بنات كلية التربية الاساسية ......حياكم جميعا

[بعيون مغليك]

لا تسجيلنا بكره الحاسوب وعلوم ورياضيات واقتصاد هذا الي اذكره
والاربعاء القسم الثاني كله

المهم شلون ارفع المعدل يعني اخذ مواد سهله قصدج منو يعني


ماهي المواد السهله يا ترى وانتي شنو خذيتي اول كروس


اذا الجدول ثاتب شلون اختار اني ما ابي برجمه ابيها بعدين



تسجيل الجدول هل يحتاجون طابع ايراد بو خمس دنانير وشنو يحتاجون بعد للهويه

 

[أسيرة موني]

ريماااااااااااس ,, هذي ام حجاب اسلامي لوووووووووووول

عرفتيها بتولو منووووووو ههاااااااااي ,,

حسبي الله على بليسها ,,

لاتاخذين عندها لو شنووووووووووووووو



البتووووووووول ,,

شكلي بسحب الفرنسي

مادري احس مو مرتاحتله ,, بس اذا برد في باص بخليه ,,




ريماس خيتو

شوفي انتي لم تروحين مناك ,, التسجيل

لازم يكون عندج طابع خمس دنانير تاخذينهم من الصندوق ,,

بعدين تروحين المسرح ورا الكلية عشان تسجلين ,, توقفون طابور مثلنا :/// جنا ناطرين خبز عند الجمعيه

و لم يوصل دورج يعطونج 3 نماذج فيها مواد ,,يعني كل جدول يختلف عن اوقات الجدول الثاني ,,

ويكون فيه تشابه بسيط في المواد و الدكاترة ,,

في مواد تاخذينها لانها مسبق مواد ثانيه ,,

ومادري اذا البرمجه لازم لها مسبق ,,

اسألج صديقتي واقولج ان شاء الله اذا شبكت الحين اذا ما شبكت نطري الفير

الهوية مالهم شغل فيها ,,

و شنو سألوج بالمقابله ؟؟؟؟ :>

موفقين



خفاياا الرووووووووح اين انتي يا فتاة ؟

 

[أسيرة موني]

دريتوووووووووووو .؟؟؟؟؟

قريت بالجريده بيسوون مبنى التجاري و الاساسيه خلط بنيني وبنات ://///////////////

 

[البـتول]

السلام عليكم ورحمة الله وبركاته ،،

رموس يا بعدي يعني حاولي تختاري الجدول الي ما فيه برمجة لو بالامكان ... اذا ما خيار ولا طماط خلاص اخذيها وامرج لله ...

واسور جاوبت عليج ...


اسور خخخخخـ قتلج في توارد خواطر بينا .. اليوم طلعت العدة وطلعت شغل التسجيل مالنا .. المهم وانا قاعدة احوس بين المواد قلت انا شكلي بسحب الفغنسي .... لوووووول وكنت بقولج ....


والمبنى الي بالعارضية مو خلط مباشر يعني ... خخخـ بطريقة غير مباشرة


القسم الشرقي للبنين ... والغربي للبنات ....

والتجاري هم جذي ...

 

[أسيرة موني]

زين اشوة انه مو خلط مباشر

والتجاري و الاساسيه نفس المبنى ولا كل واحد غير ؟؟

وماقالو متى يخلص المبنى ؟؟ خلنتخرج قبل

 

[لوتس 24]

السلام عليكم ورحمة الله وبركاته
انا مستجده وعندي يوم السبت امتحان انجليزي
وانا تخصصي تربيه اسلاميه ياليت احد يساعدني ويعطيني نماذج توفل او يفيدني باي شئ
ومشكورين

 

[بعيون مغليك]

شوفوا جدولي خذيت عند

وليد البذال >>>>>>>>> ثقافه اسلامية

مهدي العجمي <<<< قيم العمل والولاء

بدر ملك <<<<< أصول التربية

حنين العبدالرزاق>>>>>>> مقدمة حاسوب

جعفر الحسيني <<<< برمجة حاسوب

قولولي شرايكم فيهم



تعرفون وحده اسمها سميه الشايجي <<<<<<< كانت مدرست الحاسوب بالمتوسطه اليوم شفتها تسجل للبنات الجداول

 

[أسيرة موني]

شلون صايرة سمية ؟؟؟

اذا الي في بالي بروح اذبحها لوووول شرايج البتول ؟؟

اشششششششششششوة طحتي عند بدر ملك مو غنام الغنام ,,

البرمجه انتبهي وشدي حيلج من اولها ,,

الاصول تختلف الماده من دكتور لي دكتور

بدر ملك يقولون شوي منهجه دسم ,, بس عاد واايد يمدحونه بنات الكلية ,,

ثقافه اسلامية مادري عن هالدكتور

الله يعينج جدولج لي الساعه 2


وعليكم السلام والرحمة

لوتس خيتو ,,

حلي عدل بالامتحان ,, وللعلم الترية اسلامية تخصص مساند لغه عربيه ,,

التوفل هذا عمري مافهمت شنو اهو :s

وماعرف غير شكري ابراهيم و محمد الشطي و يمدحون محمد الشطي وايد ثقافه اسلامية ,,

واللغه العربيه يمدحون عايشه الانصاري ,, و الهام المفتي دكتورة القراءات والاساليب هم زينة و اهم شي انها ماتعطي شي للحفظ ,,



وحياج الله بالكليه

 

[تينه المتينه]

هاااااااااااااي بنات شلونكم


اسورة حياتي شخبارج متى تسجيلج ؟؟؟؟؟؟؟؟؟؟ وبتولووووووووووووو شخبار تسجيلكم ؟؟؟؟؟؟؟؟؟؟؟


أنا تاريخ تسجيلي 1- 10 بس ماراح أغير بجدولي شيء

لاني مسجلة 15 وحده حلوين ومواعيدهم حلوة اكتفيت

وبداوم على يوم الاثنين شرايكم ؟؟؟؟؟؟؟؟؟؟


لان بالغالب أول يومين مافيهم محاضرات


ريماس جدولج يهببببببببببببببببببببببببببببببببببل

من ناحية أنه عندج مادتين تخصص

والمواد العامة روووووووووووووعة عند بدر ملك أنا أول كورس لي كنت عنده وحبيت الكلية من محاضرته

وأنصحج قعدي قدام بالزاوية علشان تقدرين تسمعينه لان كلامه كله نصايح وايد راح تستفادين منها وأول شيء بيسولف عنه هي مرته لطيفة الكندري

هم بعد هي دكتورة بنفس القسم وكله يسولف عنها>>>>> علشان أحطج بالصورة خخخخخخخخخخخخخ



ومهدي العجمي روووووووووووووووووووعة وتضمنين تقدير زين عنده


والباقي ما أعرفهم وبالتوفيق

 

[بعيون مغليك]

اشوه خخخخخخخخخخخخخخخخ


سميه ضعيفه حلوة ماتلبس عبايه ساكنه بالصباحيه مع زوجها بس اهلها بقرطبه خخخخخخخخخخ <<<<< تحريات ايام المتووسطه

جدولي لين الساعه 3 ونص
بشد حيلي من اولها الله يعين البرمجه مالها طلب مسبق

بغت الغبيه تاخذ من 1 الى 5 بس اشوه انتبهت



ورمضان شلووووووون نفس الوقت


رفيجتي غبيه خذيت اخر محاظره تبدا 5 من صجها خخخ برمضان شلون تفطر




شلون على جداولكم بنات

يوم الاحد والثلااااء خايس حده

من 8 الى 3.5 ماكو فجه وازيدكم من الشعر بيت اول محاظره والاخيره ف يالرئيسي والباجي بالملحق 1

 

[أسيرة موني]

تيوووووووووووووون حوووووووووووبي ازيك و عامله ايه

والله ماكو ماخذينا الجداول ,, و ان شاء الله بتغير جم ماده عشان نحضر محاضرة رابعه الطويل <- خرت الموجز لوووووووول

بنروح السبت اذا في دكاترة خوش اذا مافي طنشت الاسبوع كله خخخخ ,,



لا هذيك مو حلوة نسره تخرع <- استغفر الله لووول

المهم ,, اي احنا دوامنا برمضان نفس الشي مو مثل الثنوي خخخخخخ

والله يوفقج احنا جدولنا كان من الساعه 8 لي 12 وان كثرنا 12 و نص

وماكان عندنا فجه الا يوم الاحد والثلاث نص ساعه

ربع ساعه كنت اكل و ربع ساعه نروح المبنى الثاني

لووووول وناسه بتجربين الباص اللوعه ://////

 

[بعيون مغليك]

ههههههههههااااااااااااي عادي شنو نسوي بعد

يالله الله يعين ويعينا ع صيامنا وقيامنا


أقدر اسوي مثلج اطنش هههههههههههههههه

 

[أسيرة موني]

اطنش شنو ؟

متى طنشت في شنو ووين ؟؟

<- ذاكرتها ميح

 

[البـتول]

السلام عليكم ورحمة الله وبركاته ،،

اسووور يا الفاصلة الرد الي قبلج تطنشين باجي الاسبوع .....

لا رمووس ما عليج منا احنا احم احم مستمرين يعني نعرف الوضع ، انتي حبيبتي توج كتكوته داومي احسن لج ..:eh_s(3):

وما شاء جدولج وايد زين
دكتور بدر ملك وااااااااايد يمدحونه وهم مرته لطيفة الكندري يقلون وايد زينين اخذنا عنده انا واسور .. اصلا يوم اسجل مو مصدقة انه في مجموعات حق دكتور بدر ملك قلتها حطيها بسرعة ...

دكتور العجمي هم وااايد زين ويمدحون فيه ...

عاد الي مو زين والله يعينج دكتور البرمجة اعتقد هذا اهو الدكتور الي مو زين .... بس شدي حيلج وما عليج من الدكتور بس خل احطج بالصورة ... المشكلة انهم يدرسونج بالعربي والكتاب بالعنجليزي ... فعاد تعالي عاني انتي يا المسكينة ....

تيون حبيبتي اشلونج شخبارج ؟... وشخبار شغل الحمعية .. :eh_s(9):
هادتنا جذي بروحنا مع المستجدين ولا تساعدينا ...

امس كان في اجتماع تشاوري بيني وبين اسور ... قعدنا طبعا سوالف ساعة وشوي الاجتماع بس خمس دقايق كل شوي اسور تدخلنا بموضوع ثاني ... وارد اقولها خل نخلص يا بنية ...

والاخت طلعت الموجز مالنا خلااص ... راح نغير جم مادة ونبي فراغ يوم الاربعا من 11 ل 12


لوتس اهلين غاليتي ...

حبيبتي هذا امتحان قدرات عادي نفس الثانوي اعتقد .. يعني مو توفل شدخل التوفل بالموضوع الله يهداج ...

كلمات و قواعد وجذي يعني .. إن شاء الله سهل و ما يبيله شي ... انا حق الامتحان راجعت كتب االثانوي والقواعد الي كنا ناخذها بس ... الله ييسرلج ...

واسور لا تفتحي حلجج وتقولين عايشة الانصاري زينة :eh_s(13): ... اصلا كافي النفسية الي استقبلتنا فيها بالصيفي تذكرين ... ومكبره روحها حييييل

يبا مو مهم اي شي كثر ما يهم التعامل ....

بعدين في نااس يمدحونها وفي نااس لا .... يقلون وايد دقيقة .... وصراحة ما دشت قلبي من ذاك اليوم ....

 

[لوتس 24]

السلام عليكم ورحمة الله وبركاته
بنات انا طلبت منكم طلب بس مادري ليش مطنشين مادري حاسه انكم تردون على اللي تعرفونه بس واللي يبي منكم مساعده مطنشين فيه اذا ماتعرفونه وانا اشتركت
بالمنتدى مخصوص عشان هالموضوع لاني مستجده بكلية التربيه وتخصصي تربيه اسلاميه وحابه انكم تساعدوني......
ويعطيكم العافيه

 

[أسيرة موني]

لوووووووووووووووووول البتول يا خزيا عيزت


لوووووووووووووووووتس حبيبت لوحي شوف ردي عليج في االرد الي قبل الاخير او الي قبله بتشوفين راده عليج باسمج بعد


شوفي الرد في الصفحه الي قبلها كاهو بعد

http://www.q8yat.net/showpost.php?p=793172&postcount=568

افا عليج بس


صاجعه البتول نفسيه حدها وانا ماحب عقد الدقيقين

 

[لوتس 24]

يعطيج العافيه اختي اسيرة موني
سامحوني والله مرتبكه حيل وخايف من امتحان الانجليزي لانه امتحان مستوى وان شاءالله انحج فيه لاني مالي خلق حق التمهيديخصوصا اني حامل بالشهر
الثاني وتعبانه حيل .
وبقولج عن جدولي واتمنى تفيديني
ثقافه اسلاميه خالد الشعيب
تجويد القرآن وحقظه بدر السميط
علوم قرآن بدر السميط
مدخل الى الفقه الاسلامي خالد الشعيب
النحو والصرف حسن هنداوي
مقدمه في تكنلوجيا التعليم عادل سلطان
اصول تربيه احمد الصانع
ومشكوره

 

[البـتول]

لوتس اهلين غاليتي ...

حبيبتي هذا امتحان قدرات عادي نفس الثانوي اعتقد .. يعني مو توفل شدخل التوفل بالموضوع الله يهداج ...

كلمات و قواعد وجذي يعني .. إن شاء الله سهل و ما يبيله شي ... انا حق الامتحان راجعت كتب االثانوي والقواعد الي كنا ناخذها بس ... الله ييسرلج ...

واسور لا تفتحي حلجج وتقولين عايشة الانصاري زينة :eh_s(13): ... اصلا كافي النفسية الي استقبلتنا فيها بالصيفي تذكرين ... ومكبره روحها حييييل

يبا مو مهم اي شي كثر ما يهم التعامل ....

بعدين في نااس يمدحونها وفي نااس لا .... يقلون وايد دقيقة .... وصراحة ما دشت قلبي من ذاك اليوم ....

حبيبتي لوتس رد طوييييييييييل عريض بس حقج يالغالية افا عليج ...


غالية ... وما نقدر نطنش حبيبتي

واذا على الامتحان بس راجعي كتابج مال الثانوي وراجعي القواعد ...
والله ييسر لج

جدولج ... صراحة ما اعرف وايد عن دكاترة الاسلامية .. بس إن شاء الله زينين ... وولا دكتور من دكاترة المواد العامة عرفتهم

حبيبتي الله ييسر لج امورج كلها وتقومين بالسلامة يااارب ..عاد لي بيتي بنوته تسمينها البتول :eh_s(3): <<هالكلمتين تقولهم حق كل النااااس لووول

 

[أسيرة موني]

اهلين لوتس

واللهي ماعرفش حد من جدولك ,,

اتمنى اتييج مركب الامل ولا تيونه يساعدونج احنا تونا مستجدات و قاعدين نلقط معلومات بعد ^-^

موفقه والله يعينج

 

[بعيون مغليك]

شرااايكم نسوي جدول باسما الداتره الزينين ولا لا نفس الجامعه