بنات كلية العلوم بغيتكم وللي يعافيكم

[Nanoosa]

السلام عليكم

بنات انا الحين بكلية التربية الاساسية و الحمد لله مرتاحه فيها بس من زمان كان بخاطري كلية العلوم من كنت بعاشر و محد شجعني كلش ايام الثانوية يقولون التربية اريح و العلوم صعبة فسجلت بالتربية تخصص انجليزي

الحين جنه بخاطري كلية العلوم أقدر اسجل قدرات و احول من التربية للجامعه؟ و تهقون يقبلوني؟ (للعلم انا ولا مرة سجلت قدرات)

و اذا اقدر احول شرايكم يا بنات كلية العلوم اتوكل على الله و اييكم ولا اقعد بمكاني؟

 

[~ miss NERD ~]

و عليكم السلام,

انتي قلتي انج مرتاحه ليش بتحولين اذا مرتاحه؟

اهوا مو تحويل "اتوقع" تسحبين أوراقج من الاساسيه عشان تقدمين على جامعة الكويت
بس تسجيل الكورس الثاني حق جامعة الكويت بدى من اليوم اليمعه
و العلوم على حسب المجال اللي بتدشينه و ماكو شي صعب اذا حابته
بنت عمي علوم و حدها مرتاحه بتخصصها
العلوم يبونج بس تنجحين بالقدرات مو الا درجه زينه,
و اذا ما نجحتي او ما قدمتي عالقدرات تاخذين تمهيدي


" ارسي على بر ما عرفنالج "

موفقه بنت خالتي;*

 

[Nanoosa]

مو يا وخيتي كل شي ادبي اللي قاعدة ادرسه لاعت جبدي ولهت عالاحياء و الجيولوجيا

يعني الانجليزي حلو بس و الله انا من زمان بخاطري علوم و راسية عليه من عاشر

مشكووورة حجية :**

 

[MISS __Fato0]

عندج تخصص علوم ورياضيات وحاسووب بعد ...ما ادري بس كليه العلووم كليه صعبه وكل الي اعرفهم حولوا منها يا دشوا الاساسيه ولا راحوا مكان ثااني
وبالتوووووفيق

 

[P!Nk StraWbeRRy]

ما انصحج تدشين علوووم ... كل الخريجين العلوم صاروو مدرسين علووم كل هالتعب اللي تعبناه وصرنا مدرسين لو داشين تربية أبرك و أغلب تخصصاتنا لما تخرجنا ماكو شواغر بس التربية او الصحة .... يمكن اللي يلقون وظايف عندج احصاء و الحاسوب ... اذا تبين معدل لازم تنسين العالم وبس تقعدين تدرسين يببيلها مجابل ... والله أحسن تقعدين بالتربية الأساسية لانه نفس شي راح تصيرين مدرسة ... استخيري وشوفي والله يوفقج

 

[ميس المشاعر]

استخيري الله انااا كنت علووم وحولت
ودامج مرتاحة ومستقرة كملي لا تحولين ولاا عواار الراس
شوفي بصرااحة أغلب اللي كانوا بالعلوم حولوااا كليات ثانية واللي اقعدوااا يدعون الله ليل نهااار يبون يتخرجووون
يعيدون بعض المواد مرتين وثلاث وووو الله يكون بعونهم وآخر شي وظيفة حالهم حالناااا
الله يوفق الجميييييع