بنات مكتئبه ساعدوني سكنا بيت اجار قديييم ابرقع فيه

[برنسيسة2007]

السلام عليكم
بنات سكنا بيت طراز قديم وبنطول فيه5سنوات
الصبغه والسراميك والمغاسل والحمامات بدلناها كااامله على حسابنا الخاص وصاحب البيت ماراعانا بالاجار ولاخصم والميزانيه حدك حدك
حطينا اثاث ماعليه حلو كلاسيكي بس اللي مضايقني السقف لاتطالعون فوق خلو عيونكم تحت
طوفه عاديه مو ديكور ونظام لمبتين ومروحه لا والمروحه زرقاء
وزوجي يقول مستحيل اسوي ديكور بس ركبنا ثريات فخمه بس والله ماترقعت
والمروحه صعب نشيلها اولا صاحب البيت مارضى مشيلها ثانيا البيت مافيه تهويه

بالله اللي عندها افكار تفيدني خاصه الاشغال اليدويه ساعدوني مكتبئبهههههههه وزوجي مو حاس فيني ومعصب لانه تكلف حييييل في بيت اجار وانا مابين بعيني حزينه

 

[Mjnont '3lay]

الله يساعدج ياارب موفقه

 

[ام نواااف]

ماتوا الي عندهم مروحه الحين هههههههههه
الله يعينكم ع صاحب البيت
فوق ماقاعدين تسنعون ابيته ومايراعي

وانا اتفق مع ريلج حرام اتكلفين نفسج حق الديكور يعني الاغلبيه اكيد يدرون انه بيت اجار
وحرام 5 اسنين اشوي عشان اتقطين عليه كل هالتكاليف

وانتي ع راحتج وحاولي تبدعين بأثاثج

 

[ركووزه]

الله يفرج لج

 

[برد ابو الذهب]

الله يعينج حاسه فيج لأني مريت بنفس مشكلتج بغير حمامي وريلي مؤ راضي لان البيت أجار يقول حرام احتمال باي وقت نطلع منه؟؟ مالج الا ترضين بالأمر الواقع

 

[أم بتول*]

لا تزعلي ولا تكتئبي حبيبتي عادي حتى انا سكنت بيت أجار وصلحنا فيه الصحي على حسابنا وبس حرام تحطي فلوس عالفاضي لانو ممكن تطلعو منو بعدين إنتي رتبي البيت بطريقتك ولمستك الخاصة وما عليكي من السقف خليه يولي

 

[توتاتوتا]

عادي حبيبتي السقف انا نفس الشي و انا فبيت حمولتي موب اجار

زوجش مسكين ماقصر بدل المهم و لو راعي البيت يراعي كان الواحد يتشجع

توكلي علي ربش و اذكر شفت بكاتلوج ايكيا لمبات تناسب سقفكم

 

[% HoooR %]

يا حياتي والله حيل تكلفتوا بالصبغ والسيراميك
ما ينلام زوجج

اللي بزورج يدري أنه أجار
ؤما راح يحط عينه بالسقف طول القعده


بدعي بالآثاث وهذي السؤالف وبس خلاص

 

[كلنا عشاق لكن]

الله يجعلة منزل مبارك
​

 

[ابدا يالغالي مانساك]

حبيبتي داام اجااار خلي بيت العمر ان شالله تصممينه بمزااجج
المهم عدلي شوويه عشاان نفستج
المرووحه صبغيهاااا باابيض تترقع

والسقف صبغووه

وعا الاثاااث شووي شووي
انتم الحين اجاار​

 

[سيدة بيتي]

الله يكفيكم شرصاحب البيت ويعينكم​

 

[@ام يوسف@]

اااااااااااااااب

 

[أهداب]

شيلي المروحة مؤقت وحطيها بالمخزن

ويبي برواز كبير خشب من سوق الايرانية او سوق الجدي اللي يمة اللي علي شكل مربعات يم بعض تلاقينة اعتقد ب 17 دينار وصبغية بني معتق تسلي لادام انها عطلة

وثبتية بالسقف وطلعي منة الثريات

 

[البرنسيسه77]

حبيبتي لا تضيقين خلقج وتسببين مشكله بينج وبين زوجج كله بيت ايجار واغلب العوايل الكويتيه الحين ايجار مثل حالتج لا تعتقدين انج الوحيده احمدي ربج انج جددتي كل شي نعمه والمشكله بس السقف عادي انتي عاد لا ترفعين راسج فوق ههههههه
اهم شي يكون السقف نظيف ومصبوغ مو متقشر وخلاص اكثري من الاستغفار والحمد والشكر لله وصدقيني راح تهون عليج مصيبتج وتصير عاديه وراح تنسينها وتكون اخر همج عيشي حياتج مرتاحه مع زوجج ولا تخلين شي تافه ينكد عليج تري الدنيا ما تسوي