بنات قطر وعاشقات قطر حياكن هنى

[P!NKia]

السلام عليكم
شلونكم بنات
انا ان شالله بالعطله بروح العمره وعقب بنمر قطر
وهذى زيارتى الاولى لها
ابى شنو احلى شي بسوق واجف وسوق الفلاح من عبى ملافع بخور وخام وغيره
وابى الفنادق بعد وشقق الفندقيه
ياليت يابنات تساعدونى
ومشكورين​

 

[دلــــع البنــــات]

رد : بنات قطر وعاشقات قطر حياكن هنى

اب اب اب

لعيوووووووونج ....

اهل قطر اصلا يسافرون للدمام والخبر عشان يشترون

بس انا سمعت من رفايجي يمدحووووون قطر وسياحتها

يالللللااااااه انا معاج بعرف يمكن ازورها

 

[P!NKia]

مشكوووره
واب

 

[P!NKia]

قطر الحين تغيرت والناس هابين فيها
يالله بنات وينكم

 

[0ام الحلا0]

رد : بنات قطر وعاشقات قطر حياكن هنى

وانا بعد ودى اروح حق قطر شنو فيهااااااااااااا غير سوق واقف

 

[المتميزة@80]

رد : بنات قطر وعاشقات قطر حياكن هنى

أنا رحت قطر , عندج سوق الفلاح كله عبي وخامات حتى سوق الديرة يعني مافي محل معين لانهم وايد وفيهم محلات كلف بعد حق العبي والدراريع

وعندج سوق واجف كل شي فيه من مواعين وخامات وعطورات اهو سوق تراثي يشابه سوق المباركيه

ومن ضمن سوق واجف كافيهات وايد حلوه وراقيه وفي مكان يبيعون ارانب وطيور وهامستر يعني اليهال يستانسون

وفي محلات تبيع رهش وهالسوالف ومكسرات

هذول كلهم بسوق واجف

اما المجمعات عندج فيلاجيو حلوو دور واحد وفيه العاب ومطاعم ومحلات مثل الللي بمجمعاتنا

والسيتي سنتر 4 ادوار وايد حلو فيه محلات نفس مجمعاتنا وفيه محلات دراريع وفيه العبي الراقيه والغاليه

وبالسيتي فيه سوق كبير فوق يعني مثل سوق مركزي رخيص ينفع حق الصوايغ

وعندهم بالسيتي بعد سكيتنغ حلو حق اليهال يستانسون

وفي مجمع اللاند مارك هم نفس مجمعاتنا وفيه العاب بعد

وهذا اللي اذكره

 

[P!NKia]

مشكوووره المتميزه ماقصرتى
ومشكوورين للبنات اللى ردوووا

 

[P!NKia]

اب اب اب

 

[P!NKia]

بنات قطر ووينكم
شدعوه محد يقدر يفيدنا بشي ؟؟؟؟

 

[P!NKia]

اب اب اب
شدعوه المشاهدات وصلت 110

 

[آلعناآأ]

انتي نفس خطتي عمره و بعدين قطر هههههههههه

روحي و اكتشفي

ان شاء الله تستانسين

تروحين و تردين بالسلامه

 

[classic2004]

رد : بنات قطر وعاشقات قطر حياكن هنى

سوق فالح عنده محل اسمه حميد تريم عنده عطورات اصليه ارخص من السوق
وفي سوق واقف دوري سليم عنده عطوارات بعد وبخور وعود

 

[Laidy n3ooma]

رد : بنات قطر وعاشقات قطر حياكن هنى

روحي the pearl اللؤلؤه رووووووعه

وروحي كتارا ... اللي هو الحي الثقافي هم رووووووعه ..

سوق واقف روحي له فليل واذا تحبون السهر انتوا بعد وناسه وقعده ..

فلاجيووو حلووووو والاند بعد ..

والاكوابارك بس الحين برد ماينفع ..


مممم ومادري .. الفنادق وايد عنج الفور سيزن .. عند الشراتون .. عندج الرتز .. شرق

 

[P!NKia]

انتي نفس خطتي عمره و بعدين قطر هههههههههه

روحي و اكتشفي

ان شاء الله تستانسين

تروحين و تردين بالسلامه

ههههههههههههههههه
معاج ان شالله
وشاكرتلج مرورج

 

[P!NKia]

رد: رد : بنات قطر وعاشقات قطر حياكن هنى

سوق فالح عنده محل اسمه حميد تريم عنده عطورات اصليه ارخص من السوق
وفي سوق واقف دوري سليم عنده عطوارات بعد وبخور وعود

مشكووووره وماقصرتى
وان شالله بشوفهم وامرهم

 

[P!NKia]

رد: رد : بنات قطر وعاشقات قطر حياكن هنى

روحي the pearl اللؤلؤه رووووووعه

وروحي كتارا ... اللي هو الحي الثقافي هم رووووووعه ..

سوق واقف روحي له فليل واذا تحبون السهر انتوا بعد وناسه وقعده ..

فلاجيووو حلووووو والاند بعد ..

والاكوابارك بس الحين برد ماينفع ..


مممم ومادري .. الفنادق وايد عنج الفور سيزن .. عند الشراتون .. عندج الرتز .. شرق

مشكووووره حبيبتى
الصراحه شوقتينى اكثر على قطر

 

[P!NKia]

اب اب اب

 

[زيـטּ عَبْس]

حياتي انتي مثلي خاطري بقطررررررررررررررر

لو يومين


بس وين اللي يودي

ماكوو تشجيع


ووو ان شاء الله ياررررب ازوورها بعطلة نص السنه

وووالكل يمدح اللؤلوة والكرنيش وسوق واقف للتسوق و اللاند مارك وفلاجيو
وعندج الحي الثقافي والمتاحف وحديقة الحيوان

والفنادق
اعتقد ان موفنبيك موقعه حلوو يم سووق اضن ان لاند مارك او ستي سنتر

 

[{ انعم دفشة ~]

هلا حبيبتي انا من قطر وبفيدج باللي تحبين تعرفينه..

سوق واقف تراثي وطوروه وايد يعني بتلقين فيه محلات العطور المعروفه القرشي الالحرمين الرصاصي .. الخ
تلقين فيه مواعين ومحلات تبيع ملافع وصوب مطاعم وكافيهات عالميه < حلوو العصاري مع الجو الحين فظيع

سوق فالح < كله خيايط عبايات واسعارهم مناسبة (والعبايات الغاليه ممكن تحصلينها في شارع السد)
سوق الديره والعسيري < بشكل اساسي اسواق للخام والقطع وهم فيهم شوي خيايط عبي وجلابيات مغربيه
سوق الجبر < فيه محلات احذيه وشناط < التركي والمصري وجذي .. وفيه ملابس عاديه بعد

ملاحظه(سوق واقف والديره والعسيري والجبر) بجنب بعض يعني تقدرين تخصصين لهم يوم تروحين لهم كلهم بس روحي مبجر عن الزحمة

بعطيج المجمعات وأماكن التمشيه بشكل عام واذا فيه استفسار خاص لا تترددين:
المجمعات:
- فيلاجيو ( محلات متنوعه مثل مانغو زارا نكست واليس ماركس .. الخ + محلات الماركات العالميه ديور فندي فيتون .. الخ)
- السيتي سنتر
- الاند مارك
- الرويال بلازا < مافيه محلات وايد مجمع هادي وغالي نسبيا
- حياة بلازا < احلى مافي العاب جنقل زون لليهال المحلات لج عليها مو هذاك الزود
- المول < محلات عاديه والمجمع مو كبير وايد

عندج اللؤلؤه بعد فيها بوتيكات ماركات عالميه مثل هيرمس وغيره
ومطاعم وكافيهات < وايد حلو روحي تمشي فيه
التمشيات:
كتارا أو الحي الثقافي بعد وايد حلو مطاعم وكافيهات للتمشيه

المطاعم عطيني نوع الاكل اللي تحبونه وبعطيج لسته باحلى الاماكن
اما بخصوص الفنادق والشقق حدديلي ميزانيتكم ومالج الا طيبة الخاطر

اتمنى اني افدتج

 

[الخفــوؤق..}]

رد : رد: بنات قطر وعاشقات قطر حياكن هنى

هلا حبيبتي انا من قطر وبفيدج باللي تحبين تعرفينه..

سوق واقف تراثي وطوروه وايد يعني بتلقين فيه محلات العطور المعروفه القرشي الالحرمين الرصاصي .. الخ
تلقين فيه مواعين ومحلات تبيع ملافع وصوب مطاعم وكافيهات عالميه < حلوو العصاري مع الجو الحين فظيع

سوق فالح < كله خيايط عبايات واسعارهم مناسبة (والعبايات الغاليه ممكن تحصلينها في شارع السد)
سوق الديره والعسيري < بشكل اساسي اسواق للخام والقطع وهم فيهم شوي خيايط عبي وجلابيات مغربيه
سوق الجبر < فيه محلات احذيه وشناط < التركي والمصري وجذي .. وفيه ملابس عاديه بعد

ملاحظه(سوق واقف والديره والعسيري والجبر) بجنب بعض يعني تقدرين تخصصين لهم يوم تروحين لهم كلهم بس روحي مبجر عن الزحمة

بعطيج المجمعات وأماكن التمشيه بشكل عام واذا فيه استفسار خاص لا تترددين:
المجمعات:
- فيلاجيو ( محلات متنوعه مثل مانغو زارا نكست واليس ماركس .. الخ + محلات الماركات العالميه ديور فندي فيتون .. الخ)
- السيتي سنتر
- الاند مارك
- الرويال بلازا < مافيه محلات وايد مجمع هادي وغالي نسبيا
- حياة بلازا < احلى مافي العاب جنقل زون لليهال المحلات لج عليها مو هذاك الزود
- المول < محلات عاديه والمجمع مو كبير وايد

عندج اللؤلؤه بعد فيها بوتيكات ماركات عالميه مثل هيرمس وغيره
ومطاعم وكافيهات < وايد حلو روحي تمشي فيه
التمشيات:
كتارا أو الحي الثقافي بعد وايد حلو مطاعم وكافيهات للتمشيه

المطاعم عطيني نوع الاكل اللي تحبونه وبعطيج لسته باحلى الاماكن
اما بخصوص الفنادق والشقق حدديلي ميزانيتكم ومالج الا طيبة الخاطر

اتمنى اني افدتج

ما شاء الله علييج اختي انعم دفشه و بيض الله ويهج



اختي P!NKia


انا من قطر غناتي

و حاضره بالخدمه..

اي سؤال ولا استفساار لا يردج الا كيبوردج يالغلا


يا مرحباااااج و الله

تنورونا يالغاليات

بلآدكم و ديرتكممم :eh_s(7):