بنات كلية التربية الاساسية ......حياكم جميعا

[أسيرة موني]

مشاركة: بنات كلية التربية الاساسية ......حياكم جميعا

وييييييييييي اموووول

اووووووقفي بخشمهم لين يعطونج ,,

ووو بقولج شي ,, مالج شغل بالتسجيل اذا تبين الماده روحي حق الدكتور نفسه يسجلج التسجيل مخرفين

انا وحده قالتلي جذي امس ,, قالت روحي حق الدكتور و اهو يسجلج عنده من كيفه ماله شغل بالتسجيل وبس

بعد عمري ولكي بمثله يا حووووووبي

 

[تينه المتينه]

مشاركة: بنات كلية التربية الاساسية ......حياكم جميعا

هااااااااااااااااااي صبايا


أنا ما سجلت الاربعاء.......... رقمي كان 367 ومالحقوا وقالولي السبت نسجلج الساعة ثمان


أمولة ويه ليش ؟؟؟؟؟؟ في بنات رفيجاتي واااااااااايد سجلوا على 16 و18 وحدة بس بيني وبينج اختاروا أي شيء المهم مادة والسلام والي فادهم أنهم أوقفوا ببلعوم المسجلة وما خلوها تطلعه الي لما كملوا جدولهم


وانشالله بكرة ماني هادتهم باخلص نهائيا من هالجدول التعيس ألحين المحاضرات ماشية وأنا يا حظي ماعندي جدول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنزين بسألكم الكل قالي أن محسن الصالحي وسامي نصار روووووووووووووعة وماراح أقدر أختار بينهم
والسالفة ومافيها أن عندي مادتين مسجلتهم هم تطور الفكر التربوي وتطور الفكر التربوي الاسلامي عند هذولي الدكاترة
شرايكم أخليهم أثنينهم وله أسحب وحدة فيهم ومنو أسحب ؟؟


انصحوني ياخواتي العزيزات

 

[تينه المتينه]

مشاركة: بنات كلية التربية الاساسية ......حياكم جميعا

بنت الاحمدي هلا والله بأبلتنا

يالغالية يقولون سنة 2008 بيخلص المبنى الجديد حق الكلية بمدينة بابا جابر

وانشالله نلحق ونعيش لنا يومين حلوين بالكلية قولي آمين

 

[أسيرة موني]

مشاركة: بنات كلية التربية الاساسية ......حياكم جميعا

وين صايرة مدينه بابا جابر ؟؟؟؟؟

ونااااااااااااسه انا بلحق عليه سنه يعني يووووووووي

بنات بغيت اسأل ,, البطاقه الشخصيه الي يسوونها ,, الهوية ,, حق شنو ؟؟؟؟؟

 

[عالي مستواها]

مشاركة: بنات كلية التربية الاساسية ......حياكم جميعا

السلاااااااااااااام علااااااااااكم ...

أنا بعد طالبة بكلية التربية الأساسية هذي 3 سنة ..

حبيبتي أسيرة الهوية هذي بس جذي زينة .. أنا مابقى شي على تخرجي و ما سويت لي هوية ليلحين هههههههههههههه والله جد مو مهمة ...
لأنه بالإمتحانات لازم تجيبين إثبات وانا دايم أجيب الليسن أوالبطاقة المدنية ولا عمره أحد سألني عن الهوية ..

 

[تينه المتينه]

مشاركة: بنات كلية التربية الاساسية ......حياكم جميعا

والله ما أدري يا أسورة بس أنا قريت عن الموضوع ورفيجاتي بالكلية سولفوا عنه


بنات نحد رد علي ؟؟؟؟؟؟؟؟؟؟

هل هناك تشابه بين تطور الفكر التربوي ومادة تطور الفكر التربوي الاسلامي ؟؟؟؟؟؟؟؟؟؟

يعني أقدر أخذهم بكورس واحد ؟

 

[مركب الأمل]

مشاركة: بنات كلية التربية الاساسية ......حياكم جميعا

السلااااااااااااام عليكووووووووووووو

تيونه أنا ماخذتهم اثنينتهم هالكورس وللحين ما داومت فيهم إن شاء الله باجر

والحمدلله رب العالمين حاولت فيهم لين حطولي

15 وحـــــــــــــــــــــــده

أسورة حبيبتي سوي الهوية أحسن أكيد بتحتاجينها بالإمتحانات

تدرين للحين ما سويت الظاهر بسوي هالكورس

سلملم

 

[تينه المتينه]

مشاركة: بنات كلية التربية الاساسية ......حياكم جميعا

هلا والله بأمولة العسولة الحمدلله حتى أنا سجلت 15 وحدة وموادي أي كلام

وأحلى شيء عجبني بالجدول أن يوم الاثنين فرااااااااااااااااااغ ماكو محاضرات

بس الي ماعجبني أن الاحد والثلاثاء أربع محاضرات ورا بعض من الثمانية لحد الثنتين أمس رديت البيت وميته من التعب بس شسوي لازم أرضى بالنصيب

 

[LaSt WoMeN]

مشاركة: بنات كلية التربية الاساسية ......حياكم جميعا

الله يوفقكم يا بنات يا مدرسات المستقبل ,, عاد هالله هالله بعيالنا الله يعينكم على الدراسة الحين و على التدريس ,,

أوشال : تقدرين تكملين ماستر دقي على بدالة التطبيقي و خليحولونج على ادارة البعثات واستفسري منهم عن الماستر لأن شهر 3 أو أول 4 يبدي التسجيل للماستر بس ما ادري شنو التخصصات المطروحة ,,, و تقدرين تكملينه بالجامعه بعد ,,
---------------

بــــنــاتــــــــــــ .... مــمــكن اســألــكـــم لـــيـــش اخترتوا كــليــة الــتربــيــة الأسـاسـيـة لــلــدراســــــة ؟!!!

 

[تينه المتينه]

مشاركة: بنات كلية التربية الاساسية ......حياكم جميعا

flana : هلا والله فيج يا حبيبتي وانشالله نطلع أجيال مثقفة >> احم احم أكيد بعد مانصير مدرسات انشالله


وبالنسبة لسؤالج فأنا أخترتها لاسباب كثيرة وأهمها أن مستقبلها المهني مهم و مهنة التدريس وايد حلوة وفيها عطاء ومسؤولية علشان جذي عاجبتني وحسب رايي أني أميل لها أكثر من العمل المكتبي >>يعني الوزارات وبس

 

[أسيرة موني]

مشاركة: بنات كلية التربية الاساسية ......حياكم جميعا

^
^
ايوا يالعطااااااااء

لوول

انا اخترت التربية اساسيه لقصه طويلة عريضه بس مختصرها ,,

لاني ماحب الخلط وووو ابي اكون ابلة بالمستقبل وووولاني احب الدراسه والتدريس اموووووووووووت فيهم موتن موت

و وظيفة المدرسة لها مزايا وايده عشان هيك اخترتها

 

[مركب الأمل]

مشاركة: بنات كلية التربية الاساسية ......حياكم جميعا

التربية الأساسية دخلت فيها لأني أبي أصير مدرسه وكان ودي أدخل الجامعه عشان أقدر أدرس الثانوي بس ماجبت نسبة

بس الحمدلله أنا تخصصي فنية يعني أقدر أدرس الثانوية وأنا أحب الثانوي لأن كبار ويفهمون

ما أحب اليهال كل شوي ناطتلي بنية

أبله أبي حمام,,, أبي ماي,,, شوفي رفيجتي طقتني ,,,

وووووووووو ماااااااااا يسكتون




سلملم

 

[تينه المتينه]

مشاركة: بنات كلية التربية الاساسية ......حياكم جميعا

بنات شرايكم بمقرر الكويت والتنمية عند أحمد الكندري ؟؟؟؟؟؟؟؟

بصراحة أنا ملوع جبدي وأبي أسحبها اشرايكم

 

[أسيرة موني]

مشاركة: بنات كلية التربية الاساسية ......حياكم جميعا

انا اقووووووول مسكي ارضج وتقضبي فيها زييييييييين

كملي يوم انج حصلتي الماده الحين يمكن ماتحصلينها بعدين

سالت لج رفيجتي عنه تقول مانصحج قلت ليش قالت
اهو يحب وحده تشتغل يعني تحظر وتقول حق الدكتور بشرح اليوم
يبي وحده تبدع

او تلخص كلشي وتسوي حق روحها مثلا مذكرة حق الدراسة

قلتلها يعني تسحب قالت احسن لها

 

[LaSt WoMeN]

مشاركة: بنات كلية التربية الاساسية ......حياكم جميعا

شكرا تينه المتينه , اسيرة موني , مركب الأمل >> الله يوفقكم ان شاء الله

مستعيليين على التخرج ليش ؟ والله احلى من الدوام

صج مبروك على الزياده ويهكم خير على المدرسات يستاهلون والله

 

[أسيرة موني]

مشاركة: بنات كلية التربية الاساسية ......حياكم جميعا

يوفقنا اجمعين حبيبت البي

اييييييييي من الحين شفتي شلوووون لووووووووول

يبارك فيج

 

[تينه المتينه]

مشاركة: بنات كلية التربية الاساسية ......حياكم جميعا

مشكوووووووووووووووورة يا أسورة وسلمي على رفيجتي والله يخليها لج

أنا أمس قعدت أدرسها المادة بس ما فهمت شيء وحاولت ألخص مثل ما قال هم بعد ضعت في الكتاب لانه الكتاب سايح على بعضه وطريقة الدكتور ماتساعد وشرحة بصراحة مو واضح تصوري وهو قاعد يشرح على قولتهم يوديج البحر ويردج عطشانه >>>>> يعني ماتدرين شنو قاعد يقول

فأحسن ماأني أسقط فيها أسحبها وأقدمها عند دكتور ثاني بالصيفي مثلا عند مهدي العجمي أو أي أحد غيره

تصوري أنه أول محاضرة بدأها يقول ترى أنا عندي سقوط وحرمان وأطرد من المحاضرة الي تتأخر دقيقة وحدة وراي >>> بسم الله تونا باديين وهو يهدد ويتوعد

فقررت أني أسحبها أحسن ما أندم بعدين لما أخذ انذار وأنا توني ثاني كورس

 

[أسيرة موني]

مشاركة: بنات كلية التربية الاساسية ......حياكم جميعا

بعد جبدييييي يسلمو عالدعوة ولك بمثله

دام جذي سحبيها والله يعوضج عنها

 

[أسيرة موني]

مشاركة: بنات كلية التربية الاساسية ......حياكم جميعا

بنات شنو يعني شهادة تحويل راتب ؟؟؟؟؟؟؟؟؟

 

[تينه المتينه]

مشاركة: بنات كلية التربية الاساسية ......حياكم جميعا

يعني تروحين عند البنك الي تأبينه وتفتحين حساب وتقوليلهم انه حق الهيئة وبعدين هي تعطيج الورقة وهي عبارة عن شهادة الراتب وبعد يومين تطلع البطاقة وتصورينها وتاخذينها مع ورقة شهادة الرتب