بنات في رقم مأذيني شسوي

[ام - وهابي]

خلاص اعترفلج بعد شنو ليش بتعرف ين الخط بسم منو

 

[هدب عيني]

ام وهابي
ماعترف لي هذي سالفه قديمه ايام الخطبه وانتهت


والحين ابي اعرف واتاكد

بنات موفضول

اذا هو بكلمه بيني وبينه لانه اكيد راح يعرف رقمي الجديد اذا غيرته بحكم شغلنا


بس اذا مو اهو اهني اعطيه اخوي يشرشح صاحب الرقم

فهمتوا علي

 

[@ كويتيه @]

يبووووووووووي شخبااااااري اسوي مقلب بالتليفون الظاهر للحين في مرضئ يسون هالحركات حبيبتي مالج الا تتصلين على زين او وطنيه اوفيفاا اللي خطج منهم طبعااا مكالمتج راح يسجلونه لضمان ماتنكرين بعدين قوليله اناا بسسس بعرف اسم صاحب هالرقم بسسس وان شاءالله يعطيج او حل ثاني دقي على كنتاكي او هارديز قولي انا طالبه على الرقم راح يقولج الاسم والعنوان وووبث هاذي الحلو او انج تدقين 101 وتقولين ابي رقم وزارة المواصلات تكلمين اي مسئول ويعطيج الاسم


وكان الله غفور رحيم عاد ماوصيج اذا عرفتيهاا طلعيكل حررتج فيهااا او حوليها علي اطلع حرة امتحان الرياضيات 11 علمي 

 

[هدب عيني]

اب بناااااااااااااااااااااااااااااااااااااااااااااات

 

[معزوفة عشق&]

طلعي لك رقم ثاني ولا تعطينه الا للناس القريبين مررررا وريحي دماغك

 

[فطوم السعوديه]

انتي مكبره السالفه وهي ماتستاهل اللي يبيك بيطق الباب وبيجيك




وبس وخلاص


كبري عقلك ولاتنظرين لاشياء بايخه زي هذا

 

[غنج اهلها]

ياانج تردين وتخرعينه بدعوه

اوطاف

اوتلعنين خيره

وربي هالمزعجين هذا دواهم

 

[prettysoul]

ماعندك سالفة اسمحي لي
عطي الرقم أخوك
وهو رح يتصرف
وبعدين إن كنتي حابة تتزوجي الطبيب استخيري
مولازم تسوينه فيلم كرتون
لاتزعلي مني
لأن أنا كذا زمان صارلي هالموقف
وظنيته وحدة من صديقاتي رقمها جديد وطلع لي واحد شاب تعذر إنه أخوه الصغير
وطنشت
وكرر الموقف يدز رسايل وعطيت الرقم لأخوي وقفه عند حدّه

 

[* بنت المطر *]

عطيه طاف ليم يمل ويروح ان رديتي عليه ماراح تخلصين نصيحه احسن حل طاااااااااااااااااف

 

[على الدنيا سلام]

مبين عليج معجبه فيه انتي حبيبتي بيدج تحددين موقفج يا انج تطنشين اتصالته ومسجاته وما تلتفين له ودام انكم من مكان واحد سهل التواصل لو صج يبيج يقدر يوصلج او تغرين رقمج وترحين بالج واذا بغاج ياج لي مكانج وموفقه

 

[يحبنى الله *]

ذكرتينى بوحدة الله يعينها الحمد الله الذى عافانا

نفسك بس غير اللى مأذيها زوجة الريال نفسه - لدرجة انا اول مرة اسمع ان وحدة تخرع ذابحتها بالمسجات

والتهديدات
انزين شتبين خلصت السالفة
طلعت روحها مع ان الريال كان وده يتزوجها ولأن عرفت ما راح يرضون اهلها لو تقدم لها لأن متزوج ومطلق وقام تزوج غيرها المهم اليديدة لما درت ان كانت فى مسجات بينهم طلعت روحها وان راح تفضحها وان وان
غيرت خطها البنت بسوسكرت خطها الأول وعندها رعب بعد تتصل وتطلع منو اهى
وصار لها مدة عايشةبخوف لأن البنت مو راعية مشاكل
هالزوجة مو فاهمة ان الشىء كان قبل زوجها منه يبا خلاص الموقف كان قبل لا تتزوجينه بس هذيك لا تخررررررررررع

الحمد الله والشكر بصراحة ما عرفت احلها المشكلة
هذى شنو الحل لها

ما ادرى ما عرفت شنو انصحها
فانتى ديرى بالك بعد تصيرين مثلها ..

 

[[ نور عيني ]]

في برنامج اسمه ( نمبر بوك )
تحطين الرقم اللي تبينه وراح يطلع لج بأسم منو
حمليه على الفون
سوا ايفون ولا بلاك بيري ..
ب التوفيق
=)

 

[بنات حواء2]

مادري شقصة الارقام الغريبه
انا بعد يدقون علي من السعوديه و يدزون بالواتساب شغلات تخرع و فوق الخمس ارقام بصراحه استغربت و يعرفون اسمي و عايلتي بعد
بس عاد لقوا الي تهتم احلى بلوك مادري شقصتهم

 

[dalo0oa121]

عندج فضووول يعني لاتردين وهو بيتملل

 

[المكسيكيه]

طاف خل يدق لين يقرع

 

[مهندسة الابيات]

لا تعطينة مجال ولا تعورين راسج
يعني اذا عرفتي منو صاحب الرقم وبعدين

حياتي غيري الخط وارتاحي
واذا ما تبين تغيرينة لا تردين عليه كبري مخج
ديري بالج لا تتطور الامووور

 

[في قلبي حنين]

هذي حزة التكنولوجيا

في برنامج بالايفون اسمه true caller تنزلينه من الانستولز

بس اكتبي الرقم وراح يطلع لج اسم صاحبه

 

[جنة هلي]

وووووووي كبرتوا الموضوع من لاشي !
لاحبيبتي لاتغيرين خطج ولا شي ولاتعطين اخوج الرقم
ترا احنا بزمان التكنلوجيا حبيباتي انتم هعً
اذا عندج ايفون نزلي برنامج من الاب ستوري
اسمه ( numberbook )
وراح يطلع لج اسم الشخص منو
وهمن في برنامج ثاني اسمه ( truecaller )
همن من الاب ستوري وخلصنا ✌?