بنات منو رجعت اجنة مجمدة

[ام عبدالكريم]

السلام عليكم شخباركم
انا الشهر الي طاف بلشت باطفال الانابيب بس ربي ماكتب لي وجتني الدورة
الحمدللة على كل حال عسى الله يعوضني يارب
والحين مفكرة ارجع الاجنة المجمدة
منو جربت وشلون طريقة العلاج قبل الترجيع
عسى الله مايحرمني ولا يحرمك الذرية الصالحة يارب

 

[أمونة الحلوة]

بصراحه ماعندي فكره بس اللي اعرفه انه طريقه العلاج اقصر من اذا كانوا يبون يسحبون منج

وربي يرزقج الذريه الصالحه ان شا ءالله

 

[زنوبة الحلوة]

انا والله المفروض اسوي ترجيع الاجنة المجمدة

بس ليم الحين ما سويتها

وانا سامعة من الدكتورة انها تختصرلج الوقت الطويل اللي تاخذينة من قبل السحب


والله يرزقج الذرية الصالحة يارب

 

[ModaQ8]

انا سويت ترجيع اجنه بس الله ماكتب احمل ..
الله يرزق الجميع انشالله

وايد احسن طبعا من العمليه كامله .. ماكو تخدير وعمليه ولويه ..

بس انا سامعه ان الاجنة المجمده اقل جودة من الفرش وانتي تأكدي من هل موضوع بعد .

 

[ام عبدالكريم]

يعطيكم العافية ومشكورين يارب عسى الله يرزقني ويرزقكم جميعا يااااااااااااااااااااااااارب

 

[كويتيه مذهله 87]

الله يرزقج يارب هالشهر

ماعرف عنه شي الصراحه وانشالله البنات يفييدونج

بس العيب منج ولا من ريلج؟

 

[ام عبدالكريم]

لا عندي انسداد في الانابيب

 

[foozia_87]

حبيبتي ربي ياجرج بس ترجيع الاجنه اسهل وايد من العمليه فيها علاج ووادويه وبعدين علاساس ماتكون في بويضه نازله بالرحم ويردونهم وربي يرزقج بالذريه الصالحه السليمه اللهم آمين
ادعيلي وياج آمانه

 

[مبدعة]

العلاج ما راح يكون فيه ابر نفس قبل مجرد يعطونج حبوب لفترة معينه و يمكن ابره وحده بس

و لا تسمعين كلام اي احد يقول لج ان الاجنة المجمده اقل جوده بالعكس اهيا بعد ما يشيلون التجميد يرجع جنين عادي نفس اللي رجعتيهم قبل و بعد يفكون التجميد راح يشوفون كم جنين تبقى لج لان بعضهم يمكن يوقفون عن النمو

و اعرف ثنتين احملوا من اجنة مجمده وحده يابت توأم و الثانيه يابت ولد ما شاء الله تبارك الله

وعقبالج يارب تفرحينا بحملج انشالله

توكلي على الله اهم شي قبل الطبيب

 

[ام عبدالكريم]

شكرا لك مبدعة وعسى ربي يوفقك وييسر امورك يارب
وعسى الله يرزقني ويرزق اخواتي اجمعيا ياااااااارب وترزق اختي foozia_87

 

[ModaQ8]

عفوا ام عبدالكريم انتي تراجعين عند منو ؟؟ وهل زين ولا لا ؟

 

[ملح مكتت]

انا رجعتهم و النسبة في النجاح اكبر من اول مرة