بنات ممكن ترشحولي احسن مكان اسوي فيه مطبخي

[حلاتي بدلالي]

السلاام عليكم ورحمة الله وبركاته

بنات ابي مطبخ يكوون كد ومد مو من النوع اللي يخرب بسرعه

وبنفس الوقت ماابيه غااالي لانه خساااره على هالخدم يعني ابي تجاربكم بأحسن محل مطابخ

وشرايكم بمطابخ الفارسي او الواواان

وإذا تعرفوون محل ثاني قولولي

ومنو فيكم جرب يطلب مطبخ من السعوديه لاني سمعت انه ارخص من الكويت

 

[الدلال]

انا سكنت بيتي قبل 5 سنوات تقريبا وسويت مطبخي عند مطابخ الرياض

شغلهم حلو ومضبووط وراقي بس شوي سعره غالي,يمكن لاني طلبت شغلات وايد

بس من ذاك اليوم للحين ماشفت كبت انكسر ولا اخترب الحمدالله

 

[سكر بني]

والله انا نفسج قاعده ادور مطابخ جيده وبنفس الوقت يكون شكلها حلو امدحوا لي مطابخ شيخان الفارسي ومابخ الرياض بس يقولون شوي غاليه وبعد مدحوا المنيوم الوليد لانه كد ومد ,حتى مطابخ حسن ابل والله شفتهم بعد عجبنى شكلهم بس ما ادرى كجوده شلون وانشالله البنات يفيدونا اكثر

 

[نوري يكفيك]

عندج مطابخ الوليد عن تجربه كد ومد

 

[أثير الورد]

للرفع

 

[حلاتي بدلالي]

عندج مطابخ الوليد عن تجربه كد ومد

لو سمحتوا بنات وين مطابخ الوليد

 

[قطوة@@]

الواوان يمدحونه واايد

 

[حلاتي بدلالي]

مشكووورين بنااات بس ممكن بعد تساعدوني

 

[حلا الكوون]

الواوان يهبل امي تمدحه وسوت عند المطبخ وطلع حوااالي الفين دينااار

 

[بسمله-77]

السلام عليكم يا بنات ديرتي الغالية
عندي جم سؤال بخصوص المطابخ
س1: وين مكان الفارسي والرياض والوليد ؟
س2: جم اسعار الفارسي والرياض والوليد والواوان ؟
س3: من حيث الجودة والموديلات اي واحد فيهم ؟

 

[حصوص الكويتية]

اسعارهم يحسبون بالمتر طبعا والمتر بس على 120 ينار من غير مغسله طبعا

ومن غير شغلات غريبه انتى تبين تضيفينهم يعنى تبين زاويه تكونغير على المؤلوفه اللي دايما نشوفها هذي سعرها اكثر تبين قصه معينه طبعا سعرها اكثر واغلي

يعنى اذا عندج مطبخ عشرة متر بس راح يكلفج تقريبا من غير مغسلة 2800 انا فاره عليهم كلهم وهذي اسعارهم الوليد والواوان والفارسي والرياض والمحلات المعروفه وعليهم كفاله خمس سنوات

عاد انا قلت كله بيد هالخدم ويكسرونه وماراح يحافظون عليه فسويت المونيوم وطلع رهيب حده وللحين ماتكسر ولو اصور لكم مطبخي راح تقولون هذا المونيوم طبعا مايبين وكل من شافه قالو مو المونيوم والله يا بنات طلع اشحلاته المونيوم وفينول وانا مختارة الوان غريبه اشوي فطلع روعه

 

[لانا العود]

مطبخي وهم درايش البيت من الواوان غالي بس سعره فيه

 

[حلاتي بدلالي]

اسعارهم يحسبون بالمتر طبعا والمتر بس على 120 ينار من غير مغسله طبعا

ومن غير شغلات غريبه انتى تبين تضيفينهم يعنى تبين زاويه تكونغير على المؤلوفه اللي دايما نشوفها هذي سعرها اكثر تبين قصه معينه طبعا سعرها اكثر واغلي

يعنى اذا عندج مطبخ عشرة متر بس راح يكلفج تقريبا من غير مغسلة 2800 انا فاره عليهم كلهم وهذي اسعارهم الوليد والواوان والفارسي والرياض والمحلات المعروفه وعليهم كفاله خمس سنوات

عاد انا قلت كله بيد هالخدم ويكسرونه وماراح يحافظون عليه فسويت المونيوم وطلع رهيب حده وللحين ماتكسر ولو اصور لكم مطبخي راح تقولون هذا المونيوم طبعا مايبين وكل من شافه قالو مو المونيوم والله يا بنات طلع اشحلاته المونيوم وفينول وانا مختارة الوان غريبه اشوي فطلع روعه

مشكوووره حصوووص

طيب ممكن تصورين مطبخج لو مافيه كلافه

 

[كوب قهوة]

مطابخ الوزان ،، شغلهم حلو وراقي ،، والاهم والاهم انه نظييييييييييييييييييييييييييييييف بالتركيب ،، ما يخرب لج السيراميك والارضيات

بالتوفيق

 

[بسمله-77]

مشكورين يابنات بس ما قلتولي وين مكانهم

 

[الراجيه مغفرته]

عندج سوق البرازيليه في حولي بالسرداب كل شركات المطابخ موجوده المتر يبدا على 75 وعندهم 85 وبعد على 95 يعني يطلع عليج المطبخ اذا 3 في 4 تقريبا 650 وشغلهم نظيف ومجرب

 

[بسمله-77]

اختي الراجية غفر الله لك ولنا مشكورة وما قصرتي
حبيت اعرف مطابخ الرياض والفارسي موجودين بالبرازيلية ولا بمكان ثاني ياريت تساعدوني

 

[Wa7shni ShoF eLq8]

اختي مطابخ الرياض و الفارسي في البرازيليه ..

وعندج ابيات في شويخ وايد حلو شغله ومرتب ..

وفي شغله بالمطابخ تتركب قطعه في اليرارات والكبتات اسمها هايدروليك وايد زينه اهيه تكون نظام شفط يعني ما تسمعين صوت ترقع يرارات وبيبان بالمطبخ

 

[قوس قزح الكويت]

أنا بعد أبي احسن مكان من تجربه شخصية علشان حرام اسوي غالي ومو بيت العمر .

 

[Om Ali 86]

معروف ( الوليد ) لو 30 سنه و تحت ايد الخدم ما يخترب
عندهم حديد و المنيوم .. الحديد كد و مد و صيانه مدى الحياة و كفاله 5 سنين جنه
بس الالمنيوم ما يضمنولج اياه بس صيانه 5 سنين
حتى لو سألتيهم راح يقولونلج الحديد احسن من الالمنيوم

و اسعاره غاليه بس شوي ارخص من الرياض