ترا كلام النور عدل ,,
مو شرط ,,
اهم على حسب ظني يفتحون بكل يوم عدد مقاعد معينة للشعبة و اذا تكتمل تسكر بنفس اليوم و ترد تبطل اليوم الي عقبه ,, لا تحاتون ,,
وايد بنات يسجلون بآخر الأيام و يحصلون المواد الي عليها ضغط و عند أحسن الدكاترة ,,
بس اهم شي لا تتشرطون وايد ,, أي مادة عند دكتور زين قبلوها ,, مو تقولون الا عند هالدكتور و الساعة الفلانية ..
أنا جازفت الكورس الي طاف بدكتورة محد يمدحها و مادة تخصص و طول الكورس و البنات يخرعوني و هذي ترسب و ما ترحم ,, و الحمدلله طلعت بـ A و لا تقولون من زود الدراسة بس الحمدلله الدكتورة زينة و تشرح عدل و امتحاناتها بـ مستوى الكل ,, و انصح الكل فيها
و حتى سجلت عند دكتورة ثانيه .. طبعاً تبيج super Student من تحضير و كويز و امتحان ,, و اقول اني ما كنت مثل ما تبي الدكتورة و بالفاينل غلطت بسؤال كامل ,, و الحمدلله طلعت بـ A ..
و بنفس الكورس سجلت عند دكتور الكل يدور عليه و يمدحونه و وصلوه السمااو يعطي A على طول ,, بس للأسف ما استفدت من المادة لأن الدكتور ما يشرح و البنات يشرحون كل يوم ,, بس بالأخير طلعت بـ B ..
أنا ما قلت هالمواقف إلا أبيكم تعرفون إن مو كل دكتور شديد يعني مو زين و يرسب و ما يعطي درجات ,,
و مو كل دكتور متساهل بتاخذين عنده الـ A بدون مجهود ..
انتي و مجهودج و الجزاء من جنس العمل ,, و طبعاً أغلب الدكاترة تقيمج على أدائج مو ظروفج ,,
