بنات كلية البنات الجامعية وبنات كلية بوكسهل .. تخصص تصميم داخلي .. تعالوا أبيكم شوي

[Mulan]

السلام عليكم ورحمة الله وبركاته


بنات بسألكم .. تخصص التصميم الداخلي شنو مجالات العمل فيه في الكويت ؟؟

يا ليت تفيدونا

الموضوع يهمني وايد .. لأنه أختي ناوية تتخصص تصميم داخلي وودها اتعرف مجالات العمل فيه

مشكورين بنات وربي يوفقكم اللهم آمين

 

[Me SaRa]

انا جوابي ماراح يفيدج

بس بغيت اقول ان كلية البنات اللي عندنا بكالوريوس

واللي ببوكسهل دبلوم

وبس :-D

 

[Mulan]

إي صاجة .. بس التخصص هو نفسه على اختلاف الدرجة العلمية وأكيد مخرجاته لهم نفس خطة التوظيف

والدولة ما وافقت على فتح هالتخصص إلا مخططة لتوظيف مخرجاته أكيد هي بحاجته دام وافقت على فتحه وهالمخرجات لهم نفس الطريج في التوظيف

وسؤالي شنو مجالات عمل هالتخصص ؟؟ يعني وين ممكن يشتغلون خريجات التصميم الداخلي ؟؟ والتخصص هذا هل له مستقبل في الكويت ؟؟

وكلية بوكسهل توها فاتحة وعندها خطة لفتح مجال دراسة البكالريوس عقب تخريج أول دفعة لهم مثل الكلية الأسترالية

 

[Om eL-3a9aGeeL]

^
^

التخصص نفسه .. بس اعتقد دراسة بوكسهل اخف لأنه دبلوم !
ويفرق معاها بالوظيفة البكالوريوس معاشاتهم اقوى .. ونفرض تقدموا ثنتين حق الوظيفة دبلوم وبكالوريوس بياخذون الثانية طبعاً

:

مجالات العمل مادري بصراحة !

اللي اعرفه تقدر اهيا تفتح لها مكتب تصميم
يعني تصمم بيوت معارض صالات عروس و و و الخ

بس هالسالفة يبيلها ذووق وراس مااااااال .. مع انه هالشي صعب بس اذا نجحت وايد راح يكون شغلها قوي
خصوصاً انه الحين اللي يصممون يسوولج صالة بآلاف !

أحسن شي تسويه
تكمل ماستر ودكتوراه وتدرس بالجامعة

 

[بسبوسهـ]

اذكر بالجريدة قبل فترة كاتبين ان قسم التصميم الالي في كلية البنات راح يدمج في كلية وحده مع العمارة اللي بالهندسة

ويصير اسم الكلية كلية العمارة وهذا الكلام بيكون 2010 بس مادري اذا كلام جرايد او صج بيصير هالموضوع

 

[bint_looda]

بسبوسه عدل كلامج قالو جذي بالجريده اصلا كليتنا كلها بتتفجج
واذا اهي صج تبي التصميم نصيحه مني لها لايحوشها تدش كليتنا ... كذا بنت من رفيجاتي عيزو ينطرونهم يفتحون التخصص وكل كورس يعشمونهم بالكورس الي وراه لمن خلصو المواد الاختاريه وتوهقو صارت كل كورساتهم مواد تخصص صعبه وفوق هذا تخصصو غير عن الي يبونه لاحول ولا قوة الا بالله

 

[Mulan]

مشكورين على الردود ما قصرتوا بنات

سألت بنات الكليتين (البنات) و (بوكسهل) لأنهم درسوا هالتخصص .. سواء بكالريوس أو دبلوم أكيد عارفين مجال العمل وتوظيفهم وين بيكون .. وهذا إللي ابي أعرفه بس

مجال التوظيف

 

[مملكة الكاكاو]

يا ليت نلاقي الرد.. وين يكون التوظيف بعد التخرج؟

 

[دلوعة الكويت90]

انا هذا اخر كورس لي بالتخصص بكلية بوكسهل تصميم داخلي بس كلش مادري عن التوضيف وحدي خايفه ان مالقى اذا احد يعرف يقولي

 

[@ كويتيه @]

انا بكليـه البنـات واتذكر هالمجآلين

1- ممكن تقدم على وزاره الاوقاف في تصميم المسآجد

2- وهم ممكن تفتح لها مكتب .. وتصمم بيوت , شركات و ...