بنات منو عندها طريقة حق غسيل الدلاغات .. تعبنا!!

[منال القلب]

قوة بنات
عندنا مشكلة بالبيت مع " الدلاغات " شلون تغسلونها؟
احنا طريقتنا نقط الدلاغات بالغسالة، بس عيبه يطلع الدلاغ فيه قطن صغار صغار ويصير شكله كأنه قديم وملبوس من 5 سنوات، عرفتوا شقصد؟ يصير عليه مثل نقط نقط قطن، أقول حق أمي نغسل الدلاغات بالإيد احسن تقول لأ مايصير!
ف مادري بنات شلون أغسل الدلاغ ويكون صافي بدون ما يطلع فيه قطن ويكون شكله أسود يلوع الجبد؟ مع إن ابوي يشتري دلاغات وايد لكن من نقطهم بالغسالة يخرب شكلهم وخاصة دلاغات الرجالي القطن

 

[SaD FaCe]

اي صح كلامج احس ماكو فايده

بس انا نوعي ايب طشت واحط الدلاغات فيه مع ماي حاااار وصابون وانقعه

عقب احطه بالغساله واختار ( شفط + تجفيف )

وبس تطلع ريحتهم مو صج ..

بس القطن ما لقيت له حل ..!

وبعض المرات بس انقعهم بماي حار واغسلهم بالغساله

 

[منال القلب]

تسلمين حبيبتي
واب اب للي عندها حلول

 

[منال القلب]

تسلمين حبيبتي
واب اب للي عندها حلول

 

[noorq8]

حبيبتي كل اللي يطري ببالج جربته للدلاغات بس تدرين شنو اللي عطاني افضل نتيجه ؟؟؟
صابون الصغار ملوت اليد وانا اشتري أرخص نوع ويطلعون بيض يلقون بس احنا نغسلهم باليد فاذا بتحطينهم بالغساله حطيهم بالكيس الخاص للقطع الرقيقه (مثل مال الملابس الداخليه)

 

[حروف من ذهب*]

انا احطهم في طشت وانقعهم وعقبها اغسلهم بالايد واشرهم بالحبل ما احطهم بالنشافه لانها تخرب

 

[q8_84]

انا احطهم بطشت وانقعهم عقب اغسلهم بيدي

 

[دريم ويب]

استخدمي صابون القطع مثل لوكس

يخليها تلق

 

[ام الحلوووين]

واااااي انا خدامتي صدمتني بغسيلها بس حقيره وديتها

تنقع الدلاغات بكلوركس عقب تاخذ اللي نبرش فيها الزل كان عندي 3 قالت ماما ابي وحده حق الدلاغات انا انصدمت منها

فكانت تبرش الدلاغ من تحت لحد مايروح السواد عقب تغسله بيدها عدل مدل ووااااااااااي مو صج تطلع

 

[بحور الذكريات]

والله يابنات خالتي تغسل ملابس ودلاقات عيالها والله ومن غير مبالغه ان اللي يشوفهم يقول توها شاريتهم ماشا الله عليها
قالت اول شئ انقعهم من باليل باريل والصبح اغسلهم بايدي بماي عادي وبعدين احط ماي حااار عليهم واريل مره ثانيه وبعدين اغسلهم بماي عادي وبعدها كانفورت وانشفهم وتعالو شوفو والله قمة النظافه
بس شغلها متعب الله يعينها