هونوهــا تهون ,, هذي كليتنا و هذي خلاجينها ,, ماراح تتغير إلا لما تتغير نفوس الي فيها ,, و كل واحد يحس بالمسؤولية تجاه نفسه و مكانه ,,
و سالفة التسدح اول كنت استنكرها و كنت أشوف الكل يقب بويهي و يقولي حراام ما تنام بالبيت عندها يهال ما عندها احد ييبها الا مبجر .. ليش الكلية فندق و لا شنوو بالضبط !! الحمد لله الذى عافنا من شر ما ابتلى بيه غيرنا و فضلنا على كثير من خلقه .
الحين ما قمت أحرق قلبي بتصرفات من ناس جنقل .. و أقول الله يعوضني خير بالمستقبل و ان شاءالله ..
و سالفة الشعب المغلقة لا تكبرونها زيادة ,, ترى بكل مكان هالسالفه ,,
حتى الجامعة الي تمدحون فيها أخس مناا ,, صارلي 4 سنين أسجل حق أختي سيستمهم دايما طايح و و لازم يتأجل كل تسجيل ,, الشعب حدث و لا حرج دايما مغلقة ..
بالأصح أهو سوء تنظيم من الكل حتى منا
في طالبات يسجلون فوق طاقتهم و بعدين يسحبون مو حرام كان غيرج أولى
في بنات يسجلون مواد بس جذي تملي فراغ الجدول بالتسجيل الأول
في بنات مهملات ما يسجلون الا بالتسجيل المتأخر و بعدين تتذمر تقول ما حصلت مواد ,,
و في بنات تتشرط إلا تبي دكتور معين و ما تسجل عند غيره و بعدين تقول جدولي فاضي ,,
ارضوا بأي شي و الله يعطي الواحد على قد نيته
و النفس الشينة بكل دائرة من دوائر الدولة ,, لأن محد يبي يشتغل و يبون ياخذون معاش بالراحة ..
