بنات قطوتي تسوي حساسيه

[rosemary777]

\

بنات قطوتي عمرها 2-3 شهور

المشكله من شريتها تسوي حساسيه معاطس ونشله

العمر هذا مااقدر اسبحها شنو الحل ؟؟؟

 

[Forever & Ever]

تقدرين تسبحينها بهالعمر عادي

بس اخاف انتي فيج حساسيه من القطاوه

 

[سكارف.فوشي]

مافهمت منو الي يعاطس ونشله انتي ولا القطوه؟

 

[sweet cake]

اذا انتي تعاطسين معناها انتي فيج حساسيه منها..
اذا هي اللي تعاطس يمكن بردانه او تعبانه شوي

 

[fatosha]

منو إلي فيهـ حسآسيـه .؟

 

[rosemary777]

انا فيني حساسيه

انا عادي مربيه قطوه قبلها

 

[rosemary777]

انا فيني حساسيه من القطوه اليديده

اانا مستغربه لان انا كان عندي قطوه وماتسويلي حساسيه شنو الحل ؟؟ اخليها برا بالشمس شوي يمكن شعرها في شي ؟

 

[سكارف.فوشي]

سبحيها
انا مرات اقعد اعاطس وخشمي يصب بس افتح الدريشه بداري واسبح قطوتي ويصير الوضع اوكي

 

[Aboosah]

مثل ماقالت اختي سكاارف

 

[ســكــّر]

ماقصروا البنات
بس اختي الحساسيه مالها علاقه بالشعر سوى قصير ولا طويل
ممكن شعرها يتطاير ويسبب تهيج عندج بالانف حتى الانسان الي مايعاني من الحساسيه مجرد مرور الشعر يبدا يعاطس وخشمه يصير احمر



بخصوص تسبحين القطوه انتهبي لازم تكون ( مطعمه ) لانه القطط مناعتها ضعيفه حيل حيل اي شي ممكن على طول الوفاه

وخصوصا التحميم القطط يفضل كل اسبوعين او كل شهر خصوصا الجو بدا يتغير

 

[rosemary777]

انا ما طعمتها للحين اول تطعيم يمكن 6 شهور ؟؟؟ مادري متى اول تطعيم واكثر من مره اسأل بالمنتدى محد برد علي يمكن ما يدرون؟

انا للحين ما سبحتها لاني خايفه عليها تمرض او تموت

 

[sweet cake]

اول تطعيم شهرين ونص او 3 شهور.. ولازم قبلها تتأكدين ان اكلها زين وصحتها زينه..