بنات منو تعيين يديد وبتباشر دوامها عقب العيد ؟ شنو شعوركم :)

[بنات حواء2]

سمر تروحين و تردين بسلامه يراب

 

[ذكريات عشاق]

بنات حاء بمجمع منيرة اللي بالسالمية في محلات يبيعون جناط تقليد درجه اولى واسعارهم من 60 و70 وطالع وشي حححلو ومرتب
رووحي شوفي وايد حححححلوووويييييين

 

[fri2010]

بنت حواء المحل اللي قلته حق سمر حلوووين الجناط عنده ومثل ما قلتي رسميه ويابسه

 

[fri2010]

امس رحت جيان بمجمع 360

شفت داتا شو فيه على 94 ، 137 ،73

بس مشكلته ماركه acer ووايد ناس ما يمدحونه

يقولون احسن شي ماركه lg بمكتبة جرير على 140

وعمتي تقول انها طالبه واحد من امريكا وايد واضح وحجمه صغير ب60 دينار ويوصل خلال اسبوع بس

واشوف إن ابلات الاجتماعيات راح يحتاجونه



لاني مو بالعه سالفه الشفيفه والبروجكتر بصراحه

هذي سوالف اقلام ما اقلام اكيد بنحتاجها في اقلام لوحه مع مساحتها ومعطر السبوره



بس ما ادري أي نوعيه احسن شي





هذي ملفات نحتاجها واعتقد حتى الملف اللي على جنطه بنحتاجه حق الاوراق



وهذا الاي فور احجام وايد



ووسايل بعد



وشفت هالجهاز ما ادري هذا جهاز تغليف حراري أو لا




وايشرايكم بهذي الادراج والا مو عمليه



ادوات المكتب والله تحتارين كل واحد فيهم في ميزه

 

[jen2n]

مشكورةة سمر على الموضوع الحلووو ،،،شعوري اكيد فرحانه وبين خايفه ان ما يحطوني بمدرسه زينه وبنفس الوقت احاتي ان تكون المدرسه بعيده علي وايد وتعرفين سوالف الزحمه واللويه ،، بس متفائله وان شاء الله خير ،،، عجبني فراااي الاشياء اللي صورتيها يبي لنا روحه اهناك ،،انا ما احس اني راح استفيد من داتا شو شي ! خاصه بعد ما شفت كتاب المقرر بموقع الوزاره

 

[fri2010]

بالعكس جنووون كان الزواوي يعرض لنا حقائق الدرس على الداتا شو

كانت حلوه محاضراته بهالطريقه

 

[ذكريات عشاق]

اي فراي بس طريقة التدريس بالمدرسة تختلف عن الجامعه
بالمدرسة لازم تستخدمين الصبورة وتكتبين وتشرحين عليها
عشان لبنات يفهمون عكس الجامعه
فعشان جذي اقولج ان الداتا شو مو مهم وخاصة اذا الصف ماكان فيه
اعتمدي على الخرايط والشفايفيات واجهزة العرض بتسهل عليج وماراح تاخذ منج وقت وكل شي بيكون متوفر بالمدرسة
واذا على الصور فانتي شوفي الدرس يحتاج صور تقديرين اطلعين الصور من اللاب وتطبعينهم
وتغلفينهم تغلقف حراري عشان لا يختربون ويظلون معاج

 

[fri2010]

بس بطاطا تقول ترا مهم هالشي وينحسب لي بالتقرير

والبنات يستانسون على تقنيه يديده احسن من الروتين

وانا بستخدمه لما يكون الدرس يبيله هالشي مو كل يوم

انا راح اشتري الجهاز ما راح اعتمد على مال المدرسه

لا الشفيفه والبروجكتر مو حلو لازم توضحين وتعدلين وتحجزين الجهاز ويصير مخامط عليه

لا شحقا العباله بس الخرايط على قولت بطاطا لا تشترين اخذي من مخزن القسم

التغليف الحراري اكيد احتاجه بس ما ادري اشلون شكله الجهاز اللي صورته اهوا والا غير!

 

[ذكريات عشاق]

امممممم والله مادري ننطر ونشوف التوجيه
بخصوص اله التغليف الحراري انا بعد مو عارفة شكلها ولا اي اححسسسن نوع

 

[fri2010]

ولا انا والله

اختي تقول سوي البطاقات ساده

ولما تدخلين الحصه كتبي عليهم بقلم السبوره

من غير ما اطبع الكلمات بالكمبيوتر

 

[ابلة غزالة]

بصراحه الداتا شو صار لا بد منه و يوفر عليج جهد كبير من شيله الوسائل
غير جذي الطلبه يحبونه و مثلا عندنا بالعلوم نستفيد منه بعرض افلام تخص الدرس من غير لويه التلفزون الصغير المو واضح و الديفيدي الي رموته ضايع
و بالنسبه للسبوره بالعكس انا اشوف ابلات الاجتماعيات الي عندنا يستخدمونه بطريقه عجيبه
اتوجه الداتا شو على السبوره و تعرض خريطه الكويت و تسال مثلا عن حقول النفط و بعدها تطلع مواقع النفط بايقونات تلمع او ملونه بلون ثاني او ايقونه برج نفط طالع منه دخان يتحرك بصراحه يجذب الطلبه وايد
الشي الثاني عندي من البنود الي اقيم فيها معلماتي لما احضر زياره عندهم هو استخدام التشويق بالحصه و استخدام مستجدات حديثه وبصراحه اتسانس لما اشوف المعلمة تستخدمه و في معلمات يحطون اسئله التطبيق للدرس و تطلب من الطلبه يحلونها من الكمبيوتر فتلقين الطلبه يتحمسون على الحل
فانا انصح ابلات الابتدائي باستخدامه و في مدارس وايد موفرته انا بصراحه شريت داتا شو من ميزانيه القسم و ركبته ثابت بمختبر العلوم و انشالله لي نيه اشتري الثاني السنه اليايه و اركبه في المختبر الثاني بشكل ثابت بناء على رغبت ابلات القسم *

 

[fri2010]

ابله غزاله الحين في داتا شو من غير ما تعلقينه فوق

ولا توصلينه بلاب

اسمه داتا شو بروجكتر وحجمه صغير وواضح وتقدرين تشغلينه من غير ما تسكرين الليت

بس توصلينه بفلاش ميموري

 

[:: سمر ::]

fri2010 والله شكلي بمر العربيد والحمرا مول عالاسبوع الياي صار عندي فضووووووول اشوف ماركة الجناط ويعطيج العااااافية عالتصوير ماقصرتي حبيبتي :rerrerek: وشفتي ورق الـ A4 الي انتي مصورته؟ ترا هذا الكوالتي مالته قوية كنت استخدمه حق بحوثي ايام الجامعه وايد دكاترة قالولي نمييز بحوثج من نوع الورق الي تستخدمينه وايد قوي


بنات حواء هلا حبيبتي ام زوزو شلونج شوفي يا تروحين المحل الي قالت عنه فراي ,, ولا تشوفين الي قالت عنه ذكريات ,, ولا شوفي جناط مايكل كروس وايد حلوين في محل Tags بالافنيوز ,, وهمن مفي حل ثاني تابع للاسطورة نسيت شسمه بالافنيوز بـ Phase 2 جناطة وايد ناعمين وذربين ,, ولا شوفي روكو بروكو هم يشوقون ,, وهمن عندج جناط bebe بـ 360 حيل كلاس وناعمين ,, ولا اذا تبين شي سعره زين وراقي شوفي جناط ميلانو وايد حلوين واسعارهم معقولة :rerrerek:


jen2n حبيبة قلبي تفائلي وان شاء الله خير ويحطونج بمدرسة ادارتها عسل والمدرسات كلهم على قلب والبنات هادين ترا ماكو شي بعيد عن الله سبحانه بس انتي كثفي الدعاء بهالشهر الفضيل وان شاء الله ماتشوفين الا كل خير وعافية :eh_s(7):​

 

[:: سمر ::]

حياج الله ابلة غزالة توني اشوف ردج ​

 

[fri2010]

صج والله سمر يعني تنصحيني فيهم ترا اسعار الاوراق مو غاليه دينار و100 الحجم اللي نستخدمه حق البحوث

بس دام انج جامعيه ليش ما صرتي مدرسه ليش اخترتي اداره في المدارس؟

وشوفي المحل ان شاء الله يعجبج انا لو ما شاريه شكثر اشياء جان شريت

بس بخلي باقي الفلوس حق المدرسه

ولما ينزل لي اول معاش اروح اشتري منه

 

[:: سمر ::]

اي والله فراي الاوراق متان وبيض حيييييييييل مادري شلون اوصفهم لج حيل حلوين موخفاف لأ تحسين فيهم متن الكوالتي مالهم شي
انتي اشتري قروب واحد وجربية ان شاء الله اييوز لج ​

صج انا جامعية بس سالفتي سالفة شوفي مابي اقولها بالتفصيل في ناس من اهلي بالمنتدى مابيهم يعرفوني
بس المختصر ياطويلة العمر انه تخصصي مومرغوب ولما تخصصت انا وغيري بهالتخصص الخايس محد قالنا انه تخصصكم كحيان ومومرغوب بالسوق ومحد قالنا انه ماله تصنيف بالوزارات وديوان الخدمة
تخرجنا ومالنا مسميات بالديوان ولا لنا درجة ولا شي (اركنوا اسامينا عالرف) مالنا اي تصنيف متخيله ! حتى مدرسة مايبوني اصير مع انه فيه نقص مدرسات بس يقولون تخصصي ماله تصنيف بالوزارات
عشان جذي شغلنا واسطة مني مناك عشان امسك وظيفة عالأقل بدال نقعتي بالبيت صارلي دهر متخرجة وناقعه لاشغلة ولا مشغلة تحت رحمة هالديوان ! لاوظيفة ولا راتب ولا شي
الحمدالله على كل حال توفقت عقب المدابج والركضة قالولي صعب نحطج مدرسة بس بنخليج ادارية ,, نعمه عالاقل وظيفة وراتب​

وعلى فكرة ترا انا الحمدالله توظفت ورفيجاتي مساكين ليلحين يطاحسون عالوظيفة حتى الخاص مايبونهم
حسبي الله على الي قص علينا بهالتخصص وقالنا مستقبلكم فيه كبير ودرنا الله يودره استغفر الله

والمحل مال الجناط ان شاء الله الاسبوع الياي اذا الله كتب اروح له واشوفه ​

 

[fri2010]

عيل خلاص بروح اشتري منهم ومن وين يبيعونهم غير هالمكان؟

مالي خلق زحمه امس بصراحه غصب لقيت موقف

والله جني عرفت تخصصج

بس والله معاناه يبطون جبدي اللي يحطون تخصصات مالها وظيفه

جذي صاير ويا بنت خالتي

وماكو واسطه ما سوتها ولا صار شي

بس الحمدالله انج توظفتي واهم شي القناعه

وسوري على الفضول

 

[:: سمر ::]

بالعكس حبيبتي لاتتأسفين ترا كللش ماتضايقت من سؤالج وصدقيني والله لما اشتكيت لج حسيت ارتحت شوي لاني حدي منقمته من الي صار والله جد حرام عليهم ندرس ونطاحس بهالبحوث وبهالمواد وحالتنا حالة تالي مالنا شي !! نقعد ببيوتنا !!​

ومسكينه بنت خالتج عسى الله يفتحها بويها مثل ما انفتحت لي وان شاء الله تلقالها واسطة قوية تدبرها بأي وظيفه ,, حيل حاسة بمعاناتها الله يعينها​

وعلى قولتج القناعة زينه وانا وصلت حق مرحلة خلااااااص ابي اي وظيفة راضية بأي شي ولا اني انحكر بالبيت جذي لاراتب ولاعماة عين !​

اي الاوراق هذي اظن اظن اني شاريتهم من مكتبة العديلية مو ذاكرة
بس اغلب الظن انهم بالعديلية​

اي والله ما الومج اذا كرهتي روحج امس لووووووووول جيان و 360 زححححححمة امة محمد كلها هناك والروح عالروح

​

 

[fri2010]

اي والله معاج حق كل هالتعب واللويه وبالتالي ماكو وظيفه

والمصيبه اذا كنتي جامعيه وشهادتج بكالريوس ومو معترفين بتخصصج

وحق اللي ايبون شهادتهم من برا ويبونها بفلوس او يدامون خميس ويمعه ويوظفونهم

صج قهر

ان شاء الله يارب

ايه والله الحمدالله على كل شي

ايييه العديليه اشوا من زحمه 360 لووول ايه والله صاجه

 

[:: سمر ::]

اخييييييييييه يافرااااي لاتقلبين المواجع الديرة ماشية بالمقلوووب
يامعودة زييييين صفيت على هالوظيفة والله طرت من الوناسة يوم تعيينت ,, صج انها موطموحي بس الحمدالله على كل حال شي احسن من ولا شي
يالله اذا رحتي الدبوس تشوفينلج عبي بشرينا موتنسين ​