بنات منو تعيين يديد وبتباشر دوامها عقب العيد ؟ شنو شعوركم :)

[fri2010]

حده حده احباط وكله مو عاجبهم ترا والله احسن من غيرنا الواحد بس خلي يكون عنده شويه قناعه

وكل شوي يقولون لما تجربون راح تعرفون الظاهر ان بس يبون معاش من غير تعب

تصدقين ذكريات انا نفسج اهلي كله يحنون علي روحي ابتدائي اقول ابتدائي ما يعطونهم تاريخ

بس يعطون اجتماعيات

ويردون والتاريخ مو من الاجتماعيات يعني!

صعب تقنعينهم لما اشوا التوجيه حطني بالثانويه من غير ما يخيروني وارتحت

 

[ذكريات عشاق]

البرونزي الحلو والله ماك ححيل حلو


هلانوع هذا وايد حححلو وما يحتاج تضطينه كل شوي

 

[:: سمر ::]

fri2010 حبيبتي خلاص دام هذا ستايلج لا تحاتين ما اتوقع الادارة بيحاجونج مالهم حجه
لاهو قصير ولا ضيج بالعكس طويل وواسع :eh_s(15): عاد اوووول ماتباشرين نبيج تبشرينا بوضعج مع الادارة والبنات داخل المدرسه نبي نتطمن عليج :ggdw:تبين شي برونزي وحلو وفيه لمعه روحي شوفي من بوبي براون وايد عندهم سوالف حلوه من هالطقه وحتى الي حطته لج ذكريات يهبل ,, بس انا استخدم المطفي مو ابو لمعه ​

ذكريات لوووووووول الظاهر مالي الا الدبوس اي والله صاجه كل العبي صايرين دفاشه مادري ليش الوان وستراس وخبه
بالنسبه للمكياج انا اقولج اختي وامي جربوا كريم اساس ميك اب فور ايفر HD ولبق لهم حييييل ماشاءاالله ,, وانا كلش ماطاح على ويهي ,, الي يازلي diorskin forever
واهم شي الحمايه لاتنسينها مع شمسنا الي ماترحم ​

وبالنسبه للاحباط على قولتكم بنات الكل يتحلطم ويتذمر حتى لما تعينت الكل قالي ويييييه ياج الشقى
ليش هالاحباط انا طرت من الوناسه والي حوالي يعزوني !
ياساتر مايخلونا نستانس بتعيينا ونتفائل خير :eh_s(1):​

 

[ذكريات عشاق]

هههههه اي والله حتى على التعيين ما خلونا نستانس
والله مادري شيبون

اي والله انا دايما استخدم ماكس فاكتر للجامعه وكان ححلو ححيل والله حتى بوقت الحر والشمس بس ودي اغير مليت
اما بخصوص الشمس الحرقه
انا حدي بستخدم حماية ما صدقت لوني يرد من قعده البيت
والله قبل الشمس لاعبه دور فينا عدل

 

[fri2010]

انا شفت وحده من اهلنا كانت قاعده تحط بويها بالزواره كان لونه فضي مثل طريقه معجون واستحيت اقول لها شنو ماركته لوول

بس والله خل اجرب اللي قلتو عليه

افا عليج سمر انا ناويه اسوي تجمع خاص حق ابلات الاجتماعيات مرحله الثانويه كل اخباري بتلقونها اهناك لووول

ومعاج حق دايما الاحباط اصلا الكل مو مرتاح بوظيفته لان ماكو قناعه

 

[ذكريات عشاق]

لايكون هذا اللي تقصدينه

حق لوكات برونز كريم اساس بلي ستيك من بينيفت اينن صفاء لمعه تحسين ويهج زبده

 

[ذكريات عشاق]

http://www.q8yat.com/t416580.html

هذا رابط الموضوع

 

[:: سمر ::]

ذكريات الله يثبتج على لونج لووول حتى انا اصابع ايدي صاروا حكوكه من الشمس الله لايوريج ايييييي ماكس فاكتور ( لاستنغ بيرفورمنس بالذات ) حييييييل روعه وحتى بودرتهم الذهبيه خياااال و natural
امممم جربي كريم اساس من شانيل ,, كريماتهم كلها طبيعيه وحلوة حق الصبح مومثل ملوت ايستي لودور ثقال ,, جربي الكومباكت الكريمي مال شانل طبيعي حييييل وذرب ​

fri2010 وناسة بتفتحين تجمع؟ ناطرين تجمعج شوقتيني وترا برز فيسي وياكم بالتجمع مع اني اداريه بس اللقافه وماتسوي اي صج تذكرت اذا تبين برونزرز بلمعه شوفي شغل بنفت (بالذات الي حاطته ذكريات بنت خالتي تمدحه وتحبه) وسماش بوكس بسيفورا وايد حلوين انتي تبينه على بودر ولا سائل؟​

 

[fri2010]

والله ناسيه شلون كان شكله بس حسافه لو قايلت لكم من قبل جان رحت شريت منه

والمشكله اللي كانت تحطه - تحطه على ويها وتوري الناس وتخشه بعدين !

بس دام عرفت الماركه بروح اشوفه ان شاء الله

بنات بغيت اقول لكم شي بس مو تضحكون لووول

راح تاخذون عيادي هههههههه

 

[ذكريات عشاق]

هههههههههههههههههه
شخخخباري من زمان مو ماخذه

اي سمر ماكس فاكتر البودرة الذهبية خخخيال والله

 

[fri2010]

ايه سمر ان شاء الله بفتحه بعد دورة المعلمين

وعادي حبيبتي نعين ونعاون حياج الله

الحين تحسفت تصدقون لاني ما استفسرت عن احد عنه

 

[fri2010]

احنا عندنا العاده اللي ما تزوجت او ما اشتغلت تاخذ لووول

 

[ذكريات عشاق]

لووول يعني هذا اخر عيد لج تاخذين عيديه

هههههههههههههههههههه

 

[fri2010]

ما يندرا عنهم

اول ما نزل اسمي بالجريده الكل دز حق ابوي اسم بنتك نزل

الحين على بالهم اشتغلت ونزل لي المعاش ههههههههه

عاد بعيد الاضحى يعني لازم اوزع لووول

ايه تذكرت شريت من ماركه ماكس فكتر شكثر كريم اساس وبودره وصج جنا طبيعي

وكان اهناك رخيص عندهم ما يوصل دينار

 

[:: سمر ::]

ياحلوكم بنات والله نورتوا الموضوع فديتكم :eh_s(7):​

ههههههه شالطاري هالسؤال fri2010 ذكرتيني بالذي مضى خخخخخخ
والله انا مثل ذكريات من سنين الطواعين موماخذه عيادي
امي وابوي الله يطول بعمرهم اهما الي ليلحين معتبريني اغو دادا ويحولون لي جم بيزه بحسابي فالعيد ان شاء الله ماتنقطع هالعاده ​

 

[ذكريات عشاق]

ههههههههه
انا بعد على طول عبالهم اشتغلت ما يدرون انها كانت لوية وللحين ماخذينا المباشرة

اي اي ماكس فاكتر ححلو

وترى يمدحون حمرات ماك انا ماجربتها بصراحه بي يقولون حححلوة

 

[:: سمر ::]

اي ماكس فاكتور احلى ماركة عملية للدوام
طبعية ورخيصة وذربة
​

 

[:: سمر ::]

ذكريات حمرات ماك حلوة حيل انا مجربة وايد منهم بس يصلخون اذا بتشترين مجموعه ​

 

[fri2010]

منور بوجودج سمر

لان كل سنه يعطوني عيديه هههههههههه وهالمره ما يندرا عنهم حدي مفلسه لووووووووول

عسى الله يخليهم لج يارب

احب الحمر الفاتحه اللي تكون وردي على لحمي فاتح ما احب الغوامج

 

[fri2010]

في بنات محل بالافنيو يبيع قلوسات طبيعيه على نكهات وايد حلوين ناسيه اسم المحل بس يكون جبال كارفور جنا