بنات متى احس بحركة الجنين ؟؟؟

[اخت خالتهم]

السلام عليكم ورحمة الله وبركاته


شلونكم


بنات حدددي متضايقة انا بالاسبوع ال18
نهاية الرابع بداية الخامس
وما احس بحركة البيبي قبل 10 ايام مسويه سونار والحمدلله بخير
بس الدكتور قالي الايام الجايه بتحسين بالحركة
ماااحسيت :eh_s(2):


متى لازم احس

 

[ملاك ^ الحب]

عادي انا نهايه الثالث احس بالحركه في بنتي الكبيره والحين نفس الشي

مرت اخوي نهايه الخامس او بدايه السادس تحس بالحركه واهيا بعد في بناتها تحس فيهم متاخر

الحمد الله السونار كل شي زين خلاص مع اني حاسه باحساسج وانشالله الايام اليايه تحسين بالحركه
*

 

[! بــدويه وآآيــد !]

،



قوه لج وحشه وحشه وحشه وحشه:*
ودايما ادش على ردودج اتطمن عليج واتقصى اخبارج
توقيعج موصج ترى حدي محتره منه


حركة الجنين ترى مو مثل بعض يعني نطري شوي وانتي تطمنتي كل شي اوكي موشرط تحسين فيها الحين
وترى بداية الحركه تكون رفرفه خفيفه حيل بالبطن حتى تشكين ماتدرين هذي حركه والا لا ماحسيتي بجذي؟ اهم شي لاتوسوسين ماكو الا العافيه ان شاءالله
انا بولدي حسيت بالحركه مبجر وحتى لما قلت للدكتوره حسيت برفسه مره انصدمت قالت توه نتفه شلون رفس لووول ومن كثر حركته يبين علي كان لما اقعد عند حريم هدومي ترجف وتتحرك بروحها كان دايس ببطني وعليا لوول والحين حدي متلعوزه معاه اسم الله عليه حركي حركي واخاف اشيله واهوا مو مهد ينط ويناقز وانومه بصوب يزحف الصوبالثاني عسى الله يهديه ويخليه لي

وامي باخوي ماكانت حس بحركته كلش كلش تقول ولاجنها حامل ماكو حركه وولدته وحيل هادي بس نايم ويرضع حتى مايبجي والحين كبر اصغر مني بسنتين وفيه برود الدنيا كلها لوول يمكن الي ببطنج جذي
الله يتمم عليج يارب ويرفسج كل يوم ان شاءالله :**

 

[اخت خالتهم]

ملاك الحب
هلا والله حبيبتي انا خواتي من الرابع عشان جذي خفت


بدوويه
هلاااا وغلاااااا والله زعلانه عليج
رساله ولو جبر خاااطر ههههههههههه
بخصوص اللي قلتي جم مره احس بشي بس اشكك نفسي لان مو رفسه
مو نفس اللي يقولون
يعني شعور غريب
والله يخليلج الغاااالي ولد الغاليه فديته اهو وامه
شلون الامومه ؟ حلوة ؟


وعلى طاري توقيعي موووتي من الحره ياني هديه هههههههههه

 

[&هند&]

حبيبتي لا تحاتين انا حسيت بحركة البيبي بهاية الرابع وكنت ساعات اشك اني حسيت فيها مثل الغازات خفيفه ومشاء الله الحين مزعجني خخخخخ يقومني من نومي فديته

والفال لج يزعجج بحركته وذيك الساعه تساحلينه حبيبي اركد خخخخخخخ

 

[بيبي غيرل]

هههههههههه ياا حليلج ذكرتيني بنفسي والله اني اول الخامس كنت اتحرى حركة البيبيي ع نار
تطمني حبيبتي توقعي اخر الخامس اول السادس والاكيد الاكيد اخر السادس واول السااااابع بتشبعين ترفس وبكسات بعد
ههههههههه انا بنتي الحين جذي تحركت اخر الخامس وكانت خفيفه الحركه تحسين سمجه تسبح فبطنج شي صغير وباول السادس ماشالله شدت حيلها اهي فناقر ومناقز على بكسات وترفس هههههههههه


عسى الله يفرحج قريب وتشوفين البيبي يتحرك شعور حلو وغريب سبحان الله

 

[Habibat Abooha]

انا حسيت برفه مادري شلون شعور وايد غرريب بنص الثالث
سألت امي قالت يمكن تكون غازات البطن
ريلي يقولي يتهيألج تووج
ليما سألت دكتورتي قالت هذي حركته
والحين احسه بيطلع من بطني لي تحركك جنا بطني بينشق لوووووول
الله يحفظه والله يرزقني شوفته تام الخلق
وكل محروومه يارب العالمين

 

[شموخي اتعبهم]

اااب لعيونج

 

[q8helwa]

عادي حبيبتي علا حسب كل حامل
انا حسيت فيها باول اسبوع من الخامس

 

[موت وميلاد]

انا حسيت بنص الرابع

 

[english muffin]

انا جنه نفسج ما اذكر بالضبط
بالخامس جذي بديت احس

 

[اخت خالتهم]

مشكوريـن بنات على ردودكم

و ناطرة تجارب اكثر

 

[منيرة خالد]

الله يتمم عليج وتقومين بالسلامه


كل طفل يختلف عن الثاني

بالليل ارتاحي ونامي على جهة اليمين ونظمي تنفسج وحطي ايدج صوب الرحم وبتحسين بحركة الطفل

انا واحد من عيالي كان باااارد بحركته واللحين عمره ١١ سنه وللحين بارد وبطئ وماله خلق يتحرك


والثاني يرفس بشكل مو طبيعي وسبحان الله للحين ما يعرف يقعد بمكان واحد وحركي وعبث


فلا تحاتين

 

[زين ودلال]

نص الخامس تحسين فيها

قبلها تحسين برفه خفييفه ماتميزين جنها غازات

 

[زين ودلال]

وصجج ترى كل ياهل يفرق

 

[گـحِـلْ |~]

آآب لعيـونج خخوختنا

 

[غرام القمة]

الله يتمم عليج

 

[ديانا سبنسر]

اخذيها مني بجر من نهاية الخامس بداية السادس

 

[أكذب عليك]

الله يتمم عليج يااارب
انا ماحسيت بحركة بنتي الا باول السادس
والحركه لا تحرك بتحسين انها حركة بيبي لانه مرات بتعورج
ومرات تضحكج عسي الله يفرحج باللي في بطنج يارب 

 

[القلب النازف]

لا تحاتين دام الدكتور قال ان امورج طيبة

أنا عن نفسي كنت احس بحركة خفيفة حيل من الاسبوع 24

لا وهي حركتين ولا ثلاث مو اكثر

وما قمت أحس فيه عدل كل يوم واحس بحركاته قوية نفس اللي يوصفونها البنات

الا يوم دشيت السابع مع انه كل ما اروح للسونار يكون يلعب ببطني لعب


بس دكتورتي قالتلي ان سبب عدم شعوري بالحركة هو ان رحمي كان مشدود

وبطني مشدودة حيل وأحيانا تجيني تقلصات ولأني ما اشرب ماي وايد

كل هذا ممكن يأخر احساسي بالبيبي لكن مو معنى هذا انه ما يتحرك.



المهم الحين انك اذا فقدتي الحركة تشيكين كل شوي خصوصاً من بعد الأسبوع 25