بنات مليت من التدريس ابي وظيفة بعيد عن التربية اشلون؟

[دلع بس على سنع]

ابي اطلع من التدريس .... ابي اطلع من التربية والله والله والله تعبت تعبت صارلي 4 سنين بالتدريس وكل سنه اقص على روحي وأقول راح اتعود راح اتعود شفت انه ماكو فايده زهقت مليت :eh_s(2):

وين اقدر اروح غير التربية ... المشكله انا خريجة كلية التربية
كم وحده مثل حالتي؟

 

[ماريوتا]

شنو تخصصج ؟؟

على حسب التخصص تبين المجالات لوووول

 

[دلع بس على سنع]

انا تخصص عربي واجتماعيات

 

[دراهــم]

لا تشيشيني

انا على طريف

 

[عجينه]

الله يعين انا على وشك اقدم استقالتي >>>>>>صاير الحين التدريس نظام تطفيييييشششششششششششششششششش

 

[james546613]

والغالبية مثلك ودي في عمل فية عطاء وابداع مابي اصير بيبي متو ( ببغاء ) مابي اصير ريبوت يملي علية ابي احب شغلي وانتج فية -ابي اروح الشغل وانا منفتحة على العالم -ابي نظرتي تكون تفالية مابي ياك الذيب -ياك اوليدة

 

[ماريوتا]

الله يعينج جم حصه باليوم لوووووووووول

عربي حلوو

يصير تشتغلين بوزاره الاعلام <<< حده واااو لوووول

ويصير بالصحافه .. شوفي الجرايد والمجلااات والتلفزيوون هالاماكن يعني

كونا بعد يصيررر

يعني اي شي فيه تدقيق املائي ونحو وهالسوالف يصير تشتغلين فيها


وحبيبتي عندج بكالريوس بالواسطه وين ماتبين تنحطين عاااادي



اتمنى اني افدتج لو بشي بسيط

 

[دلع بس على سنع]

حياتي ماريوتا يعطيج العافية والله التدريس مهنة طاردة طاردة....ووزارة تمص الدم ... تخيلوا انا هذي السنه الرابعة لي بالتدريس وشافتني معلمه وقالتلي انتي شكلج اكبر من 4 سنين .... فرديت عليها وقلت والله من التدريس, التدريس يكبر العمر...

والمشكله تخصصي باط جبدي نصابي 18 حصة تعب تعب والله تعب

 

[بنت جنيف]

والله احلى مهنه التدريس انا كنت بوزاره وموظفه علاقات عامه لاشغل ولا مشغله ملل حده الحمدالله حولت وندبت نفسي ولما عجبني التدريس ثبت نفسي وحسيت ابوجودي وحققت جزء من طموحي

 

[بحر الرمال]

بالعكس شفيه التدريس؟ اصلا التدريس اهو العمل الوحيد اللي فيه ابداع (طبعا اضافه الى القطاع الخاص) تبدعين بطريقه الشرح بالتحضير بالوسائل و فيه تغيير مو كلا روتين كل سنه تمسكين مراحل مختلفه عن السنه اللي قبلها..

بعدين من قال ان الشغل بالوزارات اهو اللي فيه ابداع و تغيير..هالشي موجود بس بالقطاع الخاص (و كراف القطاع الخاص دبلات التدريس حتى الطبيه يحسبونها عليج) ..والله كل ماروح وزاره اذا عندي معامله او شي اشوف الموظفات قاعدين و سوالف و سندويشات و اكل و حش..التدريس الحمدالله ماعندنا هالاشكال وايد

بس اذا نصابج 18 حصه يمكن معذوره..كلمي الناظره او التوجيه اللي اعرفه ان النصاب الطبيعي 15 مو 18

 

[ماريوتا]

حياتي ماريوتا يعطيج العافية والله التدريس مهنة طاردة طاردة....ووزارة تمص الدم ... تخيلوا انا هذي السنه الرابعة لي بالتدريس وشافتني معلمه وقالتلي انتي شكلج اكبر من 4 سنين .... فرديت عليها وقلت والله من التدريس, التدريس يكبر العمر...

والمشكله تخصصي باط جبدي نصابي 18 حصة تعب تعب والله تعب

الله يعافيج ياقلبي ولووو ماسوينا شي

الله يعينج ويريح بالج ان شالله
تخصصج حيل غثيث

انزين ليش ماتحولين .. تاخذين اجتماعيات يعني احس ارحم شوي والبنات يحبووونه
حتى شرحه وجذي احس يونس فيه نشااط

 

[ديما الكويت]

هم انا على طريف لايعة جبدي لولا زوجي غاصبني ، وقاعدة احاول أغري نفسي اقول المعااااااااااااااش حلو والتدريس راقي والمدرسة الاولي الحمدلله متفهمة وتحاول تساعدني باللي تقدر عليه، والمدرسات اللي معاي كبار بالعمر تخيلوا معطينهم نصابهم حصتين بس في الاسبوع والباجي موزع علينا حسب الاقدمية وليش انا ووحدة معاي يدد فنصابنا 12 حصة ؟ بصراحة مو عدل بس لمن اشوف مصيبة غيري تهون علي مصيبتي ؟ على كل حال الحمد لله .

 

[white~heart]

المسؤولين حولوا مهنة التدريس الى مهنه طارده

 

[Katkota_46]

حولي إداريه بالمنطقه أو قدمي بالقطاع الخاص التدريس صاير يلوع الجبد
المدرسه جنها فراشه يبونها تسوي كل شي

 

[^SwEeTa^]

لج الله يا وخيتي

كلنا لها

انا أكثر منج .. اذا دعيتي حق نفسج لا تنسين تدعيلي أفتك من هالوزاره!

التدريس حلو .. بس الإدارات ويـــــــــــععععع

 

[دلع بس على سنع]

الله يعافيج ياقلبي ولووو ماسوينا شي

الله يعينج ويريح بالج ان شالله
تخصصج حيل غثيث

انزين ليش ماتحولين .. تاخذين اجتماعيات يعني احس ارحم شوي والبنات يحبووونه
حتى شرحه وجذي احس يونس فيه نشااط

انا من 4 سنين مابقى واسطة ما خذيتها بس للاسف ماقدروا يحولوني اجتماعيات مع العلم انه تخصصي الرئيسئ عربي/اجماعيات وما عندي مساند لانه تخصصي ابتدائي ومع هذا للاسف للحين موقادرة احول اجتماعيات

والحين انا قررت اني اترك هالمهنه واي شي يتعلق فيها اصلا بطلع بره الوزارة كلها واروح اشوفلي وزارة ثانية تقبل تخصصي

 

[ماريوتا]

واااااااااي الله يعينج ويوفقج بالمكان الي يريحج ياااارب

 

[أحلى^حياه]

وييييييه لا تخرعووووني من التدريس زياده
بروحي انا قعدت بالبيت سنه على امل اني اتوظف بمكان ثاني بس ماكو فايده

رفيجتي صارلها سنتين وهذي السنه قدمت استقالتها لانه ما قبلوها ادارية

والله يعينج حبيبتي حاولي تغيرين المدرسة او المرحلة
الله يوفقج

 

[زينة2008]

واي بنات انا بعد صارلي 4 اسنين ولايعه جبدي احس انه قسمنا خدم بالمدرسه انا تخصصي اقتصاد منزلي
تخيلو كل شغل المدرسه على راسنا ...ورئيسة القسم خلوها على جنب ثاني
مليت خلاص يعني في اشياء اصلن انا بالبيت ما أسويها وبالمدرسة يقولولي سويها مثل يلا روحي اشتري ليتات حق المدرسة
أو روحي اشتري مبيد حشرات لحمامات الأدارة الله اعزكم ....وغير بيع المقصف بالحر والبرد ...بس خلاص مليت ياعالم:lkmnkl::krkrkr:

 

[ريتشل]

وانا بعد بطلعع
وقبلوني الجامعه
الحين اخاف التربيه مايرضون انقل يصير مايرضون ؟