بنات منو حملت بعد طلعه الاربعين تكفون جاوبوني

[فديت من يشبهني]

السلام عليكم حبيباتي
كل عام وانتم بخير وعساكم من عووواده

بنات انا توني ولدت جبت حماده عسي الله يخليه لي وقبل اسبوعين طالعه من نفاسي ولا اكلت حبوب مانع ولاشي طبعا اسمع باخت النفاس بس مايتني الحمدالله المهم بنات منووو حملت بعد الاربعين ولا يتها الدوره ؟ لاني من قبل جم يوم احس الام بظهر وارحامي جهه اليمين يعورني حييييييل وصدرى ذبحني بنغزاته وعزكم الله بولي بصبح غاااااااااااااااامج وايد، وخايفه اكون حامل
ومدري متي احلل ؟ اختي تقول بعد اسبوع حللي لان انا بحمالي كله تعبانه حيل قالت ديري بالج وحللي علشان ادير بالي عدل علي نفسي
وتري مارضع بصدري مافي شي

مدرى بنات منو فيكم صار فيها جذي
ومتي تنصحوني احلل



عسي الله يوووفقكم وووين ماكنتووووو​

 

["*آآآنؤؤؤقهـ*"]

دامج نظفتي وصار جمااااع بدون عزل
يصير حمل ،،،


وشكثر حريم احملن بالاربعييييين

 

[مألوفة]

وي ما ابي اقولج انتي يمكن حامل بس اكو حريم تقطعهم الدورة عقب الاربعين ما تييلهم انتي عشان ترتاحين حللي سوي تحليل بول على الاقل

 

[elpinkya]

وايد حملوا

الله يكتب لج الي فيه الخير ان شالله

 

[فديت من يشبهني]

جزاكم الله خير
بنات علي ردودكم بس سؤالي متي تنصحوني احلل ؟

 

[elpinkya]

بعد ١٤ يوم من الجماع يبين بالبول تكرمين و الدم

 

[raoand]

انا يااختي حملت بعد الاربعين مباشرة وصج ابتلشت مع اليهال الحمدلله عالنعمة بس والله صعبه واااايد ورا بعض
الله يكتبلج اللي في الخير

 

[والله مادري]

يعني مو ماخذه احتياطج ولا حتي ترضعين وماتبين تحملين وخايفه بعد:bbbiu:

 

[المسكـ]

حللي دم يبين بسرعه

 

[Om_Ksha]

ماااااااااااراح يبين ..

الا بعد الاربعين اب 20 يوم تقريبا .. او اكثر

 

[ام ساره 4]

انا بعد ماطلعت من الأربعين بأربع أيام نزلت علي الدوره وبعدها حملت علطول وماشفت الدوره الا بعد تسع شهور لوووووووول

 

[احب المنتدى]

ما ادري انا اكل حبوب بعد الاربعين
احس صعبه احمل بعد الاربعين

الله يكتب لج الي فيه الخير

 

[ترف بابا]

لاتنطرين اسبوع ولا شي روحي حللي دم بنص ساعه تطلع النتيجة

وسئلي في مختبرات 24 ساعه بالعيادات الخاصة

 

[فطومه !]

مثل ما قالولج بتحليل الدم على طوول يبين واكيد
الله يعينج ... انا الحين بالشهر الثاني وعمر بنتي سنه و8 شهوررر وحدي متازمه

استغفر الله والحمدلله عالنعمه​

 

[يتيمــــه]

حللي تحليل هرموني
يمكن يبين معاااج

 

[@ام يوسف@]

اذا الله اراد حتى لو تاخذين مانع بتحملين

 

[كويتيه مذهله 87]

موشرط هالاعرااض يعني حامل لان احسها كل دوره تييني
بس حللي بعد اسبوعين لان مايبين الحين اذا حامل

 

[engnera]

الله يعينج

 

[أأأميرة الورد]

الله يكتب اللي فيه الخير

 

[شنوووفه]

حبيبتي انتي ماتاخذين مانع توقعي انج تحمليين