بنات منو تعيين يديد وبتباشر دوامها عقب العيد ؟ شنو شعوركم :)

[ذكريات عشاق]

حياااتب فراي ماعليج من احد
ولا تتضايقين
ولاتنسين ارضاء الناس غاية لاتدرك
انتي سوي اللي تبين وماعليج من احد

 

[:: سمر ::]

اخت خواتها والله مادري عن التغليف الحراري بس الداتا شو يمدحون شغل LG واتوقع تلقينه بمحلهم الرئيسي الي بشويخ


ام زنوب حياتي والله كسرت خاطري هالنتفه مع هالقنقز ,, ماتشوف شر واشوا انهم عطوها الدوا الوردي الي قلت لج عنه :rerrerek:
سولفي بكل مكان خاص عام السوالف وياج ماتنمل فديتج

اييييه ديري بالج والله حاولي كثر ماتقدرين ماتسولفين عن شي يخصج لا عن ريلج ولا بنتج ولا حمولتج واهلج ولا اي شي يميزج مثل الطباخ والازياء واذا مثلا عندكم فلوس وحلال لاتقولين عندنا وعندنا ترا والله بعض الحريم اعوذ بالله خرابات بيوت
وانتي الله ستر عليج بآخر مرة بس ديري بالج وخلي الشي الي صارلج (قرصة اذن) كلما حسيتي انج بتفلتين بالحجي وياهم مسكي نفسج
احسن شي السوالف العامه ماكو احلى منها (عن المسلسلات - السوق - السينما - قضايا اجتماعية - سالفة صارت لج مع خواتج جذي يعني) اما شي فيه تفتح عيون عليج لا والله لاتقولينه وانتي مجربة الحريم بعضهم عقارب رمل الله يهديهم ويستر علينا منهم
واذا عالملابس بالمدرسة اتوقع والله العالم اكو ثغرة نقدر نستفيد منها يعني انا ما اظن انه الوزارة معممه هالقرار السخيف بدليل انه وايد مدارس عادي عندهم اللبس ,, فأتوقع حتى لو الادارة اجبرتج عالنفانيف وجذي تقدرين اتيبين شي من الوزارة ورقة ولا شغله تثبت انه لبسج محتشم وهالمنع الي مسويينه غير قانوني
اذكر قريت رد حق مدرسة مسوية جذي والناظره خافت منها وصارت ماتحاجيها لوول
بس ان شاء الله ادعي انه ادارات مدارسنا تكون عسل ومتساهله بهالامور
والله سالفة اللبس ماتسوا يسوونها لنا هاجس نفكر فيه ! بس هذول الحريم وهذي قراراتهم ماكو فايده فيهم مايتسنعون


فراي انا فاهمة الي تحسين فيه حبيبتي ,, عشان جذي انا وبنت خالتي ماشين على مبدأ وهالمبدأ ريحنا حييييل من عوار الراس
اذا شفنا شي ما عجبنا ما نروح ننقله للاهل ونشتكي لانه هالشكوى بيقلبونها علينا شلون؟
بيقعدون يسمعونا حجي يضيق الخلق مثلا يقولون انتوا تتحسسون من اي كلمة وعلبالكم الناس كلها ضدكم وكل هذا دلع بنات و و و و
فالاحسن انه مانشتكي عشان مانسمع حجي ماله معنى ولا طعم لانه بكل بساطة الناس الي نشتكيلهم ما يفهمونا اما لفارق السن او الفارق الثقافي اوحتى الفارق البيئي
فالاسلم والافضل انج تشوفين شنو ميول الي حواليج؟ هل يتقبلون يسمعون الراي المخالف؟ هل يسمعون شكوى لو اشتكيتي؟ اذا كل هذا اجابته لأ ففرغي كل شي يضايقج او كل راي تبين تقولينه بالمنتدى
عالاقل تسمعين اراء ناس وايد + ماتكبتين كل شي داخلج + ماتتعرضين حق حجي فاضي من فلان وفلنتان
ان شاء الله وضحت فكرتي حبيبتي ​

 

[fri2010]

سمووووور يا قلبي على بالج ما جربت المنتدى

بس نفس الشي محد قدر يفهمني ويحس فيني

وهذا اللي مضيق خلقي زود

ما عندي احد يقعد يجابلني يفهمني يحس فيني يعرف اهتماماتي

واذا قلت جذي يقولون كبرتو!!!

خلو الرعايه والاهتمام حق اخوانكم الصغار انتو ياما تدلعتو

وكل شي تبونه متوفر!

 

[:: سمر ::]

ياعمري والله مادري شلون اساعدج
ماكو شي يسوا الزعل انتي توج صغيره ومقبله على حياة (وعمل) ووضع يديد
استقبلي وضعج اليديد بإيجابية عشان تحبينه وترتاحين فيه
اذا بدا الدوام والشغل راح تلهين عن مشاكل الناس الي حواليج صدقيني
​

 

[fri2010]

عارفه ومن جذي متمسكه بالوظيفه ومتحمسه

والله كريم ان شاء الله

 

[:: سمر ::]

عارفه ومن جذي متمسكه بالوظيفه ومتحمسه

والله كريم ان شاء الله

يالله هانت حبيبتي مابقى شي عالدوامات

 

[بنات حواء2]

فراي هونيها و تهون حبيبتي واي شي محتاجته قوليه و انشالله بنحاول نفهمج و نعطيج راينه حبيبتي و لاتضيقين خلقج

سموره
الحمدلله اليوم زنوب احسن و الحبوب بدت تخف
اي و الله صاجه كلامج عين العقل و انشالله اتغير يارب الله يسمع منج
بنسبه للبنطرون اي ماراح نقعد راحه لين ناخذ الي نبيه و الله يسهل يارب
واذا عنفانيف ماحبهم احس لمن البسهم جني وحده من الجنسيات مابي اقول >>>>>>>> جنكم ماعرفتوهم
خخخخخخخخخخخخخخخخخخخخخخخخخ
يانيننهم يا يينونه واحد من الاثنين
اي و الله سوالفج ماتنمل و افتقدج يوم الي ما اسولف وياج

 

[اخت اخوانها]

بنات عااادي الضيقة او التوتر اللي صاير فينا لأننا مقبلين ع حياة جديييييدة كلياً
1- لأنها غييييييييير حياة الجامعة >>> الجامعه عاادي تكتفين برفيجتين او ثلاث وباجي خلق الله عاااادي منتي ملزووومه فيهم بس بعدين بالقسم مو مشكلة ترتاحين حق وحدة ثنتين وحتى لو انهم صج حبووووبين وعسل بس مايمنع ان تكون علاقتج زينة بالباجي >>> بضرب لكم مثل الحين هالوحدة اللي ارتحتي لها مثلاً عندها خلافات مع وحدة من اللي بالقسم وزعلاااااانين مايتحاجون مااقول والله عشان فلانة ماابي اكلم علانة لا مااايصير ماتدرين خلافاتهم ع اي اساس ومنو اللي صج غلطانة
2- انا اصعععععععب لحظة بتمر علي اول ماتدخلني المدرسة الأولى للقسم احس شعور موووشئ جنهم بيتمقلون بوحدة بيخطبونها
ويعني ع مانتعود عليهم






وبعديييين لما تعدي الايام والله بنضحك ع انفسنا شلووون خابين عمرنا ومتوترين


وياااااارب كلنا يحطونا بأحسن مدرسة ادارة / قسم / طالبات
يااااااارب

 

[بنات حواء2]

اخت خوانها كلامج في محله انا وياج
بس بنسبه للحظت الروحه للقسم لا تحاتين حبيبتي بالعكس خليج بشوشه و تفتئلي و خليهم ياخذون فكره عنج انج حبوبه
بس لي شفتي الوضع مو ذاك الزود
تحاشيهم

 

[ذكريات عشاق]

بناااااااااااااااااااااااااااااات البشااااارة
اليوم الوزارة دزولي ممسسج عشان اروح اراجعهم واروح للمنطقة
اخخخخخخخخخخخخخخيرا وي كنت احااااتي

 

[اخت اخوانها]

كلللللللللوووووووووش والله ودي تسمعين يبابي


الف الف الف مبروووووك ياااارب ثانوي مثل ماقالولج



وااااي والله استاااااانست ... اموااااااه

 

[ذكريات عشاق]

ياااححياتتي
اي والله من صجج وححيياتج من 10 وانا قاعده من شفت المسسج طار النووم
الحمدلله اي والله انشالله ثانيو يااارب

 

[اخت اخوانها]

ام زنوب :- لاتحاتين انا الحمدلله طريقتي بشوووشه واحب الضحك والفرفشة مااحب الزعل واللي يشيلون بقلوبهم


اكيد بكون بشوشه بس اول ماتدخلين وتقول اعرفكم هذي ابله فلانه تعيين جديد ويرحبون فيج تقعدين >> شكلنا يكسر الخاطر




اللي يحبني يدعي يحطوني بالمدرسة اللي ابيييبها

 

[ذكريات عشاق]

يااااااااااااااااااااااااااااااااااااااااااااااااااااااااااااااااااااااااااااااااااااارب
\يحطوننننج بالمكان اللي تبيينه ياااارب

 

[اخت اخوانها]

يااااااارب يااااحبيبي وانا صايمه انك تعطي ذكريات حبيبتي اضعاااااااااف ماتتمنى وان تقول لامنياتها كوووووني فتكووووون


يااااارب يحطونج ثانوي وبأحسن مدرسه بمنطقتكم واقرب وحدة بعد لبيتكم

 

[ذكريات عشاق]

انشالله الله يسمع مننج وانتي بعد والله ادعيلج من كل قلبي
والحمدلله الحين كلنا ارتحنا من المحاتاة والتفكير باقي بس المدرسة
والله انشالله يوقفناااا ونطيح بادارات وقساام زينة

 

[اخت اخوانها]

الله كريييييم يالغالية ،،،

 

[بنات حواء2]

ذكرياااااااااات
الف الف مبروك والله قاعده احاتيج اقول ليش مادقوا
يالله الحمدلله


اخت خوانها
ذبحتيني من الضحك على يكسر الخاطر
ههههههههههه
لا لا مانكسر الخاطر بعد شهر نصير مثلهم و يمكن اخس منهم
خخخخخخخخخخخخخخخخخ

 

[بنات حواء2]

انا ليلحين قلبي يطبخ ابي اعرف اي مرحله بس
مو الا المدرسه بس بعرف وين اي مرحله
استغفر الله
حدي مأيسه من هسالفه

 

[ذكريات عشاق]

الله يبارك فيج حبيبتي اي والله انشل مخي من المحاتاة