بنات محتاره بين الصين وتركيا

[ساندي-بيل]

بنات بسافر السنه بس محتاره بين الصين وتركيا اشرايكم

 

[ساندي-بيل]

اشدعوه محد رد علي

 

[سعادتي برضى ربي]

بالنسبه لي انصحج بالصين وخاصتا ( كوانزو ) <<تهبل كل شي فيها رخيصه حدها

وهونق كونق بعد حلوه

 

[عاشقة روحها]

هلا والله شوفي إحنا السنه اللي طافت رحنا الصين وصج صج صج فضيعه لكن يعني مو بالطبيعه وجذي لأ قصدي فضييييعه بالرخص والأشياء اللي يبيعونها والشي اللي تلقينه بالكويت بـــ10 دنانير تلقينه هناك بــــ2 أو1 دينار أمبي حدددده رخص وطبعا السوق أكثر شي موجود بكوانزو والمناطق الثانيه ما تلقين نفس رخصها ولحد يقولج روحي حق هونج كونج ترى غاليه يقولون عنها حيييل إحنا كنا بنسكن فيها جان يقولن النفر بــــ20 دينار حده غالي لأن إحنا وايد ماشاء الله وبكوانزو سكنا في فندق إسمه بيجينق هوتيل هذا أرخص فندق ويهبل يعني حلو وبسسسسس...

 

[جروح تبتسم]

هلا ياقلبي
تبين نصيحتي روحي الصين وااااو واخذي معاج فلوس وقعدي شري عليج بالعافيه
تركيا حر حر حر والله 2002 انا وزوجي رحنا حاجزين اسبوعين قعدنا اسبوع وردينا من الحرررررررر
وانتي كيفج

 

[ضي البدر]

أنا رحت كوانزو فيها بضائع روعة والأسعار حيل رخيصة بس مافيها مناظر حلوة لأنها صناعية أما هونج كونج متطورة ونظافة بسبب إلأستجار البريطاني السابق لها بس بضاعتهم مميزة خاصة الأكسسوارات والجناط روعة لاتطوفج

 

[ساندي-بيل]

انزين اللي راحت الصين كم ساعه بين الكويت والصين

 

[ام رغودة]

محد يمدح الاتراك مايحبون العرب ويغلون عليج الاسعار

 

[ساندي-بيل]

يعني اتوكل على الله واروح الصين

 

[7abebat elq8]

الفرق بين توقيت الصين و الكويت 8 ساعات بص صج تهبل

 

[طوق البنفسج]

بنات بعد عطونا معلومات عن الصين اكثر شنو الفنادق و الاماكن بكوانزو بس سوق؟

انا رحت تركيا .. اذا انتي مو رايحه لها من قبل اسبوعين كافي عليها .. اذا رايحه ماتستاهل العنوه مره ثانيه

 

[أوركيد]

بخاطري أروح تركيا ..بس عقب كلامكم بعيد النظر

بس ما ادري الصين احس حق سوالف مشتريات وتجهيز اثاث وبضايع ...مو ترفيه

 

[طوق البنفسج]

اوركيده الصين مافيها ترفيه .. بس سوق خاصه كوانزو

 

[Venice]

الصين طبعا

تركيا 3 ايام حاشني اكتئاب زفت فيها اماكن حلوة مثل ليماسول وغيرها لكن مادري شقولج

ونصب عندهم اشكره

الصين اخوي راح لها مرتين بسنة تخيلي من كثر مايمدحها

يقول دولة كل شي فيها حلو وشي يديد

 

[أوركيد]

اوركيده الصين مافيها ترفيه .. بس سوق خاصه كوانزو

طوق ..آنا هذا قصدي

ماتصلح حق اليهال!!!

 

[طوق البنفسج]

اوركيده من بحثي و الي سمعته .. الصين ماتصلح اذا معاج يهال .. مافيها ترفيه كلها سوق خاصه كوانزو الي يروحون لها الكويتين

 

[@Miss Dio@]

ليش انا رايحه تركيا مرتين وبروح لها السنه انشاء الله

 

[¤§ زيتونة §¤]

الصراحة تركيا حلوة وامان واسعارها زينة وطبيعة وناسها وايد حبوبين
خصوصا بورصة ناسها جنهم اهلنا ماشاءالله عليهم
انا رحت لها اكثر من 6 مرات و3 منهم بالسيارة عن طريق سوريا والطريج طويل لكنه ممتع ووناسة حيل وتوقفون بمناطق وتنامون وتشوفون مناظر ووناسة لليهال
وما مليت لانها فيها مناطق تروحين رحلات وتفترين وايد وما تخلصينها وبعدين دولة اسلامية وما تحاتين اكلهم حرام ولا حلال ولا يجوز ولا ما يجوز!!!!!

تركيا عائلية ورووعة لليهال

يعني اذا مو ناوية على تشري معين روحي تركيا حبيبتي

كافي لما يضيق خلقج ركبتي التلفريك وصعدتي للجبل وناسة والله الجو ما يتطوف


والله يوفقج وين ما رحتي

 

[noty]

الصييين حبيبتي

احسن الف مره كل شي فيها

 

[ساندي-بيل]

حبيبتي نوتي اذا انت
رايحه الصين عطينا معلومات عنها
لان زوجي يقول انها حدها حاره ومو سياحيه