بنات كلية العلوم(( طبيعية , بيولوجية )) فديتكم حياااااااااكم

[o.magic.o]

في مادة أساليب تفكير عند علي الهولي بس اتوقع مو مطلوبة على طلبة العلوم و تعتير اوفر لود

و بالنسبة حق الانجلش مثل ما قالت كوين الدكاترة حقانيين بهالقسم يعني انسي سالفة انه يزيدونج درجات

ما عندهم شي اسمه كيرف .. بس اذا بتدورين دوري على دكتور شرحه تمام ..

و يتساهل بتصحيح الكويزات لأنه الكويزات اهي اللي بايده أما المدتيرمات مو اهو يصححها

انا 161 خذيتها عند دكتور مو زين فـما اقدر افيدج لأني مو مجربه باجي الدكاترة ..

موفقه قلبووو

 

[Babystyle]

بنات اللحيين في فرق بين المادة المطلوبة والاوفر لود ..؟؟

يعني اذا خذيتها مايحسبون عدد الوحدات علي بس المعدل ايدخلونه ولا شالسالفة ؟؟

اي صح والسؤال الثاني التوجيه والارشاد موجودين ولا معطلين ..؟؟

والسؤال الثالث لوووووول ادري مصختها منو اتعرف عن تخصص الاحصاء ..؟؟

والشي الرابع السحب والاضافة صج يوم السبت واي حزة ..؟؟



شوكرن عفون

 

[lo2ad]

قووووه

متي نلتقي
أنا خذيت 161 عند بسمه الشعار تصليحها وايد عجيب في الكوزات و شرحها بعد حلو و تفهم انصحج فيها..

.......
o.magic.o
عدل اساليب التفكير مو مطلوبه و انا مسجلتها بس بسحبها لانه قالولي اوفر لود ....
.....
sh3ola
الفرق انه الاوفر لود تنحسب بالمعدل بس ما تنحسب ويا عدد الوحدات أما الماده المطلوبه تنحسب معدل ويا عدد وحدات
السحب و الإضافه تاريخ 13-9 بس ماادري عن الحزه اعتقد انه مبطل ..

و موفق بنات .

 

[Babystyle]

تسلمين حبووبة :eh_s(6):

 

[lo2ad]

الله يسلمج حياج

 

[Babystyle]

up

up

 

[gzlan]

قوه بنات

عندي سؤال

يصير اول يوم الدوام مااداوم؟؟

 

[bent_7awa]

بنـــــاااات عادي لا تخافون من الاوفر لود انا عندي مادتين ولاب
اوفر لود

وترى الاوفر لود يدشون بحسبت المعدل وبعدد الوحداات بس ما يحسبونها من المجر شييت بتاعتك ...فهمتوا علي!!

وغزلان ..يصير ماتداومين بس تتسجلين غياب اذا الدكتور حضر ..وبعدين المحاضرة الاولى دايما تكون

مهمه جدا جدا لان الدكتور يشرح فيها كل شي عن نظام مقرره وتوزيع درجاته واذا يسمح بالتاخير او لا

فانصحج ما تغيبين ..

 

[Queen_Angel]

غزلان مثل ما قالت بنت حواا اول محااضرة مهمة حيل عشاان تعرفين نظاام الدكتور وتوزيع الدرجات و-----الخ.....

فانصحج لا تغيبين..

 

[السنافر]

بالنسبة حق 161 انا خذيت عند نانسي وكانت حدها عجيبة وكلاسها يونس
اما المواد الاختيارية فانت عندج مواد معينه تقدرين تاخذينها يمكن مادتين يعني كل تخصص غير فانتي شوفي التخصص اللي تبينه جم المواد الاختيارية اللي فيه واي ماده تاخذينها زياده يعتبرونها اوفر لوود
والغياب انصحكم ما تغيبون كلش عشان يصير لكم ويه اخر الكورس تكلمون الدكتور عشان يرفعكم لان راح اتحسفون<<< نصيحة مجرب لول

 

[gzlan]

واااي يارب اخاف شكلي بسافر ومادري ارد بهالوقت ولالا

 

[Babystyle]

بالنسبة حق 161 انا خذيت عند نانسي وكانت حدها عجيبة وكلاسها يونس
اما المواد الاختيارية فانت عندج مواد معينه تقدرين تاخذينها يمكن مادتين يعني كل تخصص غير فانتي شوفي التخصص اللي تبينه جم المواد الاختيارية اللي فيه واي ماده تاخذينها زياده يعتبرونها اوفر لوود
والغياب انصحكم ما تغيبون كلش عشان يصير لكم ويه اخر الكورس تكلمون الدكتور عشان يرفعكم لان راح اتحسفون<<< نصيحة مجرب لول

يعني عادي اخذ مادة اختيارية افور لود .؟؟

يعني اللحيين انا ابسجل 12 وحده ومن ضمنهم مادة اوفر لود ينحسبلي هالكورس 9 ؟ ولا 12؟

 

[Queen_Angel]

شعولة اعتقد تنحسب لج بس ما تنحسب المادة في صحيفة التخرج يعني اذا انتي المفروض تاخذين 140 وحدة لما تتخرجين تكون 143 انا هذا اللي اعرفه ...
بس ليش تاخذين ماادة زياادة اخذي مادة اختيارية تنحسب لج احسن وتكون من الموااد الموجودة في الميجر شيت..

 

[السنافر]

يعني انا اشوف ماله داعي تاخذين اوفر لود الا اذا كنتي مضطره وموادج الاختيارية خلصوا وتبين ترفعين المعدل
لان لا سمح الله اذا خذتي درجه مو زينه راح يأثر وايد على المعدل
غير جذي لا تاخذين لانها تصير مضيعه وقت صراحه اخذي ماده بتخصصج احسن

بس الكورس راح ينحسبلج 12 عادي مو 9

 

[Nawara90]

قوه بنات

رفيجتي ودها تتخصص ومحتاره بين اثنين واتمنى تفيدونا

تخصص المايكروبيولوجي وتخصص علم النبات..

منو أحسن من ناحية الدكاتره ووظائف مستقبلا؟

وشنو الأسهل؟

واكووون شاااكره لكم ^_^

 

[السنافر]

التخصصين دكاترتهم زينين والوظايف تقريبا وحده
بس بالنسبة حق المايكرو اكو وايد طلبة متخصصين فيه وصاير ضغط على هالتخصص لانه الاسهل اما علم النبات فهمو تخصص نادر اهو هم حلو بس الصعب اللي فيه انه فيه اسامي لاتينية تخربط الواحد واكو صعب عليهم يحفظون اسماء صعبه

 

[Nawara90]

مشكوووره السنافر

انزين شنو تنصحيني؟ الافضل مايكرو ولا نبات؟

ويعطيج العافيه

 

[~MaNaR~]

شعوله انا تخصصي احصاء وعلى ويهه تخرج ان شاء الله

امري شنو تحبين تعرفين عن التخصص ؟

 

[Babystyle]

شعوله انا تخصصي احصاء وعلى ويهه تخرج ان شاء الله

امري شنو تحبين تعرفين عن التخصص ؟

هلا والله :ggdw: زين في احد تخصصه احصاء فديتج والله :eh_s(6):

حبوبة اول شي انا ابتخصص احصاء ان شالله حلوو ؟ واباخذ مبادء احصاء حلوو ؟؟

انتي اشرايج بهالتخصص واشلون مابعد التخرج يعني الوظيفة حلوة ؟؟ واامانه دراسته صعبة ولا اشلون ؟

وينزلولكم مكافأة كل كورس ولا بس التخصص النادر اينزلولهم


ادري اسألتي وايد :0bee2e8d89:

شوكرن & عفون :tek:

 

[~MaNaR~]

هلا والله :ggdw: زين في احد تخصصه احصاء فديتج والله :eh_s(6):

حبوبة اول شي انا ابتخصص احصاء ان شالله حلوو ؟ واباخذ مبادء احصاء حلوو ؟؟

انتي اشرايج بهالتخصص واشلون مابعد التخرج يعني الوظيفة حلوة ؟؟ واامانه دراسته صعبة ولا اشلون ؟

وينزلولكم مكافأة كل كورس ولا بس التخصص النادر اينزلولهم


ادري اسألتي وايد :0bee2e8d89:

شوكرن & عفون :tek:

التخصص وايد حلو واسهل شي بالعلوم القسم فيه تخصصين احصاء تطبيقي و بحوث عمليات

والدكاتره بعد وايد زينيين انا اللحين بتخرج والحمدلله أغلب الدكاتره

اللي خذيت عندهم طيبين ومتفهمين ويساعدوون واغلبهم يعطون كيرفات

المواد حلوه صج يبي لها دراسه بس

الدراسه تعتمد على الفهم اكثر شي لأن أغلب المواد فيها شيت

يعني ما تحفظين قوانين ولا شي كل القوانين تدخلينها معاج الامتحان

ومرات الدكاتره اهما اللي يعطونج الشيت جاهزه

انتي راح تأخذين مبادىء عند منو ؟!!

والوظيفة قبل فترة يوا عندنا جمعية الاحصائين

وشرحوا لنا عن الوظيفة وقالوا ان في كادر حق الاحصائي

وكل الوزارات فيها قسم احصاء وتقدرين تشتغلين بالمستشفيات بعد اذا تحبين

ما عندنا مكأفاة اللحين لان الاحصاء مو تخصص نادر

بس في كادر بعد التوظيف ان شاء الله