العقيلة منطقة حلوة بس كان ممكن تكون أحلى وأحسن لو كان الاهتمام أكثر من الحكومة، فعلى سبيل المثال
1) الى الآن ما بنوا ولا مدرسة ونضطر نودي عيالنا المناطق القريبة وتعالوا شوفوا الزحمة في المدارس والصفوف.
2) المفترض كل قطعة يكون فيها حديقة حسب مخطط الوزارة، لكن ما في شي على أرض الواقع وبعض الأراضي المخصصة للحدايق ياخذها بعض المواطنين بطريقة وضع اليد وتكبير حديقة البيت واخذ المنطقة المحيطة بالكامل
3) لا يوجد ممشى لهواة المشي وخصوصا أن احنا مقبلين على فترة الشتاء والربيع اللي يكون فيها الجو حلو.
4) لو تلاحظون الشوارع بالرغم انها يديدة لكن بعضها بدا يتآكل بسبب الماء وغسيل السيارات ( ما أدري شكنا نسوي لو كان ينزل المطر على طول) وتخطيط الشوارع صار لونه باهت كأنه من سنة يدي.
5) بالنسبة للفرع آنا موافقة الأخت أن الفرع صغير وايد وكان الأفضل يكون أكبر ويكون فيه محلات اضافية الناس تستفيد منها.
آنا من رايي انه لازم يكون في أحد يدافع عن حقوق المنطقة ، شوفوا رياييلكم لو أحد يقدر يقوم بالشغلة أو احنا الحريم نطالب:lkmnkl:
