بنات لا ادقون على اي وحده تيي البيت ضروووووري حقككم بنات دشوا

[to0taa]

السلام عليكم ..

بنات والله ضايق خلقي مابي اقطع رزق الحرمه بس بنبهكم من اجربون أي وحدة ( على ضمانة كلام البنات هني بالمنتدى ) ادري ان الناس اذوااق بس هذي شغلها حتى اقل من العادي يعني شغلي العادي بالبيت احلا بخمسين مره .. خل اقولكم انا المقرودة شسويت

عندي عرس و كنت متعيزة اسوي شعري و كنت ماخذة رقم جم وحدة من المنتدى هني ..

جان ادق على وحدة اسمها نجوى مصرية سألتها انا واختي بنسوي انا شعري لي تحت جتفي بف و ويفي قالت 15 و اختي طويل لي اخر ظهرها بتسوي كبه جان تقول أي تسريحه ب 25 قلنا اوكي علبو انها تيي البيت

المهم انا شعري بس مشت من عندنا صار جنه جنه سااح يعني قاعدة بالعرس جني منشفته هوا هذا و انا حاولت ارقع فييه و اعدل بفها الخرطي و السبراي اللي حطته ريحته تييب المرض حده بو طقه و اختي كبتها فجأة بالعرس انفلت من تحت صوب رقبتها قعدنا بالحمام نعدلها واللي بط جبدي انها مو راضية تنزل بالسعر يعني اختي بس سشوار و كبه مو ويففي اللي تعبت عليه ..

.. والله لو مسويين حق رووحنا احلى

المهم هذي اسمها نجوى بداية رقمها 6689

يا رب سامحني والله مابي افضحها بس الصراحة شغلها خربوطي و وصلت مستعيله و شكلها ما يريح يعني كلش مو صالونه ما ارتحتلها كلش ..

 

[Asrarie]

ويي الله يعينج والله يا حلو صالون بيادر تسريحه ومكياج ب10 دنانير وشغلهم حلوو وناعم

 

[اسواريه]

ما احب اجيب وحده بالبيت اروووح للصالون احسلي

 

[ام ساره 4]

أستغفر الله العظيم يله حصل خير ومره ثانيه جيبي وحده ثقه أو روحي الصالون أحسن ومعوضين ان شاء الله​

 

[to0taa]

اي والله تووبه
ان شاء الله محد تحوشه هالحركه
و بنات عفية رفعوا الموضوع خل ينبهون البنات
و مثل ما مسويين موضوع حق اللي اييون البيت ( االي خذيت رقم نجوى منهم ) يا ريت يتثبت موضوع حق اللي شغلهم غلط و و مو مضبوطين عشان يستفيدون البنات

 

[الملكهA]

مادري متى نقرض هالاشكككااااال

 

[بنت احلام]

حتى انا بعد مره دقيت على وحده علبوه تجي البيت والعرس اساسا بعيد عنا يعني مو من قرايبنا قلت ابي اي شي او شي عادي على الاقل
وجتني وحده مصريه والله شغلها ارف ارف قطيعه اسفنجاتها وبودرها بوطقه ومعفنه اهي اساسا ووووووع
خربطتلي حواجبي وطريقه الكحله والشدو امبي اي شي هههههههههههههههه

كنت تحفه العرس هذاك اليوم

 

[$حبيبة عبودي$]

وييه فشلتكم ..

 

[دلوعة المنتدى]

يا عمري ما عليه والله فشله

 

[✿فيْۈنڪْہ✿]

لاحــول ولا قــوة إلا باللــه ليــش جــذيه ...صــج فشلــه ..

مشكــوووره حبيبتــي ع التنبيـــه ...

 

[أط أط]

والله من ناحيتي ما أثق بمصرية كلش ..

مع إحترامي لهم .. بس أحس ما يعرفون بالتجميل كلش ..

عموماً لا يضيق خلقج وكل طراق بتعلومه ..

وأنا بعد ما أفضل اللي أييون البيت .. لأن شغلهم مو ذاك الزود ..

أفضل أروح الصالون ..

بس شتسوين أحياناً تحوشج ظروف ما تقدرين تروحين ..

مشكورة على النصحية والتنبيه ..

 

[نوارة الفدعه]

يالله ماعليه خيرها بغيرها وبصراحه عن نفسي انا ولا عمري
يبت صالونه بالبيت احسن شي تروحين للصالون
وتشوفين شغلهم على الزباين الي عندهم وتقيمين اذا كان حلو او لا

 

[&موناليزا&]

مشكورة حبيبتي على النصيحه

 

[ام عزيزان]

حتى انا ما اثق في مصريه مع احترامي لهم

لو طالبه هنديه ابرك لج

ماعليه كل وحده منا تتعلم درس في هذى الدنيا

والله مره طلبت هنديه اسمها نزييه يا حلات مكياجها وايد حلو وشاطره

ويابت معاها للشعر اسمها ام عبدالله مره عوده بس سوت شعورنا حلوه

 

[نور مغليها]

88
صح ...

انا بعد مرآآ كنا مسوين حفله لإختي بعد عرسها بس كانت مغربيه جبت وحده تسوي شعري مالي خلق اروح الصالون المهم جان تقول لي انتي يصلح لج لف بالرغوه !! وخرررربته لي مع اني اعرف شعري نآعم واذا سويته برغوه يصير جني متسبحه ..

بس كىن وعع وع اشوأ انهم حفله عائليييه

 

[فرزاشيهـ]

جزااج الله خير .،،نبهتينه مره ثاانيه رووحي صالون احسن

 

[• JoJo •]

اخذي وحده ثقة المرة الجاية او الافضل تروحين حق الصالون

 

[الكيكه دندن]

هههههههه الله يعينج انا اسويي حق روحي ونادرا ما اروح صالون
عاد وايد اللي شغلهم مو شي

 

[to0taa]

اي والله بس توبه
عاد انا اعرف بس يومها صج متكييسله
الله يسامحها

 

[غلاي عزوزي]

احتراما لهالجنسيه اللبنانيين اهم اصل الاناقه وشغل الشعر والميكب اب اتشاائم اذا سوت شعري مصريه بصالون