بنات ممكن رقم صالون الشرقية و رقم لافندر سبا اللي بالبيرق

[خاطر مذبوح]

السلام عليكم

ممكن تفيدوني بأرقامهم ؟؟ عرسي بعد جم يوم ما يمدي

و يزاكم الله خيـــر

 

[الأميرة جوري]

لرفع:eh_s(17):

 

[لآ بيرلآ]

حبيبتي هذا رقم لافندر سبا

23824130

توني مسوية حمام مغربي امس .. روعة الصراحة .. سوت لي وحدة هندية اسمها انجو ..
شغلها وااايد حلو

و عندها 4 مادري 5 برامج للعرايس اسبوع و اسبوعين ..

اذا تبين انقلهم لج لان الاوراق عندي او تدقين عليهم اللي يريحج .. بلغيني و موفقة :eh_s(7):

 

[خاطر مذبوح]

بعد عمري والله ما قصرتي صراحة

ياليت والله اذا عندج فكرة

دقيت عليهم ابي اسأل جنها اللي كلمتني مستعيله وماقاعدة تقولي بشكل واضح

قلت خل اصكره ابرك لووول


مفكرة اسوي حمام مغربي قبل الحفله بيوم وبعدها بسوي ريلاكس
ومادري شنو عندهم شغلات بعد تصلح حق عروس ؟؟؟

شنو تنصحوني فيه انا اخترته لان قريب على بيتنا حيل

 

[مس خقق]

رد : بنات ممكن رقم صالون الشرقية و رقم لافندر سبا اللي بالبيرق

يابنات ابي اسئلكم صالون الشرقيه افضضل من m&a
للبرنامج العروس ولا الشرقيه افضل منه محتااره فااتمنى تفيدوني لاني ماعممري جربتهم الاثنين


وموفقةةة خاطر مذبووح :$
:eh_s(7):

 

[بسموهـ]

رد : بنات ممكن رقم صالون الشرقية و رقم لافندر سبا اللي بالبيرق

وين صالون الشرقية ؟؟؟

يلليت تفيدون ويزاكم الله خير

 

[خاطر مذبوح]

مشكورين ع المرور

انا ما جربت الشرقية جربت حمام المغربي صالون إم إي يتني فلبينيه لي البيت اسمها فيفيان طلعت مني بلاوي اول مرة وثاني مره خف
وايد زينه بالتفريك تفرك من قلب بس اذا طلعت لج هنديه البيت هذي كلش خواره

 

[!@ الـزيـــن @!]

رد : بنات ممكن رقم صالون الشرقية و رقم لافندر سبا اللي بالبيرق

اب


اب

 

[لآ بيرلآ]

حبيبتي بس عطيني ربع ساعه جذي و انقله لج و لا يهمج
:eh_s(17):

 

[مس خقق]

رد : بنات ممكن رقم صالون الشرقية و رقم لافندر سبا اللي بالبيرق

خذي.راحتجج.وماقصرتي.الله.يعطيج.العافيةةة


شكرا:eh_s(7):

 

[عـآلي سـمآها]

رد : بنات ممكن رقم صالون الشرقية و رقم لافندر سبا اللي بالبيرق

هــذا رقم الشرقيه 24720348

بصراحه انا ما جربت الشرقيه ولا الافندر

عجبني حيل شغل كوزمودم بالمهلب روعه وما انصحج بالافندر

مايمدحونه الناس ويقولون كاميرات وبلاوي والله يحفظكم انشاءالله

وعندج بعد ديسانج بالشعب البحري لا يعلى علي بصراحه لبرنامج العروس

والله يوفقنا جميعــآ:eh_s(8):

 

[خاطر مذبوح]

الدانة حبيبتي ما قصرتي

عالي سماها مشكورة على الرقم حبيبتي

المهلب ودي اروح بس بعيد علي ماراح اقدر اروح كل يوم

لافندر البيرق قريب بس شدعوة كامرات اشاعات اكيد

و مشكوؤة حبيبتي:eh_s(17):

 

[أميره بلا قصور]

اب
شنو الاحسن
اب

 

[خاطر مذبوح]

والله ما ادري انا بعد جم يوم بإذن الله بجرب لافندر

 

[لآ بيرلآ]

:eh_s(7):
سووووووري واااايد .. علق علي اللاب .. و نمت و توني ارد من الكلية ..

انا رحت لهم السبت , سويت الحمام المغربي العادي
سعره 12 دينار , حاليا عليه ديسكاونت .. و سعره الاساسي 14.5 ..
سوت لي وحدة هندية .. فركتني تفرك .. حتى لوني فرق حسيت اني مااعرف اتفرك .. و قلتلها انا اسوي سنفرة و جذي .. و بنفس الوقت يحوشني جفاف بالشتا مادري شلون تصير بشرتي
و عقبها حسيت بنعوووومة مو طبيعية ماشاءالله ..

غرفتهم مالت الحمام صغيرة مو كبيرة وايد .. و و الله ما طولت يعني صج ما تعطلت بس هم شي حلو .. حطت لي ماسك اللوز او اسمها سنفرة ماادري عاد .. بس اهيا تيي مع الحمام العادي .. عجيييييييييبة .. حدها روعة ..

و سبحت و طلعت بس النتيجة وايد حلوة ..

لمن رحت خذيت كل الاوراق اللي عندهم اللي فيها العروض .. قلت افيدكم و انقل لكم برامج العروس .. اهمه 5 برامج .. و في عروض ثانية .. راح احطها بعد .. اهم شي تستفيدون .. و يا ريت قبل لا تدفعون تروحون تجربون بشي بسيط .. حمام مغربي او جلسة مساج .. عشان تعرفون و تشوفون المكان و ترتاحون له او لا .. انا والله ما جربت الا الحمام .. و انا طالعه شفت وحدة توها مسوية مساج تمدحه و شيشتني اجربه و ان شاء الله المرة الياية ..


عندهم عرض .. بـ 150 دينار .. 10 جلسات مساج استرخاء = 10 حمام مغربي مجانا
و بـ 175 دينار 10 جلسات مساج استرخاء بالزيوت العطرية = 10 حمام مغربي مجانا

في عروض بعد .. بس والله دايخه حدي عيوني تغمض .. اذا تبونها باجر ان شاء الله اكتبها لكم ..


و هذي برامج العروس من لافندر سبا البيرق مادري عن المهلب صراحة

1- Bridal Ritual Bliss

4 جلسات
القيمة : 120 دينار
المدة : اسبوع

* 1 تنظيف بشرة و علاج منطقة ما حول العينين ( 90 دقيقة )
* 1 حمام مغربي بالماسك ( اختيارك من الشوكولا / شاي اخضر / فراولة ) ( 60 دقيقة )
* 1 جلسة عناية بالجسم ( Rainforest ) مع حمام كريم ( 120 دقيقة )
* 1 جلسة اسرار سوثي للعناية بالوجه و الجسم ( 120 دقيقة )

2- Bridal Unforgetable Moments

5 جلسات
القيمة : 110 دينار
المدة : اسبوع

* 1 تنظيف بشرة و علاج منطقة ما حول العينين ( 90 دقيقة )
* 1 حمام مغربي بالماسك ( اختيارك من الشوكولا / شاي اخضر / فراولة ) ( 60 دقيقة )
* 1 حمام مغربي بماسك التوت البري ( 60 دقيقة )
* 1 مساج بالاروماثيرابي ( 60 دقيقة )
* جلسة اسرار سوثي للعناية بالوجه و الجسم ( 120 دقيقة )

3- Bridal Sensual Slumber

8 جلسات
القيمة : 160 دينار
المدة : اسبوعين

* 1 تنظيف بشرة و علاج منطقة ما حول العينين ( 90 دقيقة )
* 1 حمام مغربي بالماسك ( اختيارك من الشوكولا / شاي اخضر / فراولة ) ( 60 دقيقة )
* 1 حمام مغربي بماسك التوت البري ( 60 دقيقة )
* 1 مساج بالاروماثيرابي ( 60 دقيقة )
* 2 جلسة اسرار سوثي للعناية بالوجه و الجسم ( 2*120 دقيقة )
* 1 جاكوزي بفاكهة التوت الغوبي ( 45 دقيقة )
* 1 جاكوزي بفاكهة التوت مع حمام كريم ( 45 دقيقة )

Bridal Timeless Beauty

9 جلسات
القيمة : 200 دينار
المدة : اسبوعين

* 2 تنظيف بشرة و علاج منطقة ما حول العينين ( 2*90 دقيقة )
* 2 حمام مغربي بالماسك ( اختيارك من الشوكولا / شاي اخضر / فراولة ) ( 2*60 دقيقة )
* 1 حمام مغربي بماسك التوت البري ( 60 دقيقة )
* 1 جلسة اسرار سوثي للعناية بالوجه و الجسم ( 120 دقيقة )
* 1 جاكوزي بفاكهة التوت الغوبي ( 45 دقيقة )
* 1 جاكوزي بفاكهة التوت مع حمام كريم ( 45 دقيقة )
* 1 جلسة عناية بالجسم ( Tuscan C Mediterranean ) مع حمام كريم ( 120 دقيقة )
* 1 جلسة عناية بالجسم ( Arabian Odyssey ) مع حمام كريم ( 120 دقيقة )

 

[خاطر مذبوح]

الدانه بعد عمري عسا الله يوفقج انشالله بدراستج وبحياتج مشكورة و يزاج الله خيييييير تعبناج حبيبتي انتي

 

[لآ بيرلآ]

حبيبتي خاطر افا عليج بس ما سويت شي

انا بس طولت لاني كنت انقله و الا سوري نقعتكم :$

موفقين ان شاء الله .. و مثل ما قلتلج جربي حمام مغربي مرة و انصحج بالهندية انجو .. عجيبة و حبوبة

و موفقين مرة اخرى :*