بنات متى امتحان القدرات تكفون الي تعرف تساعدني وبأي كليه اسجل للامتحان؟

[يالبيه 17]

قوه بنات متى امتحان القدرات وبأي كليه اسجل تكفووون بنات ساعدوني


وشلون ادرس للأمتحان يقولون صعب صج ؟

وجم لازم اخذ عشان انجح ؟؟

ودرجه الامتحان من جم ؟؟

وانا ادبي يعني بس امتحن انقليزي صح؟

والله بدعي لهااااااااااااا الي تساعدني ​

:aha:

 

[تحدوها بشر]

حبيبتي امتحان قدرات التسجيل يوم الاربعاء 18 / 11الى الاثنين 23 / 11 / 2009 و التسجيل يكون في الشويخ

و الامتحانات : يوم السبت 26 / 12 / 2009
يوم السبت 10 / 4 /2010
يوم السبت 3 / 7 / 2010
و بالنسبة لج انتي ادبي يعني تختبرين انجليزي بس و يكون مدة الاختبار ساعة وحدة بس
و العلمي يختبرون انجليزي و رياضيات و كيمياء ...
اتمـــــــــــنى اني افدج ...

 

[الـمـــــاااااس]

ماتقصر اختج تحدوها بشر فادتج

 

[الـمـــــاااااس]

اهو مو صعب بالنسبة للشاطرة

ودرجة الامتحااان 85 سؤال

انا يبــت 45 هههههههههه

ولازم اقل شي تأخذينه 60

فسقطت بأمتحان القدرات

وموشرط بس انجليزي على حسب المكان اللي بتروحين له او بتدرسين فيـــه

رفيجتي بالادبي امتحنت رياضيات وانجليزي عشان بتدخل علوم ادراية

 

[تشـcakeـيز]

انزين شلون على اللي يباخذ دورات ؟؟؟

يعني تنفع والا لا ؟؟

 

[الـمـــــاااااس]

مادري والله بس أتوقع تنفع يعني بتاخذين قواعد مع معاني الكلمااات لانه الكلمااات ترى شوي صعبة مو متعودين عليها كلــش وانتي لما تسجلين راح يعطونج كتاب تدرسينه شهــر بس أحس الدورااات تنفع

انتي شاطرة بالانجليزي ؟

 

[الـمـــــاااااس]

وعلى فكرة الكتاب مو مترجم انتي بترجمينه لازم يكون بنفس المعنى وقوااعد يديدة فهمتي ؟

 

[تشـcakeـيز]

هلا أختي الماس

الحمدلله انا ناجحة بالإنجلش والكيمياء بس الرياضيات ابي ارفع معدلي فيه وامتحنت 3 امتحانات وللأسف ما جبت

فقلت ابي آخذ دورة بس المشكله شكثر يقولون ما تنفع وبعضهم يقولون لا تنفع بس جيبي بعد مدرس فما ادري يعني اذا هم بالدورة يعطونا كل شي او شالسالفة بالظبط ؟؟

 

[الـمـــــاااااس]

بالنسبة لي الدورة اضمن لج لانه بتعطيج اللي بتمتحنين فيه وطريقة السؤال اما المدرس بياخذ من المذكرة ويعطيج

شوفي اذا انتي بالثاني عشر يعني باقيلج امتحانين الكورس الاول والثاني

نصيحة حتى لو مانجحتي روحي مرة ثانية انا الحين ندمانة اني ما انجحت بالانجليزي برجع ادرســـه كورس كااامل

ولاتستهيينين انا قلت خل انقبل بالاول بعدين يصير خيــر .. دشي دورااات وان شاءالله بتنجحيـــن بس طبعااا مع مجهوودج شدي حيللج قد ماتقدرين ..

 

[تشـcakeـيز]

ما عليه إختي ادري ثقلت عليج بس شسوي

سؤال أخيير بالدورة يعطونكم مذكرات او شي وهم يمتحنونكم قبل الأمتحان الأخير ؟؟

لأن اللي يجي بالإمتحان مو نفس المذكرة كلش

ملاحظة : انا متخرجة هالسنه ونسبتي 92 بس ما دخلت الكليه اللي أبيها عشان تأخرت بالقدرات عاد سحبت اوراقي من الجامعة على أساس اقدم الكورس الثاني شهر واحد وبجذي يكون عندي فرصة آخذ قدرات شهر 12 وهذي بتكون آخر محاولة لي عشان جذي انا حييل خايفة وشايله الهم وودي أحقق رغبة اهلي بعد :eh_s(2):

ومشكووورة إخت الماس وبالتوفيق يا رب :balo​

:

 

[الـمـــــاااااس]

لا شدعوه ولوو

سؤال انتي اي كلية تبين ..؟

ويعني نسبتج مادخلتج ولا قصدج بتنجحين بمتحان القدراات عشان تعدين كوورس رياضيات تمهيدي ؟

 

[الـمـــــاااااس]

وبالنسبة للدورة .. للأمانه انا ماجربتهاا بس أتوقع انهااا تفيــد اذكر معااي وحده العاام داخلة دورة انجليزي ونجحت وانا نفس مستواهااا سقطت انتي ييــبي مدرس ودخلي دورة ضغطي على نفسج ماعليـــه شهر بس وان شاءالله بتدخلين الكليــة اللي في بالــج << والله تدعيــلج .

 

[تشـcakeـيز]

انا سجلت رغبتي الأولى طب والثانية علوم اجتماعية لا تسأليني ليش لأني مادري والمشكله اني حيييل اكتئبت لما قبلوني
وحصلت زف الله وكيلج لأن الكلية أدبية وبعيد كلش عن دراستي وميولي

ولما فكرت لقيت ان مجال الطب ما احبه والحمدلله كانت خيره لي اني ما انقبلت عاد حطيت في بالي الهندسة وشكثر شجعوني لأنه اهون من الطب قالوا لي لو انج كاتبتها جان انقبلتي بس انا ابي انجح بالرياضيات لأني ساقطة فيه بالدورات وأبي ارفع المعدل وما ابيه تمهيدي لأن ظاع مني كورس وما ابي اتأخر حييل بالدراسة
وإن شاء الله بآخذ بنصيحتج وأتوكل على الله

ادري دوختج خخخخ مشكووورة والله يوفقنا يا رب ويحقق كل طموحاتنا

 

[يالبيه 17]

الماس فدديتـج مشكوووووووووووووره ياقلبي


وتشيز كيك الله يوفقج ياقلببي ...

 

[الـمـــــاااااس]

لا عااادي شدعوووه

اجمعيـــــــــن يااارب