بنات كلية التربية الاساسية ......حياكم جميعا

[جوجو.]

لأ علوم الأسره و المستهلك
يعني اقتصاد منزلي !

،،

ممممممممممم اي بالمتوسط

 

[(كويتيه عسل)]

انا بسال !!
التوظيف شلون يكون ؟!
على اي اساس يعني نكون ابتدائي ولا متوسطة وجذي !؟
مو مثل الجامعه هم يختارون ":\

شلون تتوظف المدرسه بالتفصيل

بعد ماتتمتحنين فاينل بجم اسبوع

تروحين العديليه تاخذين شهادتج واخلاء طرف وهالسوالف وتدفعين طابع وتوقعين الاوراق

سووا مثلي خليكم مبلتعين روحوا المنطقه التعليميه طلبوا منهم ورقه مكتوب فيها الاوراق المطلوبه

لتعيين المدرسات اليدد علشان تجهزونهم مبجر وتكون اوراقكم جاهزه وماتتعطلون

بعدين اتابعين بالجرايد او تروحين تسالين ديوان الخدمه المدنيه عن موعد التقديم للوظيفه

اول مايحطون اعلان دييييييييروبالكم يبدا التقديم الساعه 12 بليل

مثلا التقديم للوظيفه يوم 30\5 انتو يوم 29\5 الساعه 12 بليل وقدموا

تقدمين على طريقين

اما بالنت من سايت ديوان الخدمه المدنيه هذا سايتهم http://www.csc.net.kw/ او بالتلفون هذا رقمهم 8288888

وتختارين وين تبين تشتغلين تحطين الرقم المدني من البطاقه المدنيه بعدين تختارين الرغبات على حسب كود الوزارة ولا تنسين تأكدين على الاختيارات بعدين جيكي على الرغبات اللي حطيتيها مره ثانيه من سايت الديوان لما تحطين الرقم المدني

بعد جم شهر يحطون بالجرايد عن اسامي المقبولين


المدرسات مايراجعون الديوان علطون تروحون المنطقه التعليميه وتودون معاكم


صور من البطاقه المدنيه ، صور شخصيه ، شهادة التخرج ، صور من شهادة الميلاد ، لمن يهمه الامر من البنك علشان المعاش

الموظفه اللي في المنطقه التعليميه راح تفتح لكم ملف وتعطيكم ورقه حق الفحص الطبي تسوونها في المجلس الطبي صوب مستشفى الصباح راح تسوون فحص دم واشعه وفحص عيون وهالسوالف


بعد ماتخلصون الفحوصات المجلس الطبي راح يعطونكم ورقه تردون المنطقه التعليميه ومعاكم الورقه
بعدين راح تكونون خلصتوا كل الاجراءات راح تعطيكم الموظفه اللي في المنظقه التعليميه ورقه تروحون

سكرتاريا المراقب التعليمي وعلشان تختارون المدرسه بعدين يعطونكم ورقة خضرةو تروحون مدرستكم علطول وتدوامون

وكل ماتروحون مبجر احسن علشان المدارس ماتخلص وبعدين مايصير عندكم فرصه تختارون لان كل مدرسه حاطه عدد معين من المدرسات اللي مرغوبهم فيهم

ومدرسات الفنيه مع الاسف طريقتهم غير راح يقطونهم بمدارس بعيده يعني مو بنفس المنطقه التعليميه
في منطقة تعليمية ثانيه ماادري شنو الحكمه يقولون لان عددهم كبير


اكثر شي يعينونكم بالابتدائي وابلات الفنيه والبدنيه والموسيقى ممكن يختارون اللي يبونه بس ماراح يعينونهم يم بيتهم يقطونهم بعيد او سووا هالطريقه في فترة النقل وتراح تييلكم نشره بالمدرسه عن مواعيد النقل قدموا طلب نقل من المرحله لمرحله ولازم الموجهه توافق لان راح يسألون الموجهه اذا المدرسه تصلح تدرس المرحله اللي تبيها ولا لأ وانتو عاد صيروا شطار وساحلوها وساحلوا المشرفه بعد لان اهيا الراس العود اذا رضت عنكم المشرفه الناظره والموجهه راح ترضى عنكم

 

[جوجو.]

ياسلام عالشرح روعه
مشكوره

 

[روح آلمشآعر]

بنآت خلآص مو قآدره آستحمل هآلآسبوعين

تعبت



,

 

[جوجو.]

روح وينج وحشتيني
واي انا عندي امتحان يوم 24 وليلحين مادرست من الماده شي
قررت اقطع النت لمدة اسبوع واتفرغ حق الماده
<-- هيّن

 

[روح آلمشآعر]

مآ يوحشج غآلي قلبوؤو
آلجوري مآ تقدرين خخخخخخخ
آنآ آحآول آخفف منه بس آلمشكله مآلي آلآ آهو


آلله يعيينآ

 

[جوجو.]

والله ياروح مااقدر بس مضطره الاسبوع الياي عالاقل عشان أدرس
<-- هين

 

[مطيريه ماركه]

ThirTy_Three

انااا مط مط المطيريه وياج بثانوية فاارعة ماتذكريني دفعة 2002 أدبي

خخخخخخخخخخخخخ

كنت معاج بمادة اسلامية 66 اتدرسنا ابلة نور الفيلكاوي

اللي اتكلم مثل العجووووووووووز

لووووووووووووووووووول

لا تصدميني سلمت عليج كذا مرة بالكلية


رقمج عندي بس مادري غيرتيه بجاازف وادزلج مسج

 

[مطيريه ماركه]

مزاجية بعد عمري والله

انا دخلت البيانات على اكسل بس ماعرفت اطلع النتيجة

اهئ اهئ



بجيب الجهاز معاي اليوم كوود تساعدني الدكتورة

 

[مطيريه ماركه]

أمونه

انا أعطل قبلج

من يوم 30 / 7

مط مط خششششششششششش نووووووووووم :dddds:

بس حساافة لو قبلها بيومين جان أسافر مع أهلي

 

[ThirTy_Three]

مطيرية ..
عندج اخت تشبهج
او توام اذا ما خاب ظني ؟!
---------------
كويتية عسل !!
مشكوووووورة على الشرح :**

 

[جوجو.]

مطيريه احسن شي اتودينه للدكتوره وتشرحلج عليه تكفين مطيريه هذي اي ماده اللي فيها جذي؟
مابي اخذها واي مااحب العباله

 

[مطيريه ماركه]

ThirTy_Three

خخخخخخخخخخ للأسف ماكو مني اثنين بالدنياا


الجوري

مناهج بحث لا تاخذينها عند مشاعل العبيد قطيييعة متطلبة يمدحون عبيد الشمري وانا أخذت عنده مناهج قبل عسسسسسسسسسسل ومو متطلب كل شي سهالاااااااااات

ياابناااااااااات نصيحة انحااشوا عن الحريم معقدااااااات

 

[أمووونه]

والله جربوا مناهج بحث عند سوسن التركيت عسسسسسسسسل تهبل وماتعبج وتعطيج عطل من محاضراتها علشان تسوين البحث عجييبه مجربتها

 

[مطيريه ماركه]

اموونه وينج من زمان تنصحيني ذوقتني الويل هالدكتورة واللي يحر اليوم رحت 3 مناطق والسبب آنسة مشاعل

أول شي رحت مشرف والعدان وأخيرا حولي وحست من شارع بن خلدون لي الشارع اللي عند التجاري وملعوزة البابا معاي وصايم وتعبان وحسيت بتأنيب الضمير

كل هذا عشان أحصل لي واحد يطلع لي نتيجة الإستبيان الحلوة تبي النتيجة دقيقة


بسرعة بسرعة بلحق على محاضرتها كانت الساعة 12 ويوم ررررررحت المحاضرة والا الحلوة مستأذنة حااطة ورقة تسليم البحوث يوم الثلاثاء

صج احتريت وانا أسابق الوقت وضااغطة روحي حتى الغدا ماتغديت عدل << متحسفة عالبرياني بمغل محل مااكلته الصحن ملياان

لوووووووووووووووووووووووووووووول

لا وتقول التسليم يوم الأحد وهي من بدينا تقول التسليم يوم 30 / 7 شاللي تغير هذي تبي اتحدنا على اقصانا

شنو ماعندنا مواد غيرها والا ماعندنا التزامات اجتماعية

ماعليه خلوني بعبر والله طقت نفسي

لو غيري من البنات طنشوا بس انا عندي ذمة بشغلي وأماااااااااااانة

هالدكتورة متطلبة دوختني معاها

 

[مطيريه ماركه]

والحين بروح حولي كماااااان بعطيه أوراق الاستبيان

حرام ياسيدي حرام

أسمع أغنية عيضة وأقول جبتها والله يالبى قلبـك

 

[أســرار]

بنآت خلآص مو قآدره آستحمل هآلآسبوعين

تعبت


,

انتي وينج صارلج محاضرتني مو مبينه !
_03BA:

،،

 

[أســرار]

مزاجية بعد عمري والله

انا دخلت البيانات على اكسل بس ماعرفت اطلع النتيجة

اهئ اهئ



بجيب الجهاز معاي اليوم كوود تساعدني الدكتورة

آناااااااعرفت :dddds:

انا اقولج شلون

،،

 

[مطيريه ماركه]

أســرار

خلااص سويتهم رحت حولي توني جااية من هناااك

تدرين بجم قالي يسويهم 30 دينار جان أقول يبه غاالي شنو هذا قال أبوي ماتسوى علينا تفرفر اليوم خلاااااص خل يسويهم

وبنت ابوي أقول للمصري انت محللها لنفسك هالثلاثين جان يقولي يا مدام انتي عيزة كم شكله خاف من الله قلت نزل اشدددددعوة 30 دينار على نسبة جااااان يقولي خلاص عشرين دينار والله ماعجبني السعر والا الغالي مطلع الفلوس وانا اقوله يبه يبه ولا يسمعني وربي اني مستخسرتها فيه يناااااااااس حراااااااام مبااااااالغة بالسعر حيييييييييل

اشدعوة قايلة لك بحث كلها ورقتين يمااااااااااااال شسمه باجر ينسأل عن هالفلوس نصاابين والله

<< محتررررة وأبوي ما سأأأأأأأأأأأل

 

[أســرار]

أووله
خو كلها دقايق أسويه لج
بس شدعوه مو 20 !

اشكره قاص عليج

:

و سهل الحركه والله ،
انا طلعتها
طبعاً عقب ما تعبثت و لعبت بالأكسل
وااااااااايد

،،