بنات مرت حماي مو طبيعيه !

[زبــــــــدة]

احلىىى طاف

هالشي يقهرها زياده

خليج اكبر منها ومن سوالف اليهال هذي

 

[مفرفشه عالاخر]

غريبه لما وحده تقول حقريها ؟!!!!!!

الساكت عن الحق شيطان اخرس واذا بتسكتين على عالسالفه راح يخرب بيتج !!

مادري هي شنو ناويه عليه تفصخ قدام زوجج ؟! اللله يستر علينا وعليها ..

الموضوع قوي جدا ومايحتمل تسكتين عنه بس بالبدايه لاتدخلين الرياجيل بالسالفه تبينها تمووووووووووووووت قهر

علمي ام زوجج لانها بتطلع عيونها لأن هذي تعتبر خيانه لزوجها وبتحقد عليها وماراح تحترمها بعدها وبتضربين عصفورين بحجر

ماتدرين يمكن حاطه عينها على زوجج في ناس استغفرالللللللللله نفسهم دنيئه

بس صدقيني قصدها مو شريف دامها من البدايه رسميه او بمعنى اصح مو بالعتج !!

هذي ينخاف منها ولا تسكتين ولا بيخرب بيتج ولا تبينين لها انجج محتره

 

[سواري الليل]

لاحول ولاقوة الا بالله

انا مرت على سالفه هم حق عضوه هني نفس مشكلتج والعن هذيك باب الشقه مبطل وهي بس على الملابس الداخليه قطعتين
وتدرس عيالها والباب مبطل عادي

والله الموضوع قوي مادري شنو ممكن يكون حله

الحقران موشي

والنجره موشي

ان شالله البنات يفيدونج

بس لاتدخلين الرياجيل بسوالف الحريم

 

[حرمه المصون]

الله يهديها ما احب هالنوع من الناس انا وحده من هلي جي تستعرض جدام اي زوج من ازواج البنات بس عشان تقول فلان طالعني وانا احلى من زوجته الحمدالله والشكر وهي متزوجه وعندها عيال في خطوبتي ماشلت عينها من على زوووجي والله انصدمت حتى هو لاحظ وصف لي شكلها وسالني من هذا وماتستحي قليلة ادب ماقدرت اقول انها من هلي وبعد مره شافتني مع زوجي في سينما تخيلوا وقفت مقابلتنا وضحكت ضحه وقحه دووم ادعي الله يضدها عني وعن زوجي ويشغلها بنفسها

 

[جمالي ماله حدود]

رد : بنات مرت حماي مو طبيعيه !

الله يسترنا بسترة هذي وقاحه وقلت ادب تعتبر
الحركات ماتتسوى جدام الحمى خصوصا الحمى شلون ترضى على نفسها حماها يشوفها بهالمنظر عيب وشلون اهو يقدر يحط عينه بعين اخوه بعد ماشاف زوجته بهالمنظر واللبس حتى لو جسمها مثل ماقلتى العبرة مو هني العبره في التصرف الخايس
من جذيه البنات يتشكوووون من حموينهم ليش يخز ولا ليش يدقق او يقارن من الي قاعد يشوفه لان ماشاف وحدة ساتره عمرها-- النار الحمو-- من كثر خطوره الامر
انزين بسالج بصراحه هل الحركات هذي تسويها من اول زواجج ولا بعد موقف صدر منج
وهل الحركات هذي تتعمد تسويها بس جدام زوجج عشان تحرج
لان لو كان هذا الدافع لازم توقف عند حدها لان الموضوع ماينسكت عنه عشان انتي تحافضين على بيتج وزوجج لان مرة على مرة ماتعرفين شنو بيصير والشيطان شاطر انا اقول ان ماراح يوقفها عند حدها الا زوجها خلي زوجج يقول حق اخوه بنفسه عشان حماج يحس ان زوجته غلطانه وتحترم نفسها وعشان تحسسين زوجج ان هالموضوع مرفوض بالنسبه لج
ادري طولت بس والله من حرتي من الي قاعد اشوف بالحريم وشلون متهاونين بالموضوع

 

[مفرفشه عالاخر]

بصراحه بنات استغرب من اسلوبكم

ترا السالفه مو سالفة غيره واحلى منها واحلى مني

حراااااااام

واللي يسكت عن هالشغلات ويطوفها بصراحه ماعنده سالفه ولا عنده ذرة خوف من الله

معقوله تشوفون هالمنظر ابيتكم وتسكتون؟!

ليش هي ملاك نازله من السماء ماتنكلم ؟! .. بس حقريها وحقريها

حبيبتي لاتدخلين الرياجيل بالسالفه صدقيني

باجر لو تطلق قالو منج

كلميها انتي وانتي اللي شفتي مواقفها لاتدخلين فلان وعلان

باجر تبلا علي زوجج هذي ماتستحي

خلي السالفه بينج وبينها وقدام احد بطيها بوجهها

واذا حاصت مني ولا مني ترا هي الغلطانه لاتخافين لايهمج احد

بصراحه استغرب من اللي تقول طوفي واحقريها وهي حلوه ولا مو حلوه

ان شاء الله عنز .. بس لاتسوي هالحركات

انا مع داهيه مطير بكل كلمه قالتها عين العقل فعلا راي حكيم جدا

الحين يا بنات شدخل ثقه العضوه فله بنفسها بالموضوع ؟! وشكو اذا كانت مرت حمالها قمر ولا سحت !؟


في شي اسمه حيااااااااااااااااااااااااااااااااااااااا ومستحااااااااااااااااااااااااااا

وهذي وقحه وقحه وقحه بكل ما تعنيه الكلمه من معنى سواء كانت البنت حلوه ولا عنزززززززززز عيب اتفصخ !!!!!!!!!!!! هي مو مره ؟!!؟ جسمها عاللي تستعرضه مايعتبر عوره ؟!؟!

ومرت حماج صراحه كسرت خاطري احسها مسكينه وخبيثه بنفس الوقت

احس فيها نقص وغيره ويمكن حاطه عينها على زوجج وتلقينها تقارن بين زوجج وبينها

انا اقول تداركي الوضع وخل تسنع .. لأن الشيطان ما مات حتى لو كنتي واثقه من زوجج أشد الثقه .. وصلني السالفه لخالتج وزوجها خليها تسنعها وقبلها قطي نغزات قدام خواته يمكن ينقص وجهها وتستحي على دمها .. المهم بكل الاحوال السالفه لازم توصل خالتج لا تسكتين كللللللللللللش

صدقيني ترا هالزمن يخرع وماله امان

 

[أنا Top أنا]

رد : بنات مرت حماي مو طبيعيه !

امبيه هذي فاصخه الحيا ..

كلمي خالتج عنها قوليلها تكلمها وتحشم عمرهااا ..

والا الرجال لا تدخلينهم يمكن يتهاوشون والسبه انتوا حراااام ~

 

[brettey]

رد : بنات مرت حماي مو طبيعيه !

من غير زعل مالت على حماج وينه عنها ؟
يعني عاجبه مرته تطلع بهالشكل ؟
والمفروض زوجج يكلم اخوه لان عييييييييييييييب
طنشي يبا هذه حاسه بالنقص مروا عليي هالاشكال
واله يسخر لج زوجج يارب

 

[Geisha]

وين ريلها !!

 

[فـرفـر]

ماكو الا الجهال
مثلا الجهال فضيحه لا رسخ بمخهم شي بفتنون
خلي اعيالج يوصلون لها انه ابوهم يقول انها ملابسها خايسه وألفي لج قصه عشان الجهال يوصلونها يمكن تستحي من نفسها

 

[احلا برقاويه]

رد : بنات مرت حماي مو طبيعيه !

الله يعينج ويهديها

 

[لافلي روز]

الله يهديها ,,, والله انا استغرب من هالحريم اللي مايخافون ربهم ,,, يعني اهيه ايشتبي من هالتصرفات اللا اخلاقيه ,,, وصج افضل حل

ان ريلج يكلم اخوه ,,, ولايقول ماابي اسوي مشاكل ,,,, المشاكل اهيه اللي بدت فيهم ,,, ولازم تتحمل النتيجة ,,,

لازم الحل يكون قاسي عشان النتيجه تكون مرضيه ,,, وانتي بهالحل بتكوني ريحتي نفسج من هالشوفه وارتحتي ان زوجج ماراح يطالع احد غيرج وف نفس الوقت بتكسبين فيها اجر ,,, ترا حرام اللي قاعده تسويه ,,,

 

[Dancing^Queen]

رد : بنات مرت حماي مو طبيعيه !

اختي
ليش تحطين نفسج بمقارانات وياها؟
اهي مربربه انا جسمي احلا
هذي غيره حريم
لاتصغيرين عقلج وتخلين الغيره وكلام حريم يعميج
هذي بحسبه عمه عيالج

معاج حق تتضايقين ومعاج حق تتنرفزين

الرسول وصانا بفرض حسن النيه قبل كل شي حبيبتي
اهي لو تبي تسوي شي مو زين تسوي من وراج
وهذا بيتها مثل ماهو بيتج بس مو معناته ان تطلع وتتمشا بالروب والباجاما
بس يمكنها ماتدري هذي حزه طلعه ريلج (ِشدراها بيطلع)
نصيحتي
لي رحتي السوق اشتري عبايه اسلاميه بودينارين ثلاثه وعطيها اياها
قوليلها اتصدقين تفكنا من لي يينا نطلع ننلبس مليون شغله
شفتج ذاك اليوم بالروب بره حسيتج انحرجتي حبييتي عاد ذاك اليوم انا رايحه اشتريلي عبايه حق طلعات بوخمس دقايق بالممر لان بوفلان قالي البس جذي بالممر بدال لا اروح ابدل او البس روب
قلت ابرج معاج واحنا خوات

 

[Galaxyaah]

رد : بنات مرت حماي مو طبيعيه !

الله يهديها ويعينها على نفسها !
خل ريلج يكلم اخووه خل يمسكها شوي!! وشلون يرضى تطلع جذي

 

[جروح خالده]

رد : بنات مرت حماي مو طبيعيه !

مابيدج الا تكلمين خالتج او حماتج

*_*

 

[شنوووفه]

رد : بنات مرت حماي مو طبيعيه !

الله يعيينج عليها انشالله البنات يفييدونج :>
موفقه

 

[نبــض]

يمكن الحرمة تعاني من نقص في شخصيتها وتغطي هالنقص بهالاسلوب المستفز..

ويمكن من باب الغيرة منج كونج كنة احدث منها..

بس الاهم انج تتعاملين مع هالوضع بذكاء وهو انج ما تعطينه اي اهمية ولا كأنه يعنيج في شي

تحياتي،،،

 

[مواصله]

رد : بنات مرت حماي مو طبيعيه !

خل زوجك يقول لزوجها انه صار ينحرج وماياخذ راحته بالطلعه والرده لان زوجته دوم طالعه عند الباب بهاللبس

 

[زوجي توأم روحي]

ما اقول الا الله يهديها وريلج لازم يكلم اخوه ويقوله عيب انا شفت مرتك بلبس مومحتشم كلمها خل تحشم نفسها وتعمل احسابها ان البيت في ناس غيرها والله يعينج عليها.

بصراحة هذا الحل

لان هالمره ما تستحى ولا تنتخي
جليلة حيا

بس والله عفيه عليج صبرتى سنتين

 

[احلى ـآ وحده]

اللهم لا تبلانا .. استغفر الله