بنات منو تطمني عن كيس على المبيض

[الشهدوالدموع]

حبييييبتي مشكورة بس انا في تكيس من زمااان والحين الكيس على المبيض طلع مرة وحده واعتقد مثل ماااتقوليين متنت فجاه ولازم انزل وزني والشهر اللي طاااف كلش مااصار جمااع يمكن يعد سبب من الاسباااب اما بالنسبة لزوجي فسوينا تحالييل كانت نورمال وهو مااايدخن وانتي هي مشكلتنا مو صعبه بس النفسية تلعب دوووووووور جدا وريلج امره انشالله هين صدقييني وانشالله يصير كل خير لج ولي ويرزقنا مع بعض

 

[um-naser]

عسى الله يرزقكم ويرزق كل محروم
حبييبتي أنا كان عندي تكيس (التكيس يصير داخل المبيض يعني البويضه تكبر شويه وتظل مكانها ماتطلع من المبيض واذا صار كم بويضه بهالطريقة دخل المبيض يسمونه تكيس أو تحوصل)
أما الكيس الي على المبيض يتكون من ماء أودم مرات يكبر و مع الدورة يختفي
في الحالتين ما يأثر على الحمل أنا كان فيني تكيس دكتور محمود الأسطل قالي لازم نسويلج عملية رحت حق عاليه الفضلي قالتلي ما تحتاجين عمليه بس تحتاجين علاج -كلوميد وفعلا حملت من أول شهر عندها بس الله ما كتب
لي --صار اجهاض لظروف الحج وقتها-
المهم الحمدلله الله رزقني بعدها بدون علاج ف بنت وبعدها بثلاث سنين بنتين
توأم عسى الله يرزقكم البنات والبنين انشاءالله
وأختي كان فيها كيس على المبيض وهي حامل وكان موجود من قبل الحمال فيها وبعدها يابت ولد ثاني الحمد لله بدون مشاكل
آسفه إني طولت عليكم
الخلاصه اللي أعرفه ان الكيس أو التكيس ما يأثرون على الحمال ولكن العلاج يأثر على الكيس وممكن يسوي تضخم حق المبيض

 

[moon_wisper]

حبيبتي ترى التكيس وايد هين انا كنت اعالج بخاص و خرعتني الدكتوره قالتلي بسويلج عملية كي للتكيسات بس سبحان الله نزلو مع الدوره و ماكو شي الحمدلله
لا تخترعين و راجعي بالحكومه عشان اتاكدين. ادري ان الحكومه حبالهم طويله بس عالاقل ما يلعبون فيج عشان الفلوس و لا الشهره موفقه حبوبه الله يرزقج و يرزقنا بالذريه الصالحه

 

[memy]

الكيس غير التكيس !
الكيس له علاج اما التكيس ماله علاج غير ان الوحده تحاول ماتتن علشان مايزيد]

 

[الشهدوالدموع]

يعطيييكم العااااااااافية حباااايبي ماقصروتوا والله يشفيني من الكيس والتكيييييييس والله كريييييييييم

 

[love love]

زياده على كلام البنات والعلاج

اقري سورة البقرة وحطي ايدج على بطنج مع المعوذات واستمري عليه وروحي الشهر الياي انشالله ماكو تكيس

 

[ألوي الكويت]

عادي لا تخافين

انا وايد طلعلي اكياس علي المبيض اذا كان حجمهم صغير يعطونك ادويه ويرووح

واذا كان الحجم كبير يشفطون الكيس ويرووح

لا تحاتين عادي هذا يصير من الكلوميد