بنات كلية التربية الاساسية ......حياكم جميعا

[تينه المتينه]

السلام عليكم بنات شلونكم انشالله بخير ......

بنات أنا حبيت أسوي هذا التجمع علشان نعمم الفايده والكل يطرح أسئلته اهني ويكون مرجع لنا
وبصراحة أنا ودي أعرف أشياء كثيرة مع أني صارلي كورس بالكلية وحابة استشيركم

وأنا تخصصي رياضيات والي عنده اي استفسار عن تخصصي أنا جاهزة



و ودي أعرف شيء ألحين أنا مومسجلة غير مادتين ومو عارفة متى السحب والاضافة ومتى اخذ
الاستمارة وهل أدوام يوم 18\2 وله قبل علشان التسجيل ؟؟؟؟؟؟والله يا بنات أنا محتارة وحاسة روحي ضايعة تكفون ساعدوني ؟؟؟

 

[مركب الأمل]

مشاركة: بنات كلية التربية الاساسية ......حياكم جميعا

تينــــة المتينة

يا هلاا ويا مرحبااااااااااا

أنا بالتربية الأساسية تخصص فنية

حبيبتي تروحين باجر تاخذين إستمارتج وتشوفين متى موعدج

وتسجلين المواد اللي تبينها


وبـــــــــــــــــــــس

عالموعد تجين وتسجلين


** أغلب المستجدات ما يلقون مواد كثيرة

أنتي أدعي الله عز وجل وألحي أن تلقين مواد وقولي لأمج تدعيلج

<<<<<<< كل ما كان عندي تسجيل أقول لأمي تدعيلي وربي ييسرلي

وأي شي ثاني أنا مستعـــــــــــــــــــــده

 

[تينه المتينه]

مشاركة: بنات كلية التربية الاساسية ......حياكم جميعا

حبيبتي امولة تسلمين يا عسل على الرد الحلو جبرتي بخاطري والله

بس أنا مومستجدة ؟؟؟؟؟؟ يعني هذا ثاني كورس لي

يعني أروح باجر وله لا ؟؟؟؟؟؟؟؟؟؟

 

[تينه المتينه]

مشاركة: بنات كلية التربية الاساسية ......حياكم جميعا

والله يا أموله مبين أنه مافي أحد بلكلية التربية غيري أنا وياج ؟؟؟؟؟

بنات خلونا نستفيد من بعض

ونطرح المواد السهلة والصعبة والدكاترة الي مجربينهم


وله شرايكم ؟؟؟؟؟؟اذا الموضوع فاشل قولولي ترى عادي اتقبل النقد بصدر رحب ...................

 

[أسيرة موني]

مشاركة: بنات كلية التربية الاساسية ......حياكم جميعا

** أغلب المستجدات ما يلقون مواد كثيرة



يعني شلون

 

[تينه المتينه]

مشاركة: بنات كلية التربية الاساسية ......حياكم جميعا

حبيبتي أسيرة على حد علمي أن الكورس الي طاف لما كنت مستجدة عطوني ثلاث جداول جاهزة وانا اخترت منهم واحد يعني تكون جداول ثايتة وماتقدرين تغيرين فيهم ....وبس

.

 

[أسيرة موني]

مشاركة: بنات كلية التربية الاساسية ......حياكم جميعا

والجدول فيه جم ماده

والماده الوحده 3 وحدات ولا في اقل وفي اكثر ؟؟

سمعت ان فيه منحه حق الي اييبون امتياز بشرط ان يكون عدد وحدات معين ,, جم وحده لازم ؟

واذا يبت واسطه يصير ازيد وحدات ؟؟ يعني اقصد المواد ؟؟

وشوووووووووووووكرن

 

[تينه المتينه]

مشاركة: بنات كلية التربية الاساسية ......حياكم جميعا

شوفي حبيبتي أسيرة الجداول كانت فيها ست مواد وعدد الوحدات كان 15 وحدة وهذا الي اخترته أنا وكان فيه ثلاث مواد ثلاث وحدات وثلاث مواد وحدتين والجدولين الثانيين والله ما دققت فيهم لان كانوا تأخير >>> يعني لحد أربعة العصر وأنا ما كنت أبي تأخير


وعلشان تاخذين المكافأة لازم يكون عندج 17 وحدة وغالبا المستجدين على ما أعتقد اكثر شيء يعطونهم 16 وحدة

وبالنسبة لزيادة الوحدات ما أعتقد لان وحدة رفيجتي كانت محولة من التجاري حق كليتنا وعطوها مادة كانت ماخذتها وتعالي شوفي شلون لعوسوها بالقوة يالله عادلولها الدرجة وسحبت المادة فما أعتقد بتقدرين بس أنت حاولي وما راح تخصرين شيء


وبس يا عسل وأي سؤال أنا جاهزة

 

[مركب الأمل]

مشاركة: بنات كلية التربية الاساسية ......حياكم جميعا

السلام عليكم ورحمة الله وبركاته

عذراااااااااااا عن التأخير

حبيبتي تينه

أنا ألحين صارلي سنة ونص بس بداوم باجر عشان أخذ أستمارتي وأشوف متى موعد تسجيلي

 

[مركب الأمل]

مشاركة: بنات كلية التربية الاساسية ......حياكم جميعا

أسيرة موني عذرا أنا ما أقصد المستجدات أول كورس لأ

إذا صارلج ثاني كورس بالكلية ما تلقين شعب كثيرة مفتوحة لأن يخلونج آخر يوم

يعني أنا الكورس اللي طاف تخيلي خذيت بس 13 وحده و ولا ماده تخصص

لأن كله مسكر

بس هالكورس إن ساء الله ألقى مواد لأن بيصيرلي سنة ونص

وأنا بصراحه ودي أسجل بالهيئة لأن التسجيل عندهم في شعب واجد مفتوحه


أسورة وأنتي هالكورس

الجدول من عندهم ثابت يعطونج ثلاث جداول وأنتي تختارين منهم واحد

 

[مركب الأمل]

مشاركة: بنات كلية التربية الاساسية ......حياكم جميعا

صج نسيت شي

تينه حبيبتي إذا ما قدرتي باجر تروحين عقب باجر عادي

هو بس عشان تاخذين استمارتج وتشوفين متى موعد تسجيلج

أنا أعتقد تسجيلج بكون الأربعاء

 

[تينه المتينه]

مشاركة: بنات كلية التربية الاساسية ......حياكم جميعا

مشكوووووووووووووووووورة يا مركب الامل على الرد الحلو
واليوم ما قدرت أروح وأكيد بكرة راح اروح وحتى أختي مستجدة ونروح مع بعض

وكلامج عدل اغلب الشعب يوم سجلت اخر الكورس الي فات كانت مسكرة وما سجلت غير مادتين وولا وحدة تخصص ولا حتى تخصص مساند

وانشالله يفتحون الشعب وألاقي مواد ياااااااااااااارب

 

[أسيرة موني]

مشاركة: بنات كلية التربية الاساسية ......حياكم جميعا

تينه خيتو

انتي نفس صديقتي اهي تخصص حاسوب

ويوم راحت التسجيل الكورس الي طاف كانت موهبه لسته بالمواد كلها من اول ماده تبيها لي اخر ماده

وكله اختياري مااااااااكو تخصص تقول

عيل منو ياخذ التخصص الدكاترة ياخذونه حقهم يعني ؟؟؟ ://///

باجر حق المقابله الشخصيه مو ؟؟

شنو يسئلونا ؟ والساعه جم انروح ؟؟

انا احس مخي مفتررر عالآخر

 

[تينه المتينه]

مشاركة: بنات كلية التربية الاساسية ......حياكم جميعا

هلا حبيبتي أسورة


شوفي أنا شنو سويت الكورس الي طاف ...الأحد رحت الصبح مبجر وسالت التسجيل وين نروح وين نولي فقالتلي
أن في ندوة الساعة عشرة والمقابلة العصر وحضرت الندوة وقالولنا عن موعد المقابلة الشخصية بالضبط
وعن القاعات الي راح نمتحن فيها انغليزي كل واحدة حسب تخصصها وساعة الامتحان كم على العلم أن امتحان الانغليزي يكون يوم الاثنين الصبح


علشان جذي لازم تروحين الصبح باجر علشان تعرفين مواعيدهم وممكن يكونون مغيرين نظامهم وأنت روحي وسألي علشان ما تتوهقين

وبالنسبة للمقابلة عااااااااااااااادي ولا تخافين اهم شيء أنج ما ترتبكين لما يكلمونج وخليج كوووووووووووووول

وترى ما فيها سقوط أنت مقبولة مقبوله ويسألونج أسألة فجائية وتاااافهة انا سألوني شلون تحسبين مساحة المستطيل شفتي بس الي مرتبكة حتى واحد زائد واحد تنسى جم خخخخخخ

وفي وحدة يمبي أسألوها كم لون في علم الكويت المسكينة تصوفرت وتلعثمت


انت خلي بالج ودخلي بقلب قوي والله يوفقج انشالله


وأي سؤال أنا جاهزة

 

[أسيرة موني]

مشاركة: بنات كلية التربية الاساسية ......حياكم جميعا

لووووووووول

سنكيوووووو

 

[تينه المتينه]

مشاركة: بنات كلية التربية الاساسية ......حياكم جميعا

العفو حبيبتي ماسويت شيء

بس ما وصيج بكرة الصبح لازم تروحين أو دقي وتأكدي كافضل حال .......

 

[محتاسه]

مشاركة: بنات كلية التربية الاساسية ......حياكم جميعا

سلالالالالالالالالالالالالالالالالام بنات
كيفكم ؟ ابشركم
انقبلت انجليزي ههههههههههههههههههههههههههههه يافرحتي يافرحتي==> ترقص

بس اقول:
وين موقع كلية التربيه الاساسيه على خريطة الكويت؟ لاتقولون بالشاميه ادري
بس وين بالضبط؟ ابي وحده حلوة منكم توصف لي بالضبط بليز لاني ماادل شئ بالكويت
امانه اجبروا بخاطري ودلوني
وهل هي بعيده عن الفروانيه؟؟؟؟

 

[محتارة]

مشاركة: بنات كلية التربية الاساسية ......حياكم جميعا

اهلااااااااا تينه المتينة ...انا بعد هذا ثاني كورس لي !!! وتخصصي رياضيات !!!!!!!!
لايكون اعرفج وانا مادري هههههههههههههههههههههههههههههههههه

انا سألت وحدة وقالت يوم الثلاثا ياخذون استمارة .... انتي جدولج ما الكورس اللي طاف شنو المواد اللي ماخذتهم ... خخخخخخخخخخخ اشوف اذا نفس جدولي

 

[مركب الأمل]

مشاركة: بنات كلية التربية الاساسية ......حياكم جميعا

بنـــــــــــــــــــــــــات

لا تروحون باجر

أنا داومت اليوم عشان الأستمارة قالولي

الأستمارات تتوزع يوم الثلاثاء

هذا بالنسبة للمستمرة

أما المستجده

ما أدري


محتـــــــــــــــــــــــــــــاسه

ألف مبروووووووووووووووووووووووك

كلللللللللللللللللللللللللللوش


حبيبتي الكلية عند جمعية الشامية الكبيرة


عالطول من تشوفينها

راح تلقين الكلية عندها


وهي مو بعيده عن الفروانية حيل





سلملم

 

[محتاسه]

مشاركة: بنات كلية التربية الاساسية ......حياكم جميعا

الله يوفقك يامركب الامل وينجحك وتطلعين الاولى دائما