولين لي شنو صار معاج بالتفصيل ولج دعوه من كل قلبي

 

[أم هاشم]

ادري موضوعج مو يديد بس انا مستعيله ومتوهقه ومحتاره