بنات محتاجه مساعدتكم عفيه دخلو ابيكم شوي

[hneen2]

انا موظفه وام حق 5 يهال اللله يحفظهم وبيت كبير والحين خدامتي الزفته لووول
بتروح بحجه اقبح من ذنب المهم بالطقاق خل تروح اساسا اهي وقلتها واحد تشتغل علي مزاجها وماتبي احد يامرها مو هذا الموضوع المهم طلبت اندنوسيه خلاص طقيت لها فيزا والحين انا بطلب خدامه ثانيه بس شنو اطلب ناس تقول لاتطلبن جنسيه غير تري يتخانقون 24 ساعه :j013: وناس يقلون لالالالا تطلبين نفس الجنسيه لانهم راح يتخاذلون مع بعض :O_SHH_: وانا الحين محتاره شطلب ابيهم يصولون مع بعض علشان اعلمهم الشغل لان بصراحه قاعد اشوف وحده ماتكفيني يصير الشغل كله عليها وانا موظفه اداوم من الصبح لي الساعه 3 وارد لازم نتغدا واقعد اجابل تدريس اليهال ومجابلهم يعني ماعندي وقت احك شعر راسي وهذا مايمنع ان ايدي بأيدهم قد ما اقدر ........ طولت عليكم بس ابي مشورتكم وخبراتكم لاني صج ضايعه ومشكورين مقدما ............

 

[hneen2]

ما قصرتو والله 15 مشاهده ولا وحده فيهم تسولف معاي او تبدي رايها يعني هذا عشمي فيكم ؟؟؟؟

 

[كيت كات 2007]

هلا يا قلبي و الله شوفي غلاتي انا رفيجتي دايما تطلب من نفس الجنسية و تكون طيبة معاهم
و فعلا اختلاف جنسية الخدم تسبب مشاكل يا الغالية في البيت
و راح تيبين لنفسج عوار الراس
فانا اقول ييبي 2 اندونيسيات مع اني ما افضل هالجنسية
و ترى بالاول و الاخير الخدم حظوظ
ورب يوفقج يارب

 

[آلعناآأ]

والله حبيبتي نفس الشي ~
امي خدامتها اندنوسيه واختي هنديه وطاقينها سوالف عادي ويفهمون بعض~
بس اذا احنى طلبنا منهم شي بطلت لج الوحده حلجها مو فاهمه بس سبحان الله هم من جنسيات مختلفه ويفهمون بعض~
وعمتي فلبينيات بس ماشاء الله يشتغلون من قلب وعاد عمتي ماشاء الله فيها وسواس نظافه بيتها مستشفى ماشاء الله~
عاد انتي اول ماتجيبينهم فهميهم شغلهم وبس ولا تصرخين عليهم وتزفينهم دايما عشان مايقولون هاذي بس تزف وبعدين عادي ~
موفقه والله يرزقج بالخدامات السنعات

 

[hneen2]

مشكورين بعد قلبي وماقصرتو تصدقون شجعتوني اني اطلب نفس الجنسيه ......

ولاشرايكم

 

[الــــراسيـه]

يبي نفس الجنسيه
ولا يبي يتكافخون
الله يعينج

 

[*قمر 2005*]

شوفي حبيبتي بالنسبة لي خداماتي وحدة هندية والثانية فلبينية من اول شي علمت كل وحدة شنو هو شغلها وحدودها علشان ما يتداخل شغلهم مع يعض ومن هنيه تجي المشاكل والخناق وخليك معاهم ومراقبة شغلهم دائما ولا تنسين تشجيعهم بالكلمات الطيبة اذا شفتي شغلهم زين وبين فترة وفترة اشتريلهم اشياء ولو كانت بسيطة فلها اثر طيب في نفسيتهم وبيني لهم انهم الحين اسرة وحدة فراح تلاقين منهم كل امر طيب انشاء الله ولا تنسين انك تاركه عيالك عندهم طول اليوم

 

[اطياف الكويت]

جيبيهم كل جنسيه مختلفه احسن بس شنو لا تخلين معاملتج حق وحده احسن من الثانيه لا دربالج

 

[hneen2]

الراسيه _ اولادي كل حياتي - اطياف الكويت مشكورين وما قصرتو فعلا انا اليوم رحت طلبت هنديه ومن قبل طالبه اندونيسيه وبسوي اللي قلتولي عليه ان شالله وعلي الله الباجي يارب يعطيني علي قد نيتي ويطلعون خوش شغالات ياااارب