بنات منو مسوية تبييض اسنان ؟؟ وتعرفون مركز البيان لطب الاسنان ؟

[Pink GirL]

بنات شخباركم

طبعا من العنوان عرفتوا شنو ابي

يا ريت تفيدوني لأن رفيجتي ودها تسوي تبييض اسنان وشجعتني اسوي معاها بس محتارة

منو فيكم سوت تقولنا تجربتها

وهل تعرفون مركز البيان لطب الاسنان في مجمع الخرافي بالديرة ؟؟ شلون شغلهم ؟

وبكون شاكره لكم

 

[الزين كويتي والدلع جهراوي]

انا واختي ودنا نسوي تبييض اسنان بس ماندري وين احسن مكان ومضمون

مشكوره ع الموضوع وياليت البنات يفيدونا

 

[ام الحلويين]

وانا بعد ودي اسوي تبييض وسرمكه وترخيم وتلبيس << قسيمه مو اسنان

بس مادري وين ؟ جهراويه شرايج بمركز منصور العرف ؟

في وحده توها متزوجه لو تشوفونها اسنانها بسم الله ماشاء الله لولو

ومرتبين الله يرحم اول كل واحد بجهه وتقول عند العرف ....

بس يقولون التبييض يضر مع الوقت مادري صج والا لا !

 

[Pink GirL]

اليوم رفيجتي تقول ان التبييض يشيل طبقة مهمه فوق للاسنان خرعتني

 

[دلع قطر]

يكون بعلمكم ان التبيض لايشمل الطقم كامل ..

بس الاسنان اللي تظهر عند الابتسامه فقط ..

والتبيض يجلس فتره بسيطة عبارة عن شهور فقط ..

 

[الزين كويتي والدلع جهراوي]

ام الحلوين

حتى انا سمعت يقولون شغلهم حلو

بس ترا التبييض مايضر مو مثل السيراميك اللي يشيلون كل الاسنان ويحطون بدالهم مع الوقت يقولون يضر

ياليت بنات اللي مجربين التبييض يفيدونا يعور والا لا ؟

 

[توته الحلوة]

انا مسوية عادي يعور اشوي بس ما يشيلون الاسنان بس يبردونها
وسلامتج

 

[عذبه الصوت]

ثانكس على المووضع

حبووبه بجم يبيضون الاسنان ويبردونهم وييييييين اي مكان ؟؟؟

 

[نظـــرات حـــائرة]

أنا سامعة (لاحظوا سامعة) انه تبييض الاسنان أول شي يجيونج يلقون يهبلون.. بس عقب فترة يردون اكثر من أول ..


والله أعلم ​

 

[ام الحلويين]

شفت اليوم برنامج جنه على الام بي سي < دايخه ماتذكر اي قناة !

المهم يسوون حق وحده تبييض وااااااااااااااااي جسمي كله كششش
اسنانها صفر وحطو لها بلاستيك احس حلجها شوي وينشق!
وحطوا جل ازرق عقب جل لونه بيج وضوى ازرق ومكتوب على الجهاز زوووم
وبردوا اسنانها خذو وقت يمكن ساعه ونص على كلام الطبيب
واسنانها ماتغيروا وايد نسبه بسيطه انا شفته واخترعت حدي خوافه هونت عنه

 

[Pink GirL]

انا رفيجتي امس سووت في مركز البيان دقت علي تقولي يذذذذبح والحين ضروسي يصقعون علي جني ماكله شي بارد

هم انا سمعت ان يردون ما يتمون على طول بيـــــــــــــض

انا هونت لأن الصراحه ضروسي مافيهم شي بس قلت هم ببيٌض بس يوم سمعت من رفيجتي يعوررر لايحووشك انا بروحي خوافة من طبيب الاسنان

عذبة الصوت >> رفيجتي سوته ب 120 دينار تقول مسوين عرض حق شهر 11 بس بعدين يرد سعره الاصلي 250

 

[كويتية أصيلة]

ودي بصراحه بس خايفه

 

[الزين كويتي والدلع جهراوي]

صج يعور ؟؟؟؟؟؟

يمه شكلي هونت

 

[النية الصافية]

يعور بس تحملت وبعدين يردون نفس ما كانو سويته بالليز بمستشفي الراشد عند احمد فاعور

 

[Pink GirL]

النيه الصافية .. يعني ماكو فايده من انج تسويينه ؟؟؟

 

[^^DADDIES GIRL^^]

؟؟؟

 

[عسوله تنقط عسل]

يسلمو

 

[ملح الكويت كله]

انا امبيضه اسناني مرتين بالعكس مافيني إلا العافيه واسناني تصير لولو يلقووون لق سويت في عيادة الحكمة شغلهم زين

 

[وروود]

اي والله انا ودي اسوي بس اسناني حساااسه حيل ومحاتيه

انزين شرايكم بطقم التبييض اللي ابصيدلية بوتس<<<<<<بعد اذن صاحبة الموضوع

 

[2010 Haidy]

*بنات انا استخدمت منتج امريكي لكن روووووووووعه والصراحة خلى اسناني لووونهم ابيض مافي اي اصفرار والصراحة سار عندي ثقة اكبر في نفسي
والمنتج عبارة عن جل تحطينه بقالب وتنامي فيه وربي اني استعملته مرة وصديقاتي يسألوني عن اسم الطبيب اللي مسوية عنده ليزر وحلفت لهم اني مو مسوية اي تبييض لين شافوا الجل وكيفية استعماله والشركة امريكية كبيرة ويعطونك معجون حتى يحافظ عالاسنان بيضاء اذكر اني استخدمت الجل مرتين او تلات والمعجون طبعا استخدمه يوميا لانه يحافظ على البياض اللي توصلينله بعد الجل وممكن تستغني عن المبيض الجل وتستخدمي المعجون بروحة لانه يبيض وريحته نعنع قوية ويحافظ على مينا الاسنان والصراحة انا تعرفت عهالمنتج بالصدفه عن طريق استاذ اخوي بالجامعة بأمريكا هو طبيب اسنان ولمن قابلته سألته عن التبييض واني حابه اجرب الليزر قالي انتبهي كثرة الليزر تسبب حساسيه للاسنان وتضرهم وقام عطاني الجل والمعجون والحمدلله كل من شاف اسناني سألني عن اسم الطبيب اللي اسوي التبييض عنده
حبيباتي انا حبيت اشارك معاكم بتجربتي واللي عندها اي استفسار تراسلني عالخاص
تحياتي