بنات كلية التربية الاساسية ......حياكم جميعا

[الأمل الأبيض]

سلام عليكم
اي توظيف مشتهيه اهيت هالسنة بالصيف
لحظه انا قريت توظيفيف واحد بالهيئة العامة للشباب والرياضة من 18 الي 22 سنة
وواحد الي بالكلية بس استغربت يبون بس الي بثاني كلية ليش وحنا المساااااكين
مالنا رب
قلت لابوي جان يقول المعاش الي بيعطونه لج بعطيج نفسه يووو الاهل حدهم ما يشجعون
انا ابي خبرررره بس احنا شكووو بالبنوك واحنا تربية ؟؟!!

 

[أسيرة موني]

وعليكم السلام

اممممم ..

مادري جنه بنوك في

عادي التوظيف مطاعم و هالسوالف

بس انا ابي بنك التمويل وجنه مافيه

حسافه الام تي سي حلوة شغلتهم بس خلط وانا اي كانت و دوام فترتين

 

[@mfntam@]

بنات ابي اسئل عن دوره الرسم اليي بالصيف متي التسجيل فيهاااا

 

[الأمل الأبيض]

ياليت بنك التمويل حيل حلو بس شنونسوي فيه ندرس ههه
هلا مفنتام
والله مادري اذا هذا اسئلي التوجية ولا الاخصائية او الادراة وان شاء الله يفيدونج

 

[أسيرة موني]

النور

انا سمعت ان اذا صرتي موظفة مثاليه في الصيف يطلبون منج انج تصيرين موظفه في البنك على طول .. يعني يصير وظيفتج تخيلي ؟؟؟

عاد بيت التمويل الواسطات ما ياته لوووول

بس ان شاء الله يخلونا على يوم

ااااااااااخ خوش دوام عاد

 

[الأمل الأبيض]

حمستين بس وين اقدم يالله خلينا نخوض ارض العمل ههههههه

 

[أسيرة موني]

بس وييييييين ماكو التمويل خو

والباجي كله خلط

يمدحون الام تي سي

بس خلللللللط

 

[Winter Q8]

و أخيــــــراً عطلت و خلص الكورس و ان شاءالله على خير ..

 

[الأمل الأبيض]

ويييييييييييي عقبالي بشري شخبار الدرجات ومحمود ليله

 

[Winter Q8]

درجاتي الحمدلله زينة أخذت A عند ثرياا حداا ونااسة :eh_s(6): ,, مع ان الكل خرعني منها و جازفت لما أخذتها بس الحمدلله أسلوبها يعجبني و يخليني أهتم بالمادة ..

محمود ليلة الله كريم .. حرام الدكتور وايد كريم و يعطي بس الخلل مني بصراحة مخي مقفل بالهندسة ..

 

[الأمل الأبيض]

واو مبروووووووووووك حتي انا أخذت Aعندها وكلهم قالو لي خالف تعرف والله عجيبه هالدكتوره أسلوبها روووعه
ويالله بشرينا عن محمود ليله ؟
وين اسورة ما اشوفها تطل بسألها عن شئ ؟؟؟

 

[خفايا الروح]

بنات انا ما اصدق الدرجات الموجودة بالسايت لان الماينس يحطونه عادي يعني -b يحطونه B انا عرفت من درجاتي الكورس اللي طاف الماينس صار عادي والبلس ما يغيرونه شالسالفة صار معاكم جذي بنات والله انا دايخة ؟؟؟!!!!

 

[Winter Q8]

واو مبروووووووووووك حتي انا أخذت Aعندها وكلهم قالو لي خالف تعرف والله عجيبه هالدكتوره أسلوبها روووعه
ويالله بشرينا عن محمود ليله ؟

ا
ايي ما ينعرف لهم هالبنات ,, ماادري شلي يعجبهم بالدكتور
لله يبارك فيج .. و انتي بعد مبرووك
أخذت D+ بالهندسة يا فشلتي ,,
بس ماعليه ربي أكرمني بالمواد الثانيه و معدلي أرتفع الحمدلله الحمدلله ..

بنات انا ما اصدق الدرجات الموجودة بالسايت لان الماينس يحطونه عادي يعني -b يحطونه B انا عرفت من درجاتي الكورس اللي طاف الماينس صار عادي والبلس ما يغيرونه شالسالفة صار معاكم جذي بنات والله انا دايخة ؟؟؟!!!!

ويي توني ادري و أتاكدت و في مادة بأول كورس لي بالكلية أخذت فيها b- و حاطينها b عادية ..
الحين شلون ؟؟

 

[Petite_Chica]

السلام عليكم
شلوونكم بنات شخباركم مع الحر والدراسه؟ الله يعيينكم
بنات حبيت أسألكم الحين التربيه الاساسيه فيها نظام double major؟ تاخذين تخصصين بوقت واحد؟ او فيها نظام تخصص مساند؟ و تقدرين تتخرجين بثلاث سنين ؟ و شلون؟

سامحوني ما اعرف شي عن التربيه الاساسيه بس حبيت استفسر بالضبط عن الكليه

 

[خفايا الروح]

ويذ بيوتي شفتي شلووون الحين بعرف انا ماينس ولا عادي ولا شالسالفة

 

[brat]

بنات قريت إعلان بالملحق إن نظام ال A+ وال A- ماراح يطبقونه على دفعة 2005\2006، راح يطبقونه ابتداءاً من دفعة 2006\2007، وراح يغيرون درجاتكم القبليه. مبروك :q

Petite_Chica
هلا تمام انتي شلونج؟ التربية الأساسية ما فيها نظام double major
والمساند يكون حسب تخصصج، مثلاً آنا إنجليزي ما عندنا مساند، بس اللي تخصصهم عربي مثلاً يكون مساندهم إما اجتماعيات أو إسلامية، واللي تخصصهم رياضيات مساندهم علوم والعكس، واللي تخصصهم رياض أطفال مساندهم بدنية وفنية... ناوية تقدمين على كليتنا إنشالله؟

 

[خفايا الروح]

انا توني ثاني كورس يعني دفعة 2006 هالسنة قبلوني وبعد غيروا درجاتي معقووووولة


النظام القديم كا اما بي بلس او بي ماينس اما الجديد ماينس وعادي وبلس

 

[Winter Q8]

خفايا الروح
إذا رحت الكلية بسأل ,, مع إني أدري انهم مايدرون وين الله قاطهم ..
...................................................

بنات شرايكم في الوضع الصحي و البيئي بالكلية ؟
دورات المياة " تكرمون " مفتقرة حق أبسط شي الصابون , نظافة الكفتيريا , الممرات , الفصول الدراسية محتوياتها ..
حدي منـأرفه منه .. لمتى هالإهمال ؟ لمتى الكل ساكت و ما يتحجى . شنو هذا . ولا كإنها بيئة دراسية اكاديمية .. الي يشوفها يقول بيت عزاب ..
:eh_s(14):
..

 

[خفايا الروح]

يسلمووو ويذ بيوتي

بالنسبة للوضع الصحي كفيتي ووفيتي خياس وعفن ولوعة جبد

 

[عنآد]

ويذ بيوتي ..

والله انج صاجه ..

ماقول غير الله ياخذ النسبه اللي جبرتني ادش تربية أساسيه

كنت ميته ادش الجامعه

بصراحه ودي نسوي شي .. والله اكره البريكات ماكو مكان نقعد فيه

مقزرتها بلابتوبي وشبك نت