بنات لي قدمت علي بنك المركزي دزولها مسج اليوم

[^كويتية^]

امتحان التخصص صعب شوي لانه كان كله بالعربي
مو متعودين على المصطلحات بالعربي
بس اول جزء احسن من الثاني
الاخير سهل الحمدلله
الله يستر

 

[م عسول]

ما شاء الله كانوا المقدمين وااااايد ما توقعت جذي

اهما البنك جم ببون حق كل تخصص ؟؟؟

ما عندكم فكرة

الله يسهل

 

[Basho0or]

لا والله للاسف ما اعرف حتى انا ودي اعرف شكثر يبون

الحين عاد نقعد ننطر جذي لما يدقوووووووووووون
حاله الانتظار المزعجه

 

[Basho0or]

تعتقدون شلون بنعرف النتايج؟؟؟
اليوم دقيت محد عبرني
بليييز بنات الي يدقون عليها عشان المقابله تقولنا :d

 

[honey lust]

مالي خلق المقابله

سمعت انها صعبه

 

[mweegah]

تلوع الجبد المقابله انا بعد مالي خلقها

 

[eLzain]

Chevy

صح كلامج الاغلب عنده واسطه وماشوفهم يتوظفون !!! اذا مثلا مكان يبون ثنيين فقط والي مقدميين ١٠٠ مثلا وخل نفرض كلهم عندهم واسطه منو بوظفون !؟

اللحين اغلب الاماكن صارت امتحانات ولويه قبل التقدييم وحتى وقت التقديم اذا مو مستوفيه شرط واحد لو شنووو مايمشونها واذا فعلا ثبت انه في احد مو مستوفي الشروط ومشوو اوراقه تقدرين تقاضيينهم

والمقابلات صارت لجاان مكونه من اكثر من شخص وكل واحد بيده درجه معينه

كل هالاشياء عشان يحدون من سوالف الواسطاات ... لاتخلوون احد احبطكم في هالكلمه الي يقولكم لازم واسطه ردوا علييه اذا لنا نصيب ورزق بناخذه


صراحه انا شايفه كل الي ماينقبلون قاعد يقولون وااااااااااسطه !!!!!! شهل منطق بعد اذا اهما يبون عدد معين والي مقدمين عدد كبيير بياخذون منو ولا منو اكيد الافضليه حق الاحسن


بالنهايه كلشي رزق ونصيب ومنه له رزق بياخذه محد بياخذ رزق غيره والخيره فيما اختاره الله وثقوا تماما اذا ماكان لكم نصيب في هالمكان فان شاء الله الله خاشلكم الاحسن

صح كلامج 100 %

اسالو مجرب :eh_s(9):

قبل سنه ونص تقريبا كنت مقدمة في شركة شليمبو جير للخدمات النفطية .. طبعا تخصصي بكالريوس تقنية معلومات + برمجه حاسب الي و عندي دورات في ( برمجه سي ++ بتقدر ممتاز + شبكات + قواعد بيانات اوراكل + ICDL + CCNA + شهادة من البرتش كونسول اني اجتزت المستوى المتقدم للغه الانجليزيه ) و كنت توني متخرجه لكن اشتغل على عمري بفتره الدراسه طبعا ....

اللي صار دقو علي الشركه و قابلوني و نجحت بالمقابله الاولى والثانية و كان في تنافس بيني وبين شخص ثاني كان ( رجل ) ..

و كنا متعادلين بالدرجات :bbbiu:

تدرون شاللي صار :eh_s(11): اختارو الريال و اعتذرو لي ... تدرون ليش !!!

طبعا انا رحت وما سكت سالت عن السبب ؟؟

و قالولي طبيعه العمل بالشركه و خطر المكان اختارو الريال ... طبعا المسؤولين اجانب ماعندهم حب خشوم لووووول ...

و لمه شافني ما اقتنعت وراني وين الشغل و قالي شنو طبيعه العمل وو خلاني اكلم واحد من الموظفين اللي برمجه حاسب الي كانو 6 اشخاص بالقسم ( بنت امريكية + انجليز 2 + 3 هنود ) و السابع كان كويتي ما شاء الله ..

و اقتنعت 100% انه ما يصلحلي ... سبحان الله تبذل الاسباب لكن بالنهاية اللي الله كاتبه يصير

و الحين مافي شي اسمه واسطات هذا حجي فاضي المكان للافضل :eh_s(17):

ربي يوفقكم حبيبااتي :yaaaaaarb:

 

[mweegah]

حبيبتي انا شخصيا انا مو احد ثاني معدلي امتيااااااز و البنك المركزي خذو ناس اقل مني اعرفهم معاي بالجامعه اعرفهم
انا بالانجليزي فلونت و الامتحان سويت فيه بيرفكت و امتحان التخصص هم سويت وايد زين, و جاوبت كل اللي يبونه بالكقابله و خذوا ناس اقل مني لان ما عندي واسطه, الواسطه تفرق
النفط لو تشوفون اللي خذوها و ما خذوني معدلها حتى مو 3 نقاط و كلمتين على بعض انجليزي ماكو
تكفون اللي ايده بالماي مو مثل اللي ايده بالنار
انا اعاااااااني و انا متفوقه

 

[frawlah_83]

^
^
الله خاشلج الاحسن ان شاءلله ماتدرين يمكن خييره لج انتي بذلي الاسباب وتوكلي على الله اذا المكان مكتوبلج بتاخذينه لاتحاتيييين محد بياخذه منج الله يسخرلج عباده الي يسهلوون امورج .. حطي هالشي في بالج وانتي نفسيا بترتاحيين ... ونصيحه المكاان الي تقدميين فيي انسيييه لاتقعديين تحتاتيين وتفكريين وتاكليين بروحج كله قولي حق نفسج اذا لي نصيب باخذه ان شاءالله


كلنا نعاني مثلج ومتفوقين وكلنا بنفس المركب انا عندي خبره خمس سنين قطاع خاص واللحين بكمل 8 اشهر من استقالتي وليلحيني احوس وادور شغل * الحمدلله على كل حال

 

[Basho0or]

انا لي خلق ابي اشوفهم ;p
بس لي الحين مادقواااا صح ؟؟؟

 

[Basho0or]

السالفه مو سالفه تفوق ولا سالفه واسطات

السالفه انج تعرفين تقتنصين شخصيه الي يقابلج وتجذبينه
ماقصد تجذبينه بشكلج ... بالعكس روحي طبيعيه قد ماتقدرين
وايد بنات ماشاءالله شطااار بس ماعندهم مهارات التواصل وهذي مشكله كبيرة انج قاعد تظلمين روحج



بتركيزكم عالواسطة قاعد تعطون روحكم افكار سلبيه ... خلكم واثقين من نفسكم ..... حتى لو المكان كله واسطات ممكن يعتبرونج استثناء ويقبلونج ...

 

[م عسول]

بنات محد دق عليكم من البنك علا المقابلة


الظاهر بعد العيد

اذا كان لنا خيرة نشتغل فئة ان شاء الله

​

 

[Basho0or]

ترى مداومين من امس
العموم معطل والبنوك دوامات ;p

 

[Chevy]

لا بس البنوك الخاصه مداومين البنك المركزي مو مداومين
يالله خلص العيد بنبدي حنة "متى يدقون حق المقابلة" من الأحد ان شاء الله لوووول

 

[frawlah_83]

لا بس البنوك الخاصه مداومين البنك المركزي مو مداومين
يالله خلص العيد بنبدي حنة "متى يدقون حق المقابلة" من الأحد ان شاء الله لوووول

لا البنك المركزي مداوم اصلا مايصير البنوك تشتغل دوام رسمي واهو معطل المعاملات ماتم الا عن طريقه
واهوا الي يحدد اذا البنوك اداوم ولاتعطل بالتعاون طبعا مع اتحاد المصارف

يمكن مو كل اداراتهم اداوم *

 

[Chevy]

اييييه يمكن مو كل الادارات اذا مداومين لان اعرف موظفه اهناك مو مداومه و اختي قالتلي بس الخاص مداومين

 

[م عسول]

الله الموفق

اذا كان لنا خيرة انتوظف فيه

 

[Basho0or]

لا البنك المركزي مداوم اصلا مايصير البنوك تشتغل دوام رسمي واهو معطل المعاملات ماتم الا عن طريقه
واهوا الي يحدد اذا البنوك اداوم ولاتعطل بالتعاون طبعا مع اتحاد المصارف

يمكن مو كل اداراتهم اداوم *

انتي كنت موظفه هناك صح ؟؟
اذا سؤال حيل شخصي اعتذر عن لقافتي :d
عندي مليون سؤال وسؤال وكله ادق عليهم ومايردون واذا ردوا مايجاوبون على اسئلتي

 

[Basho0or]

انا انقبلت بمكااااان بس قاعده امااااطل ناطرتهم يردون
اذا انكتبتلي وانقبلت بالمركز ماتسوى اداوم اسبوع اسبوعين واقدم استقالتي فشله xd

 

[frawlah_83]

بشوور لا انا مو موظفه اهناك بس انا مقدمه معاكم بس انا على اعلان الخبرات

بس عندي خبره خمس سنين قطاع مصرفي فشوي اعرف بسوالف المركزي

شنو اسئلتج سالي يمكن نقدر نجاوب عليج والبنات اهني مايقصرون