بنات فكرة الطـــــلاق تراودني .. وهالمرة بقوة

[ليدي مشمش]

يارب يقلب كل حزنج فرح ويرزقج بالذرية الصالحة
ويسعدج وصير كلامج هذا كله ذكري قولي آمين

 

[طم طم]

وسعى صدرج وتعوذى من ابليس هذا الشيطان يوسوس لج ... وحاولى تغيرين من الروتين اليومى بحياتج ,,, والله يشرح صدرج بالأيمان وطاعتة الرحمن يا رب ويرزقج ويرزق كل محرومه يا رب جميعااا بمنتدى كويتيات... بالذريه الصالحه الصحيحه يا رب ,, اللهم آمين

 

[الغــ مرت ــالي]

حبيبتي صبري والله مع الصابرين

حرام تتركين زوجج
صدقيني الله كريم وصبري عليه والله بعوض صبرج الله كريم

 

[lamsety]

حبيبتي دشي هذا الرابط ان شاء الله يكون في الحل لمشكلتج والله يرزقج بالذريه الصالحه ويفرح قلبج امييييين يا رب
http://www.q8yat.net/showthread.php?t=81432

 

[شمسه]

ليدي مشمش


طم طم


الغــ مرت ــالي


الكاتبه72



جزاكم الله كل الخير يا بنات على الرد ويا ربي يرزقنا وياكم بالذرية الصالحة المعافاة في القريب العاجل ​

 

[كويتيه كلاس]

حبوبه شمسه ...
تبين أقولج سالفة..
كان فيه وحده غامرت إنها تتزوج ريال كذا واحد من عائلته و اخوانه فيهم عقم
و تزوجت وربي للحين مارزقها بالياهل .. قامت تروح لمحلات الأطفال و تختار سرير البيبي إلي يمكن مراح تشوفه .. تروح تشتري ملابس المواليد حق أي وحده من أهلها بتولد .. تروح تشتري ملابس اليهال بسنه و سنتين و ثلاث و أربع و توزعهم على عيال أخوانها .. مو مرض نفسي فيها و لا خلل .. لكن تقول أبشغل نفسي .. يمكن ربي ما يرزقني بياهل خن أعود نفسي إن عيال أخواني و خواتي هم عيالي ..
عشان ما تجرفني مشاعري لعالم مظلم .. ما عايبت ريلها و لا عايرته .. بالعكس راحت تدور على العلاج .. لأنها مقتنعه قناعه مطلقه بكلام الرسول إللي بمعناه إن لكل داء دواء إلا الهرم و هو الكبر بالسن .. ما علمت أحد إن الخلل بريلها إلا أمها و إللي قعدت تحثها على الصبر مو الطلاق .. و كل من سألها ردت عليه .. آنا رحت للدكتوره و قالتلي كل شي فيج أوكي .. و ريلي راح لدكتور و قاله كل شي فيك أوكي و المسأله مسألة وقت و تو الناس عالحمل و إللي كاتبه ربي بيصير و هلم جرا من الكلام إللي يسد حلوج الناس الطفيليين إللي يبون يعرفون ليش ما صار حمل .. حتى أهل ريلها يقولون لها روحي الطبيب سوي فحوصات و تسكت و تطنش وتقول تو الناس مو مستعجلين .. ما قالتلهم العيب فولدكم لا والله لآنها تدري بقرارة نفسها إن هالشي مو عيب .. العيب لما الإنسان يسبب لنفسه العيب و الفضيحه .. لما يدمن مخدرات .. لما يزني .. لما يسرق ... لكن هالشي إبتلاء من رب العالمين و إمتحان لصبر الإنسان ..
إهي تدري إن ريلها أخلاق و محترم و طيب و حنون و يموووت فيها ... ليش تخسره ؟؟ و لو إخسرته عشان إحتمال الإنجاب عنده قليل هل توثق إنها راح تتزوج غيره؟؟ ولو تزوجت هل توثق إن ريلها اليديد راح يكون بنفس أخلاق الأولي .. هل توثق إنها بتحمل ؟؟ و لو حملت هل توثق إن عيالها بيكونون سليمين متعافين ما فيهم ضرر؟؟
يا حبوبه ..
فكري بعقلج و ضغطي على قلبج و حبي ريلج مثل ما يحبج و شيلي من راسج وساويس الشيطان وجددي حياتج خليج كل يوم عرووس ودلعي نفس بنفسج عشان ريلج يدلعج و لا تتوقعين إنه بيدلعج و يحاول يكسب رضاج منيه و الطريق ... لا و الله غلطانه ما راح يبين لج إنه منكسر بس و الله بداخله تلقين جبال من الهموم .. إحمدي ربي إنه معافيج و معافي ريلج ما فيكم إعاقات و اعرفي إن هالنعم تستحق الشكر و إن الاستغفار للخالق الوهاب وحسن النيه و النيه السليمه خير طريق للرزق ..
و الله يرزقج من عنده و يرزق كل محرووم بالذريه الصالحه المتعافيه ...

 

[منوووووله]

الله يرزقج ويرزق كل محرووم يارب وخلج معه زووجج الي تحبينه احسن
من واحد غريب ماتدرين شيسر معه الوقت واللي الله كاتبه انشالله بيسير
والله يوفقج انشالله

 

[love love]

عورتي قلبيييييييي

بس لاتفكرين بالطلاق تو الناس مثل ماقالو البناات تخيلي العكس لاسمح الله العيب منج جان رضيتي يخليج؟
ادري الغصه انه كان يدري وتزوجج ومااهتم ولا صارحج بس الي صار صار

والله ماادري شقولج بس بدعيييلج من كل قلبي والله دمعت عيني وانا اقرى قصتج
والله يرزقج يااااااااااااارب بتووووووووم وينسونج هالنطره يارب

وقولي حق ريلج يتعالج اذا اهو مايتعالج هذا من حقج

 

[سينامون]

تعوذي من ابليس, الوحده فينا مو كل يوم لها ريل. و دامه يحبج وانتي تحبينه سامحيه. و انتي قلتي انه مو عقيم دام الحيوانات المنويه موجوده فانشالله سهالات ياما نا فيهم عقم كلي سوو عمليات و الحمدلله الله رزقهم و احنا كلنا حالنا من حالج عايشين عالامل. لازم نكثف الدعاء و نتذلل الى الله. و اللي الله كاتب يصير.
سبحان الله وحده زوجها فيه عجز جنسي اللي مسكينه تمت عذراء مره زوجها كان يداعبها و سبحان الله صار عنده قذف و حملت و هي عذراء. الله يرزقنا اجمعين و يبعد عنا شياطين الانس و الجن

 

[أم فصولي]

شوف حبيبتي
لاتفكرين يالطلاق واصبري والله معاج وانشالله الله راح يرزقج باليهال اللي يدوخون راسج هاهاهاهاهاهاا
وخلي في بالج ان هذا اللي الله كاتبه وفي مستشفى بالاردن اسمه مستشفى نور والدكتور اسمه الكيلاني كل الناس يمدحونه بهذا الخصوص
انا اعرف محده نفسج لها 3 سنوات وبعدين راحت للاردن عند هذا الدكتور وأخذ من الحيوانات المنويه مالت ريلها وكانت حدها قليله ودخلها في الرحم بس مو طفل انابيب اذا ما ني غلطانه اسمها الحقن المجهري والحين ترى يسوونها في مستشفى الشركه
وبعدين ماشاالله من أول تجربه حملت ويابت ولدين لله الحمد
والخيرررررررر عند اللخ جدااااااااااام بإذن الله تعالي

 

[um-naser]

حبيبتي انتي تقولين ان ريلج كان مغبي عنج
طبعا ماراح يقول شي من هذا قبل الزواج لأن أكيد اهو متلهف على العيال مثلج وأكيد عنده أمل إن الله بيرزقكم والا جان ما تزوج
المهم حطي في بالج ان كل شي من الله خيرة والله عالم ان كل شي في وقته
والله سبحانه يقول أنا في حسن ظن عبدي بي اذا تيقنتي ان الله بيرزقج فإن الله راح يرزقج فعلا
أنا مريت بفترة ماكان يفيد فيني أقوى الأدوية لدرجة ان أخر مرة عالجت قالت لي د.معصومة ان العلاج والأبر ما لها نتيجه والله اني ما يأست وكنت أدعي وقت المطر وتالي الليل وأمي ما قصرت بالدعاء والحمدلله الله رزقني
اذا بتسمعين الناس اللي يجرحون بالحجي واللي يتشمتون بتأخر الحمال بتعانين من الحسره والغم -والله كانت حماتي تنغز علي وتتشمت فيني ليش ظليت 7 سنين ماحملت وآخرتها أنا عندي الله يخليهم ويحفظهم 5 وهي عندها خمسه بس اشصار فيها -اللهم لاشماته
كانت تنغز وتقول----الحمد لله اني أحمل بدون علاج ولا شي لو إحنا ما نحمل بسرعة جان رياييلنا ما اصبروا
ألحين اكتشفت ان ريلها بعد هالسنين والعيال الخمسة طلع متزوج وعنده ياهل ومرته حامل بالثاني---طبعا انهارت ودشت الطب النفسي وخلى لها اليهال مايبيهم وهي ألحين عايشة على المهدئات وعلى طول مخدره والله اني بجيت على حالها
يعني لا تقولين ان العيال بس اهم مصدر السعاده
شفايدة العيال اذا أبوهم مايتعاشر

 

[um-naser]

بعد أبي أقول سالفتين

بنت عمي تزوجت واحد وماحملت 7 سنوات فقال لها أنا مابي أظلمج وياي لأن العيب منه واحنا سمعنا ان خواتها حرضوها على الطلاق المهم تطلقت منه وهالحجي من تقريبا 11 سنه شصار فيها ظلت بدون زواج وأبوها كان متوفي والعام أمها توفت واخوانها كلهم متزوجين وباعوا بيتهم وهي ظلت بدون بيت ولا ريل وألحين سمعنا انه تزوج صار له كم سنه وان الله رزقه عيال

-------------------------------------------------------------------------------
السالفه الثانيه كانت وياي وحدة بالمستشفى تقول سالفتها:
تقول ظليت سبع سنين وجربنا أنواع العلاج وقالو الأطبة ان زوجي الحيوانات المنويه عنده قليله وتطلع ميته
تقول ريلها قال لها أنا ملبي أظلمج وياي وأبي أطلقج
اهي مارضت وقالت احنا ما جربنا نروح لندن خل نجرب يمكن يصير شي
سافروا لندن وهناك عطوا ريلها علاج وسوولهم طفل انبوب أو تلقيح والله ما أتذكر بس تقول يوررونا اشلونبالمجهر الحيوانات المنوية ماتتحرك ولما يضيفون عليها دوا تتحرك بسرعة ---المهم تقول بعد التلقيح باسبوعين تقول ما صدقنا لما قالوا اني حامل تقول قمنا نبجي أنا وريلي ولما سوت سونار طلع فيها ثلاثة وقالوا لازم نشيل واحد لما تكمل الشهر الثالث ردت الكويت وقالت بتوكل على الله وما ابي أجازف لما سوت سونار عقب الشهر الثالث سبحان الله الجنين الثالث مختفي بروحه المهم انها ولدت ويابت ولدين الله يرزقج مثلهم

المهم شغلي نفسج بأشياء حلوه وممتعة
واعتبري نفسج عروس
وأهم شي بالدنيا راحة البال الله يريح بالج وبال الجميع

 

[نفيشه2007]

تعوذي من بليس وام ناصر ماقصرت لاهي ولا البنات كلامهم عدل

 

[شمسه]

أم ناصر بارك الله فيج والله قصصج وايد أثرت فليني


نفيشة شاكرتلج مرورج

 

[امون حبيبة زوجها]

بعد عمري تعوذي من ابليس دام زوجج زين تقضبي فيه شفايدة عيال بزوج مايحترمج ومايحبج

عسى ربي يرزقج وكا باغي بالذريه الصالحه عاجلا غير اجلا يارب العالمين

كثري من الاستغفاار وخليه زوجج يكثر من الاستغفار وخل يكون عندكم يقين انه في الاستغفار العلاج ترى الاستغفار معجزه

 

[المتميزة*]

السلام عليكم
اختي شمسة
اسمحي لي ان اقولج رأيي المخالف لرأي الاخوات
-اختلاف الرأي لا يفسد للود قضية -
لي متى واحنا نضحي ونصبر على الريل لما يكون العيب فيه؟
لو كان العيب في المرة كان ماصبر تلاقين اهله وربعه يحرضونه على الزواج
بصراحة انا كنت مثلك وقعدت افكر في الطلاق واخيراا بعد الاكثار من الاستخارة حصلت على الطلاق - مع انه حاول كذا مره اني يخليني مااتطلق وحاول يرجعني
لكني حكمت عقلي قبل عاطفتي
قلت اذا صار عمري بعدييين 50 سنة وهو حب انا نعالج -يعني نسوي حقن مجهري - الطبيب هني ماراح يقبل اني اتعالج معاه لأني اكون كبرت ووصلت لمرحلة مافيها العادة الشهرية فبالتالي لو حب يتعالج اشلون ؟
خل اتطلق منه و يتزوج وحدة اصغر منه ب10 سنين لتكون فرصة التجربه متاحة امامه لسنوات طويلة
مو انا عمري 50 وهو عمره 50 !! هو صح راح يكون عنده محاولات ومسموح انه يسويها - وهي الحقن المجهري لكن المرة اذا تعدت ال45 ما في مجال .
فقلت عشان مااظلمه خل اتطلق
وماني ضامنه اني يتزوج اكييد لأن هذا شي بيد رب العاليم لأني بصراحة لما تطلقت فكيت عمري من كثر محاولات العلاج من ابر وعمليات اللي مامنها فايدة وبالخير قالوا ان لا يوجد إمل في هذا الزوج
واكيد الرجل ماراح يقعد على زوجته لما تكبر اكيد بيقول خل اجرب واتزوج
مع انه زين الى حد ما وقالي ماابي اظلمج اذا تبين العيال واهلي وقفوا معي واصروا على طلاقي وهو تزوج غيري وتطلقوا بعد .
وشفت كذا وحدة وسمعت عن كثيير تطلقوا من ازواجهم يبون الذرية ومافيها شي
لأني يوم كنت عنده كنت احس بنقص اني ماكنت أم .
لأني شفت كذا وحدة تطلقت وربي رزقها
وهذا مو حرام ولا عيب لأنه حق شرعي وقانوني لي .
انتي استخيري حبيبتي
وآسفة ان كنت دوختج بهاكلام لأني مااحب اكتم بقلبي .

 

[حروف]

الله يفك عوقج ........... ويرزقج بالذريه

والله اقسم لج عندي وحده من بنات عمي ..... لها عشر سنوات او اكثر

والكل يقول ماراح تحمل ....... وبقدرة قادر حملت ........ فسبحان الله

يمكن الله يفك عوق ريلج

مااوصيج الا بالدعاء الدعاء الدعا والله له مفعول موطبيعي

لاتفكرين بالطلاق تعوذي من ابليس ....... حاولي تغيرين جو .... سافري

عسى الله يرزقج يارب

 

[بورشه]

مااقول ياقلبي الا الله يرزقج ويرزق كل محروم من الذريه

 

[ام جاسم]

الله يرزقج بالذريه الصالحه اقرب وقت وشيلي فكره الطلاق من بالج

 

[أم منيرة]

السلام عليكم

انا اعرف وحده مثل حالتج وقعدت 14 سنه وبعدها عالجت بالاردن من ضعف في زوجها وحملت وعندها بنت صبري والله يرزقج من نعمه