بنات منو تعرف دكتور لعلاج المعده

[النويره]

اشلونكم بنات منو تعرف دكتولر لعلاج المعده الحاله جدا صعبه ونسال الله العافيه للجميع

 

[coffee]

النويره سلامات ..

الدكتور الشمالي وتلقين رقمه بموضوع مثبت فوق

 

[noty]

يمدحون د.سامي امان و د.الشمالي

وماتشوفون شر يارب

 

[مستقبلي احلى]

سامي امان واياد الرويح عند صالون لافينوس

 

[جنتي^و^ناري]

محمد الشمالي ممتاز وعيادته خابره بالجابرية

 

[حبيبته آنا]

فهد المخيزيم و الفضلي

 

[jaggy-cat]

دكتور اياد الرويح ممتاز وخبرة عيادة في مجمع الخليج على شارع البلاجات

 

[عسسسل]

ماتشوفين شر اياد الرويح وسامي امان جدا ممتازين

 

[النويره]

جربت سامي امان ما استفدت مشكورين يا بعد عمري انتوا علي تجاوبكم والله لا يبلي اي احد اللهم امين وانا بشوف واجرب الباجي اللي قلتهم الدكاتره اما الحكومه اشبعوا من ويهي ما استفدت ولا بربع علاج

 

[*دبدوووبه*]

حبيبة انا
قصدج الاستشاري الدكتور خالد المخيزيم
دكتور فهد المخيزيم اخوه واهوا متخصص بالاطفال

والله دكتور خالد المخيزيم والنعم فيه
استشاري شاطر وله سمعته الطيبه

 

[lulucaty]

انا مع الاخت دبدوبه
الظاهر قلبى على قلبها
دكتور خالد المخيزيم والنعم فى
روحى وجربيه ودعيلى
واذا تبين حكومه وليد العازمى
شطار لو اقولج حالتى شنو كانت ماتصدقين
روحى عند خالد عنده عياده بالجابريه يم ماكدونالد بجانب صيدليه اللمى فوق دور الثانى
ودكتور وليد دوامه الاحد والاربعاء باميرى وماعنده عياده واى شى تبين دزيلى عالخاص
انا حاضر

 

[بطاطا مهروسه]

الاستشاري خالد المخيزيم وايد زين
وفي بعد دكتور احمد الفضاله اتوقع اسمه
والله يشافيج يارب

 

[lulucaty]

سلام شن صار معاج حبيبتى طمنينا على صحتج

 

[ام الحلويين]

ياقلبي الصراحه ماعرف دكتور حق المعده .. بس عندي علاج شعبي

في وحده صديقتي مسكينه سنين وهي تعاني من التهاب بمعدتها وقرحه وبلاوي

وتراجع هالدكاتره ماكو فايده تقول الله اكل مثل الناس مااكل وعوار تموت منه
لين نصحتها وحده بعلاج بعدها راجعت الدكتور سوالها منظار انصدم قال مو انتي اللي تجيني كل مره !! قالت والله انا قال معدتج شلون صارت جذي سبحان الله تحسنت حيييييييل يقول مافي التهاب ولاشي وبعدها حملت وكاهي ماشاء الله عليها جنها البخت

العلاج جربيه ياقلبي مدة اربعين يوم قبل الريوق والغدا والعشا قفشه وحده طبعا
اهي كانت تحطه مع تمر عان طعمه مرر

اهو شوفي تعرفين بالدجاج يجي كيس فيه جبد الدجاجه ومادري شنو في العصاره الصفرا مالتها عرفتيها حوسي بالكيس وتلاقينها هههههه

المهم اخذيها وخليها تنشف وعقب دقيها لايبست واخلطيها مع قشور رمان مطحون
واخذي كل يوم قفشه مثل ماقلت لج فووووق ...جربي ياقلبي والله مجربه عوار المعده يذبببببببببح الله يعينج ويشفيج ويشفي كل مريض

 

[ام الحلويين]

lulucaty اتهببببببل الصوره اللي حاطتها بس عفيه صغيرها شوي الصفحه صارت اشكبرها ههههه

 

[جان زين]

اوف عاد صج كل شي ولا المعدة,انزين مافي دكتورة زينة؟؟

 

[lulucaty]

هلا ام الحلوين
ما اعرف اصغر الصوره
عجبتج هذا شغلى