بنات كارهه ويهي وكل شي فيني تعالة اقرو قصتي

[رقـة الاحسـآس]

حبيتبي ما في شي صعب الحين
وكل شي متوفر
وكل البنات يعرفون يهتمون
و اهم شي تشلين من بالج سالفه المقارنات لان مهما سويتي الا ما يكون اكيد في اللي احلى منج
وهالشي بعد يرجع للاذواق
اهم شي انتي تكونين واثقه من نفسج و راضيه عن نفسج و اهتمي و عالجي عشان توصلين لاجمل طله مقارنه مع طلتج الحاليه
يعني قارني نفسج بنفسج
خلي نظرج لجدام تكونين احسن من اليوم
الله سبحانه و تعالى انعم علينا و لازم نحمده و نشكره ع هالنعم و نحافظ عليها
اي شي يصير فيج ضعف والا حت شعرج و الا غيره كله نتيجه اهمالج و الا مب قاصرنج شي

 

[meme>the best]

اكبر غلط تسوينه انج تكرهين نفسج حبيبتي لازم تحبين نفسج شوفي ويهج بالمنظره وشوفي الأشياء الحلوه شوفي الايجابيات كثرة التحطيم بنفسج بتحطمج زياده شوفي ويهج بالمنظره شوفي جسمج شوفي الاشياء الحلوه وحاولي تهتمين فيها اكثر والاشياء اللي مو حلوه حاولي تصلحينها كل انسان فيه شي حلو شوفي الاشياء الحلوه اللي فيج وحمدي ربج قولي الحمدالله اول شي على نعمة البصر غيرج اعمى اطرم مشوه اشتغلي على نفسج شنو مو حلو حاولي تصلحينه اهتمي بنفسج وبمظهرج وبشعرج واسنانج ونظافت بشرتج واهم من هذيل كله الاخلاق والابتسامه الحلوه والروح الحلوه خلي روحج حلوه خليج فرفوشيه ياما جياكر سحووت عفواً على هالكلمه عشان روحهم الحلوه ينحبون لا تقعدين وتحطين ايدج على خدج وتتحلطمين وتبجين قومي على حيلج بدال هالتقرص قومي ظبطي نفسج ولا تقولين اظبط نفسي عشان اتزوج ولا عشان ألفت النظر انتي تبين تصيرين حلوه عشان نفسج ولا عشان الزواج ؟؟ من ناحية الزواج لا تحاتين اللي عندهم نسبه قليله من الجمال اهما اللي حظهم يكسر الصخر بس انتي لازم تتغيرين عشان نفسج عشان تستانسين وتشوفين نفسج حلوه حاولي تتغيرين لنفسج اولاً وبعدين فكري بالاشياء الثانيه واخر شي واهم شي النفسيه تلعب دور قوي اذا كانت نفسيتج تعبانه بتشوفين كل شي مو حلو وكل شي اسود بعيونج طلعي تسوقي استانسي بوقتج اهتمي بنفسج حتى لو كنتي بالبيت حاولي تونسين نفسج بأي طريقه رقصي مثلاً حلو الرقص للجسم وفيها تحركين الدوره الدمويه انتي قاعده وتبين تتسنعين جك بوم الا انتي حلوه يعني ؟؟ لووول من اليوم ورايح شوفي نفسج بالمنظره وقولي انا حلوه وماراح اسمح لأحد يحطمني او ينتقص ثقتي بنفسي خليج واثقه اهم شي الثقه بالنفس ولا تنسين ذكر الله عزوجل والاستغفار موفقه حبيبتي

 

[(حكاية قلب )]

بلعككس انا اشوف كل بنت وفيها شي يميزها
مآآآآفي بنت مافيها شي يجذب
وتقربي من الله واستغفري
حرآآم الي تصطر روحها انتي مب شسمة

​

 

[nour el denya]

إذا قالو اهلج عن بنت حلوه مايعني إنج جيكره
ليش تكرهين نفسج
لازم تكون عندج قناعه داخليه أن كل إنسان فيه شي يميزه و جميل
و ترا الرياييل نظرتهم غير عن الحريم
أهم شي إنج تعتنين بنفسج و تهتمين بشخصيتج و دراستج
و الله يرزقج الزوج الصالح إن شاءلله

 

[Mrs_Efron]

لا اله الا الله محد بيرفكت ترا !

ولازم تحبين نفسج عشان نفسج مو عشان شباب و زواج و خرابيط

اتجهي لله و اقري قران و ريلاكس

انا حاسه فيج صدقيني جد مريت بهل سالفه و طلعت منها

يعني جك بوم يدش هل شعور بمخج يعني انتي كنتي ما تشوفين نفسج جذي وكنتي واثقه شصار ماتدرين

انا اقولج بالصلاه بالسجود قولي كل شي حق الله و ابجي اذا تبين و كل اللي فيج قوليه

مع الايام بتحسنين و يوم بتقومين جك بوم هل شعور راح و بتضحكين علي نفسج

 

[موناي]

كل اللي فيج ماعندج ثقه بنفسج بس هذي كل مشكلتج ... شنو يعني تقارنين نفسج بالناس ليش شناقصج ؟؟ يمكن انت تملكين شي ما يملكونه غيرج وتعوذي من ابليس ماكو الا العافيه روحي طلعي غير جوو يمكن انتي شوي مضايقه او احد قاط عليج كلام عموما خليج قويه وخلي عندج ثقه بنفسج وواجهي العالم

 

[f6oOomii]

حبيبتي انتي ترا الجمال مو كل شي والجمال جمال الروح مو جمال خارجي وغير هذا خلج واثقه من نفسج ويمكن عين العين مذكورا بالقران بس لا يصير فيج وسواس وتقعدين تتخيلين شغلات المهم تتحصنين وتثقين بنفسج وكل الامور سهالات والريال يبي البنت الزينه الي تهتم فيه وداريه لجمال مو كل شي حتى لو دور على لجمال واهي خياس والله بيشوفها يوم سبوع شهر سنه ويرفسها لكن الي جمالها داخلي بيعشها وبتجمل بنظرا خارجيا خلج واثقه بنفسج حبيبتي وفي وايد وسائل تزيد لجمال لمكياج وصبغات وعالجي شعرج وسوي رياضه واهتمي وحبي نفسج وخلي نفسج فوق كل شي والله يوفقج انشالله

 

[معي احلى]

أحمدي الله انتي بنعمه غيرك يتمناها .


لاتحطي نفسك بمقارنات مع فلانه وعلانه ..


و الجمال في نظر الرجال متفاوت .. يعني ممكن اني وانتي نشوف واحده عاديه او اقل من عاديه الرجال يشوفها ملكة جمال .. والعكس صحيح ..


وبعدين اذا انتي تفكيرك محصور ان الذي يتزوجك على جمالك ... الخارجي فابشري انه رجال سطحي وانتي مع تقدم السن بيذبل جمالك .. وبيدور غيرك ..


ما بلا خلي ثقتك بنفسك كبيره .. وقولي اللهم حسن خٌلقي كما حسنت خلقي


كم في بنات قمارى وسبحان الخالق بس مافي اخلاق لدرجة توصلك من كثر اخلاقه تحت الصفر .. ماتشوفي فيها شيء حلو ..

 

[أم علي الرفاعي]

اطق نفسي ؟؟؟

مستحيييييييييييييييييييييييييل حتى لو مسوية شي غلط

اي اتضايق بس ما اتصرف بهالشكل
شنو ؟؟ مو صاحية ؟؟

وعلى فكرة :
حظ الجياكر بالزواج اوفر من الحلوين

يعني حتى لو كنتي جيكرة بتتزوجين لا تحاتين

 

[روح الآناقه]

حبيبتي الجمال ابدا موكل شي ياما بنات فيهم جمال لكن ماتبرزه وتشوفيها جدا عاديه
وفيه بنات جدا عاديات لكن عندهم ابداع في ابراز جمالها وانوثتها وتكون جذابه واملح من اللي تشوفيهم
حلواات لكن انتي هزيتي ثقتك بنفسك وهذا هو صلب الموضوع فرغي مشاكلك في ورقه وابدائي اشتغلي ع نفسك
عناية بشره وشعر ورشاقتك وجسمك الداخلي من فيتامينات واذا عندك ميزانيه ماكثر الله من العيادات والليزرات
اهم مافي الموضوع الثقه في نفسك لا اكثر

 

[جـوود الحب]

مشكلتج مو بشكلج بثقتج بنفسج... حاولي تتجملين داخليا... مره قريت مقوله مو متذكرتها حرفيا تقول.. ان الروج الجميله تشوف كل شي جميل... ياعمري الله جميل يحب الجمال.. اهتمي بنفسج تصيرين حلووه ياحلووه مو شرط كويتيه

 

[miss.unique]

ودي اطالع ويهج .. لان احس انج تبالغين.. احس ان الي فيج شي نفسي مو سالفة انج جيكرة او لاء .. و اذا على سالفة الشعر كلنا لا دشينا الجامعة حتت شعورنا ... شعري كان كثيف قبل مع الدراسة و السنين يحت يبيله عناية .. و اذا ويهج ضعيف متنيه في فيتامينات او مشهيات لزيادة الوزن ... و حطي مرطبات سوي ماسكات حقه .. روب و عسل يعطي نظارة اذا سويتيه باستمرار و في وايد طرق .. باختصار اهتمي بروحج .... ولا تصير فيج عقدة المراية تقعدين تجابلين روحج بالمرايا 24 ساعة و طلعين الاخطاء السبعة , هذا الشي غلط

 

[L I L Y]

ارقي نفسك يومياً واشربي ماء عليه الرقيه الشرعيه ممكن يكون حسد او عين

او نفسيه فكلها علاجها بالرقيه الشرعيه

واسأل الله ان يشفيك ويجعلك من عباده الصالحين

 

[ريم مزيونة 1996]

-.-

 

[زوجة عزيز]

تعوذي من ابليس الانسان لازم يرضى بخلقة ربه

 

[.hinata.]

يمكن انتي سحت واهلج يقصون عليج؟؟ هههه بكحلها عميتها

 

[%دانة%]

الله يهديج تعوذي من الشيطان
هذا كلة من الشيطان

حبيبتي اهم شي ثقتج بنفسج
وروحج الحلوة وشخصيتج المرحة

كذا بتنحبين لو شنو شكلج

غير كذا اهتمي بنفسج ورجعي مثل اول
وزيدي نفسج ثقة بتردين مثل اول واحلى


وعموما
ترى الناس اذوااااااااااااااااااااااااااااااااااااااق
والرياييل هم اذوووووووووووووووووووووووووووووواق
والارزاق بيد رب العالمين

الله يرزقج بالزوج الصالح اللي يسعدج وتسعدينة

 

[teaddy]

قوة بنات
* * ايي نصيحه والله يموت من الضيق * بنات انا يوم كنت ثالث سنه بالجامعة كان عندي خدود وجسمي حلو مشدود بس كان عندي بطن صعير وشعري كان كثيييف يهببل * كثر ماسمع خواتي يقولون فلانه حلوة ووحده جسمها حلو وحده شعرها حلو قلت ثقتي بنفسي قمت اشوف روحي جيكر * ضعفت وخدودي راحت شعري قام يحت كرهت عيشتي يعدين قمت اقول منو بشوفني يقول عني حلوة ويتزوجني ؟؟ البنات اجسام وخشمهم حلو وعيونهم حلوة منو بطالعني احتر من الاوربيات والشام وكل البنات ومنو يشتهي يطل بويهي * ساعات افكر اني ماتزوج لان الشباب عينهم زايغه شلون بيطالعوني * احس نفسي جيييكره بس بيتنا يقولون انتي مافيج شي شحلاتج * بنات ساعات اطالع روحي واسب روحي كارهه نفسي

بنات والله ساعات اطق نفسي اقرص نفسي كارهه نغسي

ماحس لي قدر واهميه










والله قاعده اكتب وابجي تعبت ابي حل

غلطانه يما ماكو مخلوق خالي من الجمال ماعدا القذافي :d بعدين أنتي ضعيفه عيل المتينه شتسوي تذبح نفسها سمعيني يمه الشباب مايتزوجون وحده عشان جمالها لأن احنه البنات ذوقنه يختلف عنهم بمقاييس الجمال وأهم كل واحد منهم يبي زوجه شكل بعضهم يبيها متيينه وبعضهم يبونها هيكل عظمي بعظهم يبونها سمره وبعضهم يبونها اكثر سمارا مثل لون الافارقه وبعضهم يبونها بيضه قطن كل واحد شكل وبالأخير ماراح تاخذين غير رزقج و حطيلج أشويه كحل و حمره امحمره وتصيرين أحلى ومتني أشوي وإذا على الشعر شربي حليب كل يوم والحنه وايد تمنع التساقط والله يحفظج يابنيتي جني عيوز هههههههههه

 

[e.ngland]

خلي ابالج ان لكل وحده جمالها الخاص
الاهتمام يحلي الوحده
وشوفي عارضات الازياء مره شفت فلم اذكر عن عارضات ازياء وجذي ان وحده متينه شوي دخلوها معا عارضات الازياء ووحده من العارضات انقهرت راحت كلمت البنت قالت شلون انتي دخلتي معانا واجسامنا تعبنا عليهم لدرجه يرجعون اللي كلوه عشان الرشاقه » طبعا المغزى جذي
أنا الاهتمام والثقة هذا اكبر واهم من الجمال

 

[Vous jamais]

الثقة نصف الجمال

احمدي ربج على الصحة و العافية

ياما ناس يتمنون العافية , بعدين مفهوم الجمال نسبي ممكن تشوفين وحده تعجبج

بس ما تعجب امج و اختج

الاهم جمال الروح صدقيني راح يطغى على جمال الملامح

ما اقول ما اهتمي لا خلج ذكية و ركزي على الاشياء الحلوة فيج و ابرزيها

و اللي مو عاجبتج اخفيها