بنات كلية التربية الاساسية ......حياكم جميعا

[أسيرة موني]

همممممممم

عندي رفيجتي يوم ييت بحول اقتصاد منزلي ..

قالتلي ترا الهوايه الي تحبينها لم تمارسينها كهوايه غير عن لم تدرسينها ..

راح تكون ثقيله .. خاصه اذا كنتي متقنتها عدل مدل ..

بس شوفي اذا انتي تحبين وودج تتعلمين وانتي ماتعرفينهم .. يمكن تستانسين ..

استخيري .. جربي

 

[@*جواهر*@]

يمكن كلامها صح بس انا اقول عالاقل شي احبه ومتقبلته احسن من شي احاول اني احبه او مو متقبلته

تصدقين مشكله اذا الواحد مايعرف شنو يبي
وماقصرتي اسيره موني

 

[فديتج يا كويت]

هلا والله النـــــــــــور ..

حلـو الريـاضيــات .. ( أساسا انا عـلمـي بالثانـوي:eh_s(6): ) ... بس أهم شي تكونيـن مرتـاحـه فيــه ...

وحلو 19 وحـده .. صدقيـنـي ما تحسـيـن بحلاتهـاا الا اخر الكورس ..

تحسيـــن انج انجزتـــي شي .. انا من دخلت الكليـه كله 19 أو 20 .. عن جد صرت خلاص ما اقدر اخذ اقـل من جـذي ..



********************************

أسيـــره مونـــــي ...


حيالله زميلتـــي بالتخـصــص .. :eh_s(9):

بس انا خريجـه هالكورس .. يعنـي نحن السابقـون وانتم اللاحقـــــون :eh_s(15):

بس احمد سـاهر رووووعه .. ما عليج من كلامه بس شرحـه روووعه .. وامتحاناته ما تطلـع من النوووت ..
انا خذيت عنــده 5 مـواد .. مـرة وحـده :eh_s(6):
عن جـد روووعه ..

الهـاام متغيــره ..
تصـدقيـن أول كانت رووعه بس الحيــن حيـل شــاده ..
انا خذيت عندهااا 3 مواااد ..
بس اشـوه قبل لا تتغيـــــــــــــــــر ..:eh_s(6):

حلوووه أدب طفــل .. جداا مسليـه المـاده ..


عند منو ماخذه قراءات في الشعـــــــر .. ؟؟؟؟




************************************



هلا جواهـــــــــر ..


اذا مو مرتـاحـه لتخصـصـج .. حاولي تغيرينـه .. لانـه ما راح تمشيـن فيه بعـدين .. ؟؟

بس انـا خبري صاكيـن تصميم داخلـي ..

مادري جـان ردوا بطلــوه ..





..:eh_s(8):

 

[أسيرة موني]

صاجه جواهر ..

اهم شي انج تكونين حابه تخصصج .. لان بعدين صعبه حتى بالوظيفة ..

فديتيها الكويت <- هذا نكج لوول

اهلييييييييين

لا حرام ترا الهام وايد زينة و خوش وحده ماتوقعتها جذي ..

وموشاده ولاشي تاخذ و تعطي بالحجي .. و بالمختصر المفيد كلامها

خوش دكتورة ..


قراءات في الشعر المفروض عند بدرية حبيبتي هالدكتورة .. بس يا دكتور يديد فعطوه الماده ..

اسمه خالد شقير اردني .. و ماشاء الله ثروة معلوماتيه في الشعر العربي و الانجليزي ..

ويااااااااااااالله عالبركة مقدما التخرج والله يعينج

وين ناوية تتوظفين في اي مدرسة واي مقاطعه و اي ولاية في الكويت <- اكشخ

 

[Winter Q8]

جواهـر

أنا أقول نطري شوي لنهاية هالكورس و كلشي يبين ,,
أنا نفسج ماكنت مقتنعة لا بالكلية و لا التخصص ..
و حسيت ان حياتي انتهت بقبولي للتخصص .
و بكل كورس كنت افكر باني اطلع من الكلية او اغير التخصص..
الحين احمدربي الف مرة اني دشيت الكلية و انقبلت بتخصصي ..
نصيحتي لج اخذي تخصصج بصورة محايدة .. ترا رياض الاطفال الدراسة و الشغل ممتع ..
التصميم الداخلي جنه مغلق ,, صارلي سنتين بالكلية ما قط صادفت بنات تصميم داخلي ..

​

 

[خفايا الروح]

اللي تبي تحول المفروض تكون مجتازة 14 وحدة ومعدلها 2 ونص

اما الرياضيات جنه 3 نقاط

 

[@*جواهر*@]

ياااااااااا ربييييييييييي

شسوي من قبل لا ادخل الكليه وانا مادري شنو اتخصص والحين تقولون مغلق

وين اروح

ورياض الاطفال ما يصلح لي انا عصبيه ومزاجيه باجر اعصب على عيال الاوادم ما تسوى انا كل رفيجاتي واهلي يقولون لي ما تصلحين رياض اطفال

انا حاولت اني اتكيف اني اكون ابلة رياض اطفال بس لما اسمع كلام الدكتوره عبير الهولي احس انا شي والي تقوله شي ثااااااااااااااني

 

[أسيرة موني]

جواهر

كلنا اول مادشينا اول كورس .. كنا مو مرتاحين وانا هم كنت حيل خايفه و متردده من تخصصي مع اني كنت خاااااااااايفه اني ما انقبل فيه ,, و تميت ادعي و ادعي اني انقبل فيه ولم انقلبت قلت مابييييه وابي اغير من و هالكلام ..

بعدين اول كورس تحسين انج ضايعه وانج ماراح تقدرين

بس ترا حياة الكلية غير عن الثنوي .. احنا نقول ان احنا عصبيين ,, بس نصيحه و عن تجربه اقولج ..

اخذي المواد عند دكاترة زينين و راح تلقين نفسج تغيرتي و نضجتي ..

والله ماتغشمر وياج .. احنا الكلام الي ناخذه في المحاضرات مو بس كلام ترا هذا تأهيل للتدريس ..

يمكن كلامي يضحك بالنسبة حق الهلاقه كليتنا بس انتي مالج شغل باحد انتي فيدي نفسج و ركزي على دراستج ولا تفكرين في اربع سنين شنو عصبيه ولا مو عصبيه ..

التغيير يبدا من نفسج ..

وكل التدريس يبيله اعصاب .. و الابلة العصبيه احسن من الابلة البارده على الاقل تقدرين تمسكين الكلاس الي تدرسينه و تقدرين شوي تضحكين وياهم و شوي تعصبين ..

اعرف ابله افصلوها لانها كانت بارده و ضعيفه شخصيه .. و هذا المطلوب في التدريس انج تكونين مسيطرة على الوضع ..

لان الحين عيال الحين ترا مو مثل اول .. احنا كنا هادين و براءة اما عيال الحين ترا يبيلهم قلب ..

 

[خفايا الروح]

جواهر ليييييييييييييييييييييش ؟؟؟

عاد تدرين انا اموووووت عاليهاااال مع اني عصبية بس والله تعلمت تخيلي من اخواني الشياطين الصبر وصرت امسك اعصابي مع انهم يطلعون الروح ...

وليش عبير الهولي شنو قالت عشان تحسين انج شي غير عن اللي تقوله ...

انا كنت رياض اطفال بس حولت لان مالي خلق على المجسمات والمنبهات والنشاط والالعاب والخرابيط غير الفنية وطلباتها والتربية المبكرة وتكليفها الميداني واغلب مواد رياض الاطفال فيها تكليف ميداني وععععع عاد شوفي الروضة يرضون يدخلونج ولا لا الحين انا اسلامية

يعني كله مواد يبيلها حفظ بس احس نفسي متقبلتها عادي بس العربي هو المشكلة بس يالله كل شي راح يخلص مافي شي يبقى ..

انتي استخيري وشوفي ...زين حولي فنية احسه قريب لميولج لانج تحبين التصميم..

 

[أسيرة موني]

بنااااااااااااااااات

خفايا الروح بعد شبزي ,, عطتني فكرة حلوة

دام ان احنا هني عندنا موضوع خاص بالتربية الاساسية ..

ليش ما نساعد بعض اكثر ..

يعني مثلا ..

وحده محتاجه مذكرة في الماده الفلانية .. او كتاب

ساعات مانحصلهم في المكتبات .. او المركز يكون زحمه وانتي محتاجتها حيل ..

ليش الي تحط موادها هني تقول شنو محتاجه مذكرات و احنا الي عندها نعطي الي محتاجه صح ؟؟

لان احنا خلاص خلصنا الماده و الكتب شارينهم .. حرام نقطهم .. نساعد بعض فيهم شقلتو ؟؟

الي موافقه تعرض الكتب الي عندها و تبي تفتك منهم ..

اذا اعجبتكم الفكرة راح اقول الي عندي مع انهم مو وايدين .. بس المهم افتك منهم

خفوف ميرسو مرتن ثانيه على الالهام العجيب لوول ..

 

[خفايا الروح]

لووووووووووووول

تدرين فكرة كانت تدووور في بالي

انا عندي

علم النفس والحياة

ومدخل الى التربية المبكرة

منو محتاجتهم...

 

[خفايا الروح]

جواهر

كل وحدة نظرتها للتخصصات غير عن الثانية يعني انا صج لعنت ابو خامس رياض اطفال باالصفحة السابقة لكن هذا من وجهة نظري وفي بنات وااااايد يبونه ويتمنونه مو حاصلهم انتي حددي بنفسج شنو تبين ....

 

[أم أوراد]

قوة بنات انا اليوم كان اول يوم محاضره عند دكتوره عبير الهولي بس اتونس وايد بس حسيت اني ضايعه معاها :\ معطتنا برزنتيشن انروح روضه حكوميه وروضه خاصه انسوي مقارنه بينهم وانا متوهقه حدي مادري شسوي

 

[لورا آشلي]

هاااااي بنوتات

اتصدقون انا رسيت على 10 وحدات بسسسسسسسسس

تخيلوا والله ضاق خلقي والتسجيل خلاص ماكو وقف ... والشعب كله مغلقه

بس يلا الحمدلله الخيره فيما اختاره الله ...

عموما بنات بغيت اسألئكم عن هالدكاتره اشرايكم فيهم من ناحية الدرجات والامتحانات

د: بدر ملك / تطور فكر اسلامي
سلوى جوهر / المناهج
سكيولوجيه نمو / معصومه ابراهيم

اشرايكم فيهم ....؟؟؟

 

[فديتج يا كويت]

أهليـن بنـات ..


جواهـر ..

مالج الا تصليـن صـلاه استخـاره .. وشوفـي شنـو يناسبـج ..
أهـم شـي .. تكونيـن حابـه التخصـص اللي انتي فيــــــه .. تـرى المواد اللي تاخذينها في البـدايـه مجـرد مبـادئ عن تخصـصـج .. بعديـن لما تتعمقيـن فيـه .. تـرى تتغيـر نظـرتـج .. ( تجربـه شخصيـه ) .. :eh_s(6):



********************


أسيـره مــوني ..


تسلميـن يا قلبــــــــي .. وعلى قـولتـج اللـه يعــــــيـن ..

أهـم شـي ان ارتحنـــاا من الدراسـه والامتحانـــــــــــااات ..
والله مادري للحيــن ما فكــرت اي مدرسـه ..

يا معـوده أهـم شـي الاداره تكـون زينـه .. اما الباجـي ما يهـــــــــم ..

على فكـره ..

الهـاام .. زينــه .. وامتحانـاتـهـا مباشـره ..
بس اول كـانت وايـد عسـل .. يعنـي وايـد تمشــــــــي .. وتســـــاعد ..
الحيـن لأ ..يعني ما تبـي Extra information .. ولا اي غلطـه ..
أول ما كـانت جذي كلش ..

انا خذيت قراءات في المسرح .. عشاان جذي ما ادري عن هالماده الظـاهر توها مبطلينهــــاا ..




*********************************



لـوراااااااا ..


غريبــه ليش معطيــنج .. 10 وحـداااااااات .. ؟؟؟؟

الله يعينــج .. هالكليــــــــه ما راح يتسنـع تسجيلهــــــــــااا أبـــــــــد :eh_s(14):

د. بدر ملك .. يهبـل وايـد ناس يمدحوونه انا صراحه ما خذيت عنده .. خذيت عند مرتـه د. لطيفه الكندري ..
بس يقولون هو نفس الاسلـوب .. وامتحاناتهـم مباشره ..
والماده اسااسا حلـوة وسهلـه ..


د. معصومـه .. انا خذيت عندهاااا سيكلوجيه نمــو ..
زينـه بس شـديـده .. يعني ما تحـب التأخيـر كلش لو دقيقــــــــه ..
( شنو اكره الدكاتره اللي جذي جنهـا منى دبيس :eh_s(14): )

وين قاعدين احنااا ..

بس هي تعطـي بونص .. يعني تقولج سويلي استبيـان و وزعيـه .. يعني كـ علامات اضافيـه .. عليه 10 درجـات ..
وايد تفيـد على العشر درجـات ..
انا خذيت عندهـا A

سلوى جوهـر ان شاء الله البنـات يفيدونج فيهااا لاني ما اعرفهااا :eh_s(6):

 

[Winter Q8]

( شنو اكره الدكاتره اللي جذي جنهـا منى دبيس )

شفيها منى دبيس =/ ,, خرعتيني =/ ,, ماخذه عندها هالكورس

 

[مهاوي الكويتيه]

السلام عليكم ورحمه الله وبركاته...

اشلونكم ان شاءالله بخير...

انا حابه اشاركم..

انا تخصصي رياض اطفااااااااال..

واحب هذا التخصص حيل..وسهل..

والي تبي مساااااااااااااااااااااااااااااعده انا حضره وبالخدمه تاااامرون امر...

ونسأل الله التوفيق للجميع..

 

[أسيرة موني]

فديتج يا كويت ..

اهم 2 مواد اختياريه ..
قراءات في الشعر و في المسرح وفي النثر .. كل كورس يفتحون وحده .. ما يفتحونهم كلهم ويا بعض .. عشان ينوعون يعني ..

اي والله صاجه اهم شي الناظرة حليوة

 

[لورا آشلي]

اهلين اسيرة موني

مرسي ياقمر ع التجاوب

انا حصلت 10 وحدات لان موادي كلها عامه ولا حبيت اخذ مواد تخصص عشان بغير تخصصي ان شاء الله ...

والله ريحتني بالنسبه لمعصومه ابراهيم ان شاء الله اضمن عندها ال A

اما سلوى جوهر اليوم حضرت المحاضره ومادري اذا كانت اهيا نفسها او لا لاني انصدمت فيها بصراحه ... اول مره اشوف استاذه بهالشكل ماشاء الله لا اله الا الله بنوته صغيروووووووونه وحركاتها اشحلاتها دلووووعه بس مو على شوفة نفس على براءه والبنات مبطلين حلوجهم عليها هههههههههههههههههههه
صج صج ما شاء الله عليها والله يحفظها من العين ارتحنا لها بصراحه وقالتنا كلكم راح اعطيكم ال A

بصراحه مهما اوصف لكم شكلها راح يكون الواقع شي ثاني

 

[^ليلاس^]

بنات شلون التسجيل بالانترنت

تحصلون مواد ولا التسجيل اليدوي احسن؟