بنات قطوي يطلع صوت غريب مادري من شنو !!

[umbattal]

السلام عليكم بنات انا عندي قطو سافرت و رديت وديته عند البيطرب الي بالوفره و صراحه معاملتهم زينه !! بس هو الحين مادري جنه ما له خلق شي و يلعب بس مستنكرنا و اليهال قبل يحبهم الحين ما له خلق + يطلع صوت و اهوا يتنفس جنه يشخر مادري من شنو طبيعي و الا اودي الطبيب قولولي شسوي قبل كان اينام عند الخدامه الحين جايتني خدامه جديده و ما تبيه حطيته تحت بالصاله و المطبخ بس انا خايفه من الصوت من سنو اهوا عمره 9 اشهر الحين !!

 

[M!SS CHARISMA]

حبوبه الصوت جنه خرخشه يكون طبيعي بالقطط عادي لاتحاتين
اما بالنسبه لسلوكه في سببين
الاول:القط حساس وايد صعب انه يتعود على المكان بسرعه يمكن طولتي بسفرتج واختلطت عليه الاماكن
ماعليه خلو على راحته واهو بيرد انشاءالله يتعود عليكم

الثاني: قطج بسن التزاوج يمكن يبي انثى وراح تتاكدين من هالشي اذا بدا تكرمين برش البول بالبيت علامه لجذب الانثى فانتبهي لتصرفاته قبل لا تتوهقين

تقبلي مروري واذا محتاجه اي شي عيوني لج

 

[BlueGirl]

مثل ما قالت جوكوليت
الصوت هذا تطلعه كل السنوريات من القطوة للنمر يطلع اذا كان القطو مرتاح و راضي او اذا احد دلعه او مسح عليه
و الحين اهو بسن المراهقة يعني سلوكه طبيعي يتغير و انا بصراحة انصح اللي عندهم قطاوة يسوون لهم عمليه تعقيم لأن القطط راح تتعب نفسيا اذا ما كانت معقمة و هالكلام عن دراسه
هذا غير التصرفات السيئه اللي راح يسوونها التعقيم الوحيد اللي راح يحل كل هالمشاكل

 

[Mama Africa]

بنات التعقيم شلون يسوونه ؟ووين ؟ وماله اثار سلبيه؟

 

[BlueGirl]

Mama Africa
يسووونه بكل المستشفيات و العيادات البيطرية
عمليه الذكر سهله تودينه الصبح و تاخذينه العصر اما الانثى عمليها شوي اصعب لكن مو صعبه حيل
الاجانت يقولون اذا تبون قطوكم قطوتكم تعيش طول عمرها بصحة و عافيه و نفسيه ممتازة سوولها تعقيم
ماله اضرار كلش اذا سويتي العمليه حق القطو عند دكتور ثفة

 

[¤§ زيتونة §¤]

الله يخلي لكم قطاوتكم

وناسة سوالفكم عنهم جنهم عيال يبون رعاية وتنظيف واهتمام ومراعاة احتياجاتهم هههههههههههههههه




يحليلهم والله مونسينكم هالقطاوة

 

[tnkora]

ماله خلق منو الحين اصلا له خلق شيكي عند بيطري ثاني